Finalizou o VII Festival da Mocidade que da Aguilhoar levamos organizando, ano após ano, mas nesta ediçom as dificultosas circunstáncias económicas também estiverom e estam presentes nos movimentos sociais. Assim, nesta ocasiom nom pudemos desfrutar dos concertos ao ar livre que desde os começos era umha senha de identidade. Porém, seguindo o sucesso da ediçom anterior, da Aguilhoar decidimos centrar os nossos esforços na programaçom de umha boa jornada desportiva, popular e galega, que puxesse acima da mesa, nestes tempos de actualidade com o mundial de futebol e os jogos olímpicos, um desporto de base, nom profissional e baseado na camaradagem e, aliás, colocando a necessidade de umhas seleçons galegas poderem competir internacionalmente em pé de igualdade com o todos os povos do mundo.

Neste contexto, o sábado 28 de julho, sete equipas representativas de povos da nossa comarca, - A Sainza, Poligono, Casas da Veiga, Boado, Vilar de Santos, Lama de Paio, e As Pegas-, participaram das Olimpíadas Inter-Povos nas instalaçons desportivas da Moreira em Ginzo de Límia.

Mais de meio cento de participantes e alguns curiosos achegarom-se já pola manha cedo para correrem os 4000 m, que partiam da Praça Maior da vila, e que foi para a Sainza, os 100m e o lançamento de sacho, também forom para o combinado mouro-cristiao. Porém, o salto de longitude levou-no a equipa de Boado, e o lançamento de pedrolo foi para os das Casas de Veiga. O tiro com fisga que puxo fim à manhá, nesta ocasiom, levou-no a equipa das Pegas.

Já pola tarde, tinhamos as provas por grupos, onde arrassou novamente a Sainza, tanto no volei, como no espectacular tiro de corda. A continuaçom, também outras das provas estrela, foi a carreira popular por relevos, com carreira de sacos, ao chico, carretilha e carreira com a pataca numha culher na boca. E para terminar a luita galega, onde os e as participantes quigerom medir a suas forças. A classificaçom final levou o xamom para a Sainza, como campeom, o lacom para o Polígono como segundo classificado, e a rastra de chouriços para as Casa da Veiga como terceiros da maratona desportiva.

Para por-lhe o fim à jornada, foi o Centro Social Aguilhoar o que acolheu num concerto superlotado, ao grupo viguês de ska Liska! que fixo dançar e troulear a todos aqueles que participaram na jornada. A seguir foi a entrega de trofeus a carrego de um representante da Aguilhoar que nom defraudou na sua intervençom. E ainda, umha improvissada foliada que continuou a festa desta ediçom, um tanto sui generis, do Festival da Mocidade.

Obrigadinhos/as a todos/as por tudo!

Mais info: http://festivaldamocidade.blogspot.com

Nota: Nos próximos dias publicaremos umha extensa reportagem gráfica da jornada.

A seguir publicamos o cartaz e a programaçom definitiva da sétima ediçom do Festival da Mocidade, que mais um ano se centra no ámbito desportivo e festivo. Assim, as actividades das olimpíadas inter-povos decorreram nas instalaçons desportivas da Moreira, onde haverá todo tipo de serviços, desde vestiários, zona de descanso, um bar com bebida e comida para os participantes,etc.

Finalmente, o encerramento da jornada será no Centro Social Aguilhoar, e nom na tradicional Praça de Oriente de Ginzo como en anteriores ediçons, nele realizara-se a entrega de trofeus e contaremos com a actuaçom do grupo viguês LISKA! para por fim a este evento.

Sem mais, encorajamos a participarem nas actividades a todas e todos, podendo anotar-se através do correio aguilhoar@hotmail.com, no local social ou em último caso no próprio Campo da Moreira.

Mais info. http://festivaldamocidade.blogspot.com

Próxima ediçom do Festival da Mocidadade repite a organizaçom das Olimpiadas Inter-Povos, assim da Aguilhoar começamos a trabalhar para prepararmos, mais um ano, este evento desportivo e festivo.

28 DE JULHO NO CAMPO DA MOREIRA

O sábado 28, na capital da Límia, nas instalaçons da Moreira, desde a pimeira hora da manhá decorreram todas as provas. Desde disciplinas profisionais como 5000 m., 100 m. ou salto de longitude, até jogos tradicionais como o brilé, lançamento de sacho, tiro com corda ou carreira por relevos.

