Sob a fórmula de FORUM SOCIAL LIMIAO um grupo de limiaos e limiás ponhem em andamento umha jornada de debate social que decorrerá na Casa da Cultura de Ginzo de Límia o próximo sábado 26 de novembro.

Debate, assembleia e concerto

O acto desenvolverá ao longo da tarde do sábado umha série de debates, desde as 16h30 até as 20h00, e conatrá com umha primeira mesa-redonda intitulada “Causas e consequências da crise capitalista”, com a projeçom do documentário grego “debtocracy”. A continuaçom umha segunda mesa, “Respostas populares á crise. 15 M e outras alternativas”, nas que se analisarám junto com umha porta-voz do 15 M e um politólogo o papel dos movimentos sociais na intervençom política.

Ao remate do debate haverá umha assembleia aberta a todos os e as participantes no acto para fazer umha análise colectiva da jornada. Por último, já pola noite a Sala Clam de Ginzo acolherá um concerto do grupo “Irmandades do Falo” que porá fim ao Forum.

Programa completo e contacto

Web: http://forumlimiao.blogspot.com/
Correio de contacto: forum_social_limiao@hotmail.com

“Capitalismo é crise. Outro mundo é posíbel”
Programa:

16h30.-Apresentaçom

17h00.- Mesa-redonda. "Causas e consequências da crise capitalista"

- Documentário "Debtocracy"

18h00.- Mesa-redonda. “Respostas populares à crise. 15 M e outras alternativas”

- Participarám umha Porta-Voz do 15 M e um politólogo especialista em movimentos e intervençom social.

19h30.- Assembleia Aberta

23h00.- Concerto. "Irmandades do Falo" Sala Clam

Na comarca da Límia o espanhol Partido Popular mantém resultados eleitorais sem grandes câmbios apesar das espetativas de mudança na câmara municipal de Ginzo de Límia. Totaliza o PP os 10.000 votos na nossa comarca e aufere 9 das 19 alcaldias, mesmo reforçando as suas maiorias, os social-democratas do PSOE fream a queda geralizada e obtêm perto de 3500 votos segurando aliás a alcaldia de Calvos de Randím, o nacionalismo representado polo BNG fica aquém dos 3000 votos, perdendo Rairiz de Veiga e mantendo Vilar de Santos. Por último, a cisom do PP sob a legenda APGA empata a votos com o PP dos Brancos e entra com força em Ginzo, com um total de 1400 votos.

Ginzo, Rairiz e os Brancos. Tudo continua na mesma

Se nestas municipais ninguém aventurava grandes câmbios na Límia, como no resto da regiom de Ourense devido à rede clientelar assente durante décadas polo Partido Popular por volta da sequestrada Deputaçom de Ourense e da qual depende direta ou indiretamente o trabalho e sustentamento económico de milhares de ourensanos e ourensanas, que fai com que nem só seja difícil articular qualquer alternativa, mesmo dentro do sistema estabelecido, que rache com este status quo, mas supóm uma autêntica perversidade antidemocrática que tem chegado às ameaças, extorsões, despedimentos, etc por parte da pessoas à frente das canditaturas socialista, nacionalista e das próprias cisões do PP a causa das lutas de poder interno polo seu “pedaço do bolo”.

Porém, polo primeira vez em tempo a ponta de lança do caciquismo, Ginzo de Límia, estava em jogo, duas cisões do PP, o aumento no número de vereadores a causa do incremento populacional, tudo estava em causa em poucas dúzias de votos, mas a crua realidade do caciquismo fixo com que os de sempre ganhassem por maioria absoluta novamente, atingindo mais de 3000 votos, contudo o BNG apurava ao segundo posto e entra na câmara a APGA.

Outro dos concelho onde havia um duro confronto era Rairiz de Veiga, durante anos com a alcaldia do BNG com maioria absoluta, porém, o abandono do alcalde da formaçom nacionalista tras um apodrecemento ideológico e programático deste regedor limiao passa a se apresentar diretamente com o PP e obrigando o BNG para um relevo geracional e umha nova etapa que começa de zero, embora a ilusom levantada entre a mocidade só consegue um concelheiro, ganhando o PP com maioria absoluta após promesas de trabalho seguindo a linha do PP limiao numha das comarcas mais empobrecidas da Galiza.

Os Brancos tem sido um dos concelhos com mais mudanças nos governos e com representaçom de diferentes forças políticas como TEGA, independentes, etc, se bem, sempre de resultas de lutas de poder dos caciques de sempre num dos concelhos onde mais clientelismo há e que levou mesmo ao um dos seus históricos alcaldes à cadeia, e agora também APGA, quem consegue empatar a votos com o PP, sendo as únicas forças com representaçom na câmara.

Vilar de Santos, a excepçom.