A participaçom será por equipas, preferentemente de cada um dos povos, aldeias ou bairros da comarca, e com a obrigatoriedade de contar com umha mulher quando menos em cada equipa.

O Trofeu para o povo ganhador será um xamom, para o segundo classificado será um lacom e para o terceiro uns chouriços. Aliás, haverá um diploma para os campeons individuais de cada umha das provas.

CONCERTOS NA PRAÇA DE ORIENTE

Para finalizar a jornada, na Praça de Oriente haverá umha cerimónia de entrega de Trofeus e os já habituais concertos até o corpo aguantar para lhe por fim a este dia.

FAI A TUA EQUIPA NO TEU POVO, ALDEIA OU BAIRRO!! PARTICIPA!!

Mais informaçom proximamente
Blogue: http://festivaldamocidade.blogspot.com
Correio: aguilhoar@hotmail.com

O pasado sábado, 30 de xullo, decorreu a sexta edición do Festival da Mocidade, este ano adicando a temática do mesmo aos deportes populares e galegos, sob a organización dun campionato que enfrontaba aos pobos, aldeas e barrios da comarca en probas como os 4000m, 100m, brilé, lanzamento de sacho ou o tiro con fisga, continuando a idea lanzada nas Olimpiadas Populares Galegas.

O resultado foi un rotundo éxito, non só na participacióm, contando con dez equipas, con un número de participantes que ia dos 6 aos 10 por cada unha, mais polo ambiente vivido, o convivio e a sana competitividade, pondo en valor unha outra forma de lecer, sempre de unha óptica 100% galega e popular.

Olimpiadas Inter-Pobos. Casa Baratas-Pombal saiu como a equipa gañadora.

A xornada comezou por volta das 11h da mañá até 14h nas instalacións deportivas do campo da Moreira, desputándose os 4000m resultando gañador Javi do Poligono 2 na categoria masculina e Lorena Portela da Veiga na feminina. Logo virían os 100m. que iría para Hector da Sainza, e mais para Noelia do Barrio de Abaixo. A continuación a lonxitude gañando o Javi do Poligono 2 e novamente Noelia do Barrio de Abaixo. E por último, en peso maculino faríase co trunfo Javi das Casas Baratas – Pombal e no feminino Raquel de Reboreda, e o Tiro con Fisga que foi para a equipa das Casas Baratas – Pombal.

Na concurrida e calurosa tarde, foron as probas de lanzamento de sacho, que gañou Adrian da Sainza, e mais unha vez, Noelia do Barrio de Abaixo. O brilé foi gaño novamente pola equipa das Casas Baratas – Pombal, e a seguir no Volei foi para A Sainza quen se levou a vitoria. E para rematar a xornada deportiva, a igualada carreira popular foi para equipa de Reboreda. Portanto, a clasificación por equipas resultou o primeiro posto para as Casas Baratas – Pombal, o segundo para Sainza e o terceiro para o Barrio de Abaixo.

Concertos e entrega de trofeus

Porén, a xornada non terminaba aí, mais continuaba na Praza de Oriente de Xinzo de Limia ambiantada para o efeito, cos concertos dos ourensanos Markarpone e os de Ponte Areas, Skandalo GZ que animaron aos presentes. Así, decorreu a entrega de trofeus a carrego de membros da Aguilhoar fixo entrega dos premios anunciados, nunha irónica intervención na que aliás se entregaran os premios “Isaac Vila” e “Anxo Quintana”.

Só resta agradecermos a todos as e os presentes e as que colaboraran con este VI Festival da Mocidade a súa axuda e agardarmos mais un ano para unha nova edición.

Eis a programación definitiva deste VI Festival da Mocidade a decorrer o sábado dia 30 de xullo en Xinzo de Limia.

OLIMPIADAS INTER-POBOS
HORARIO DAS PROBAS: Campo da Moreira

Ás 11h00. 5000 m e 100 m

Ás 11h45. Lanzamento de peso e Salto de Lonxitude

Ás 12h30. Lanzamento de Sacho

Ás 13h00. Tiro con Fisga

Descanso para xantar

Ás 16h00. Brilé

Ás 17h.00. Volei

Ás 18h30. Carreira Popular de Relevos

Ás 19h15. Billarda

Ás 20h30. Loita Galega

CONCERTOS. Praza de Oriente
Entrega de Tofeus

Ás 23h00
SKANDALO GZ
MASKARPONE

Mais un ano as e os mozos da Aguilhoar organizamos unha edición do Festival da Mocidade. Este ano, após o suceso das Olimpiadas Galegas Popuplares que se desputaran en Ribadavia, facémonos continuadores desta iniciativa e adicaremos esta edición do festival en exclusiva á festa do deporte, que enfrentará en diferentes disciplinas aos pobos e aldeas da comarca da Limia. Ainda, a partir das 23h00 na Praza de Oriente (Xinzo) haberá concertos e a entrega de Trofeus aos gañadores.

30 de Xullo no Campo da Moreira (Data límite de inscripción 28 de Xullo)

As probas decorrerán nas instalacións deportivas da Moreira (Xinzo de Limia) desde ás 11h00 da mañá até as 20h00 da tarde do sábado 30 de Xullo.

Poderán participar todas equelas persoas que o desexen, organizadas en equipas en función do seu pobo ou aldea, existindo mínimo de 6 persoas e sen máximo de participantes por cada unha delas, nen necesidade de participar en todas as probas.

Trofeus e concertos. Praza de Oriente.

A partir das 23h00 na Praza de Oriente haberá concertos para por fin a esta xornada deportiva e festiva, realizándose a entrega de trofeus ás equipos e gañadores de cada proba.

O Trofeu para o pobo gañador será un xamón, para o segundo clasificado será un lacón e para o terceiro uns chourizos. Aliás, haberá un diploma para os campións individuais de cada unha das probas.

Para determinar o pobo vencedor, en cada unha das probas pontuaranse respectivamente com 3, 2 e 1 ponto os postos 1º, 2º e 3º. Así, a equipa que ao final contabilizar mais pontos, será a vencedora das OLIMPIADAS INTER-POBOS.

Prezo de inscripción (4 €)

O prezo de inscripción por equipa será en función do número de participantes, debendo pagar 4 euros por persoa de cada equipa.

Vilar de Santos, Rairiz de Veiga, A Sainza, Morgade e Boado xa aseguran a súa particpación. FAI UNHA EQUIPA NO TEU POBO OU ALDEA E ANÓTATE!!!

-Contacto: aguilhoar@hotmail.com ou no Centro Social Aguilhoar-
-blogue de información: http://festivaldamocidade.blogspot.com/

Antes de mais, queremos agradecer a todas as pessoas que assistírom à V Ediçom do Festival da Mocidade, o agradecimento mais especial no entanto fica para as e os participantes do 1º Acampamento da Mocidade sem o qual este festival nom tivera decorrido da mesma maneira.

Se bem o Festival da Mocidade nom começava até o sábado 21 de agosto, já na sexta-feira 20 dentro das actividades desenhadas polo acampamento da mocidade o ambiente na Sainça começava a tomar cor, faixas e bandeiras cobriam a modo de festa, e de reivindicaçom também, o campo da festa e da zona habilitada para o acampamento. Moças e moços de Vigo, Compostela, Lugo, Ourense, etc chegavam à Sainça com o intuito de por em comúm as problemáticas da mocidade de hoje e as estratégias para a articulaçom de um movimento juvenil galego forte e coeso. E neste sentido davam começo as primeiras mesas redondas, com importante participaçom do pessoal da Aguilhoar, a seguir no local social da Sainça tivo lugar a ceia de bem-vinda e mais a foliada com um bom ambiente que deixava entrever o decorrer do festival.

No sábado de manhá, realizou-se um roteiro pola zona no que se pudo ver o impacto da concentraçom parcelária sofrida na Límia já faz mas de quince anos e os lugares onde esta nom chegou, nomeadamente na Sainça, pola pressom e luita do activismo ambiental do momento e o papel que jogou na altura o MEL (Movimento Ecoloxista da Limia) chegando a se encadear à Carabalha da Rocha para evitar a sua corta.

Após o cansanço e as altas temperaturas que durarom todo o fim-de-semana houve um tempo para o relax e o descanso, uns e umhas foram dar-se um banho, outros e outras dormir a sesta, e nós ultimar todo para o Festival da Mocidade que dava começo às cinco da tarde.

As actividades desenhadas e organizadas na íntegra pola assembleia de mulheres da Aguilhoar, juntaram um nutrido número de moças e diversos colectivos que partiparom activamenta nas mesmas. Em primeiro lugar, no local social houve umha video-projecçom de temática feminista intitulada “Normal”, a carrego do colectivo “Degenerando” e a continuaçom umha mesa redonda onde se expus as problemáticas da transexualidade.

Ao tempo iam chegando mais pessoal pola Sainça, tanto limiao quanto ourensano, viguês ou compostelano, assim as “Lerchas” de Ourense monstarom-nos o Museu da Tortura contra as mulheres com objectivo de expor como a sociedade contemporánea trata as mulheres como objectos.

A continuaçom e já no melhor dos entornos possíveis, no prado da Carbalha da Rocha, por volta das sete e meia, começou a conferência sob a legenda “A mulher do rural, a mulher do trabalho e a mulher nacionalista galega” com a participaçom de Carme Freire do Sindicato Labrego Galego, Estrela Ferrenho militante independentista e Esther Marinho, técinca em igualdade da CIG. Nela, com nutrida presença do pessoal do acampamento e das moças da Aguilhoar, conheceram de primiera mao a expreriência de tres mulheres feministas e militantes em diferentes ámbitos de trabalho político-social.

A esta hora no campo da festa congregava-se o pessoal e num ambiente festeiro e reivindicativo achegava-se a hora da ceia, churrasco assado, que ficou escasso polo volume de pessoas que assistiram ao mesmo. Por volta das once da noite um emotivo “Aquelarre de Bruxas” no que participaram moças dos diferentes coletivos.

Logo à seguir tiverom lugar os concertos, no primeiro os estradenses os Esquios, punk-rock con outras influências por medio, animarom ao público e fixeram dançar às e aos alí congregada, mas também tiveram um momento de surpresa quando saltou a cantar o tema “Terra Chá” o Leo, presente entre o público levantando grandes ovaçons.

Após o primeiro dos grupo, tivo lugar o acto político no qual responsáveis pola assembleia de mulheres da Aguilhoar, subirom ao cenário com umha faixa com a legenda “Nem guerra que nos mate, nem paz que nos oprima”, lendo um intenso manifesto que pretendeu re-lançar a necessidade da luita feminista e contra o patriarcado, entre berros de “sem as mulheres, nom há revoluçom”, “Galiza ceive” ou “independência”.

Em segundo lugar, actuarom os Skandalo GZ de Ponte Areas com um ska-rock mui contundente nas letras e com um forte compromisso social, deixando bem contente ao pessoal. E por último, os Post Mortem, música agresiva e subversiva puxerom fim à quinta ediçom do festival da mocidade, se bem, ainda a pinchada musical no local social da Sainza demorou até altas horas da madrugada.

Só mais umha cousa, agradecer o pessoal e esperamos-vos para a VI Ediçom.
OBRIGAD@S!!!

Video da actuaçom de Skandalo GZ
video:youtube:

]

Video do acto político

As últimas novidades do V Festival da Mocidade organizado pola Aguilhoar o próximo 21 de Agosto na Sainza som a participaçom do colectivo ourensano de mulheres "As Lerchas" dentro das actividades que a assembleia de mulheres do centro social está preparando no marco de debate que esta ediçom se dedica ao feminismo e a luita anti-patriarcal, que centrarám a sua intervençom na apresentaçom do Museu da Tortura contra as mulheres com objectivo de expor como a sociedade contemporánea trata as mulheres como objectos, desde a experimentaçom cientista, a planificaçom e direcçom dos seus própios partos, as principais tecnologias do género que estenderam um modelo sexual de mulher, a “mulher fatal”, dedicada por inteiro à procura do pracer genital do homem, bem por manipulaçom bem por vício, e invisibilizando, deste jeito, qualquer outro tipo de relaçons e práticas sexuais que nom tivessem o falo como centro de atençom dos jogos eróticos, bem como a doutrina moral retrógrada e genocida imposta pola Igreja Católica (“mulher-anxo”).

Acampamento da Mocidade adere às actividades Festival da Mocidade

Os próximos dias 20, 21 e 22 de Agosto decorrerá o 1º Acampamento da Mocidade em Rairiz de Veiga aderindo às actividades do V Festival da Mocidade e ampliando ainda o leque de actividades, assim moços e moças rebeldes e combativos de todo o País juntaram-se de maneira auto-organizada num encontro nacional, onde a pluralidade tanto temática, ideias, gostos e desportos, permita a participaçom da mocidade que está chamada a erguer nas próximas decadas um projecto de luita e liberaçom para o País.

Da Aguilhoar encorajamos a todas e todos os jovens da Límia rebeldes e inconformistas a participarem no ciclo de actividade organizadas pola comissom do Acampamento e somar esforços na contsruiçom de umha outra Galiza.

TODA INFOMAÇOM DO FESTIVAL DA MOCIDADE DISPONÍVEL NO BLOGUE http://festivaldamocidade.blogspot.com/

Em andamento umha nova ediçom do Festival da Mocidade, organizado pola Aguilhoar, com o intuito de oferecer a todas as e os limiaos um espaço lúdico-reivindicativo que este ano terá como novidade a sua localizaçom na SAINZA (Rairiz de Veiga) e cujo tema de debate central será o FEMINISMO.

5 ANOS DE FESTIVAL!!

Este ano cumprimos já cinco anos desde aquela primeira experiência em Vilar de Santos no ano 2006, data muito especial que confirma já este evento como fixo no calendário de verao de muitos e muitas jovens que acreditam numha outra Galiza.

Embora o calendário de actividades nom esteja fechado, podemos adiantar parte da agenda desta quinta ediçom. Assim a Sainza acolherá diferentes actividades com temática arredor do feminismo e a luita anti-patriarcal, como um encontro de colectivos feministas, exposiçons, jogos, teatro de rua, etc, bem como umha grande comida popular, à que animamos a todas e todos a participarem, com acompanhamento musical e, por último, os concertos musicais, que neste ano combinaram grupos conhecidos por tocarem com sucesso em ediçons anteriores, como Os Esquíos e Post Mortem, e a novidade do grupo de hardcore viguês, Sem Resposta. Ainda, a festa continuará no local social da Sainza no que haverá pinchada de música galega até nos cansar.

DISPONÍVEL NA REDE BLOGUE DO V FESTIVAL DA MOCIDADE

Disponível na rede um blogue que irá informando de toda a actualidade do V Festival da Mocidade bem como o programa completo e as possíveis modificaçons do mesmo!!!

http://festivaldamocidade.blogspot.com/

O Festival da Mocidade estreou localizaçom no casco velho de Ginzo, a acolhedora Praça de Oriente do bairro d'abaixo foi cenário de todas as actividades que tiverom lugar em decorrência do festival

Antes de mais, queremos agradecer todas as pessoas que assistírom à IV Ediçom do Festival da Mocidade, o agradecimento mais especial no entanto fica para o Bar Lulo, sem cuja colaboraçom o Festival ficaria mesmo coxo.

Desde a manhá, as faixas e bandeirinhas cobriam em modo de festa a Praça de Oriente, enquanto se aguardava para as 19 horas a intervençom do presidente do Comité de Empresa de "Vidriera del Atlántico", Plácido Valencia, a sua intervençom,ao ar livre foi seguida com atençom por um nutrido grupo de assistentes e na mesma denunciou as travas e a falta de diálogo nas que a empresa se parapeta face as queixas das e dos trabalhadores.

O deste ano, era um festival centrado na actual crise capitalista e já a seguir à intervençom de Plácido Valencia, o público puido atender para o documentário elaborada pola CIG respeitante à marcha que os trabalhadores do metal de Vigo figeram até Compostela no marco das mobilizações da greve do Metal.

Logo à seguir tivo lugar a ceia popular, enquanto a Praça superlotava por momentos. Daí para as 22:30 começavam os concertos. O "primo do Leo", os limiaos Zyrconia, "En-riquinho", Os Esquios e o Leo i Arremecaghoná adereçárom a parte musical do evento, na altura a Praça da Oriente, apresentava um cheio absoluto, nom deixava de chegar gente e a peça tramada entre Os Esquios e O Leo, fazia botar toda a gente que lá se congregara.

Só mais umha cousa, agradecer mais umha vez todo o pessoal e esperamos-vos para a V Ediçom.

Do C. S. Aguilhoar

OBRIGAD@S!!!

www.youtube.com/watch?v=vZHrIzpIVBs