Vilar de Santos é caso aparte, nesta ocasiom devido à perda de populaçom baixa de 9 para 7 o número de vereadores/as, mas nestas eleições foram todos para o BNG, sete concelheiros de sete, e passa a ter a honra de ser o único http://resultados.elpais.com/elecciones/2011/municipales/03/33/27.html concelho da Galiza onde o PP nom tem qualquer representaçom muninicipal apesar das manobras de caciquismo de última hora.

Clientelismo e crise centram as eleições na nossa naçom

Na Galiza o clientelismo continuam a ser um elemento diferenciador do nosso País, nomeadamente nas comarcas mais deprimidas onde o PP tem umha rede caciquil da qual depende o emprego direto e indireto de milhares de galegos e galegas, agravado mais ainda pola crise. Portanto, hoje como ontem, ser do PP parece ser para muitos umha alternativa laboral. Outros dos fatores a ter em conta para explicar os resultados destas eleições é o enfraquecemento do PSOE a causa da crise e das reformas liberais do presidente espanhol, porém na Galiza mais moderado que no Estado espanhol, o que permite ainda que no mundo urbano exista umha maioria social-democrata e nacionalista.

BNG segue sem fazer reflexom. Soberanismo digno resultado.

Devemos salientar que mais umha vez o BNG nom se apresenta como alternativa que canalize o descontentamento como fixera na década de 90, hoje o BNG vende-se como apéndice do PSOE e fica exposto aos seus resultados, como pode observar-se nom só no nom incremento dos votos – nas atuais circunstâncias do PSOE- mas mesmo na minoraçom dos mesmos nas cidades. Porém, consegue afiançar-se nas vilas e núcleos médios do País fazendo umha aceitável gestom que se viu acompanhada nos resultados de Teu, Carvalho, Tominho, etc com um total de 11 alcaldias com maiorias absolutas.

Por outra banda nestas municipais apresentava-se o soberanismo galego em onze localidades conseguindo mais de 5000 votos e 3 concelheiros. Se bem podem ser um ponto de partido para a construçom de umha alterntiva ao sistema, a dia de hoje o fraccionamento do independentismo e as diferentes estratégias nom permitem ser muito mais ambiciosos.

A alternativa: INDEPENDÊNCIA E SOCIALISMO

Para finalizar queremos deixar bem claro que para a Aguilhoar dentro do sistema nengunha alternativa é possível, como sem tem monstrado após 30 anos de suposta democracia nos quais governarom desde os partidos espanhóis, dos mais caciques aos menos caciques, os partidos galegos, dos conservadores aos progresistas, independentes e formaçons vizinhais.

Hoje a alternativa passa pola organizaçom daqueles que acreditamos num outro mundo, numha outra Galiza, e a vertebraçom dum verdadeiro movimento de libertaçom nacional, que esteja na rua e no dia a dias da pessoas, um movimento de movimentos, em cada umha das frentes de luita pola INDEPENDÊNCIA e o SOCIALIMSO, única alternativa real de câmbio.

A LUITA É O ÚNICO CAMINHO!!!

Galizalivre.org/ Xosé Manuel Pérez Bouza, senador do BNG, continua a pelejar em Madrid porque a base militar da NATO para avions espias nom tripulados (UAV) se instale no concelho galego de Trasmiras. Ontem a minstra espanhola de Defesa, Carmen Chacón, dixo que as instalaçons que “melhor cumprem” com os requisitos som as de El Arenosillo (Huelva), face a proposta galega de Trasmiras. Recordou, aliás, que a decisom final é do consórcio europeu EADS, quem financia a base militar. Diante das perguntas do senador autonomista, a ministra explicou que esta é umha “decisom empresarial”, embora polas “importantes aplicaçons” que tem em relaçom a defesa, o seu ministério fará um “seguimento desta iniciativa privada”.

Pérez Bouza defendeu a ubicaçom da base militar, que será empregada polo exército espanhol, americano e a NATO, em território galego, já que Trasmiras “cumpre todos os requisito” -obviando o facto de se achar em zona protegida meioambientalmente- enquanto a de El Areonisllo “incumpre vários”. Assegurou que o projeto é “de suma importância” para a “província” que sofre “graves problemas demográficos, sociais e económicos”, e poderia contribuir a dar “um impulso mui grande à economia” da zona.

Perante esta notícia da inexplicável postura do BNG, que se diz anti-imperialista nos seus estatutos, da Aguilhoar reproduzimos de novo um artigo originariamente publicado na web matarpormatarnon.org a respeito do projecto de fábrica de avions e que nos explica de que se trata realmente.

Umha vez mais o provincianismo e os interesses pessoais estám a se impor no anúncio de um suposto grande projecto para a comarca da Límia. A cacarexada fábrica de avions nom tripulados.

Como sempre a razom que justifica e exige apoio para qualquer falcatruada, som os “postos de trabalho”. Postos de trabalho que quem nos administra nom soubo (ou nom quixo) criar dentro da actividade tradicional da comarca e agora pretendem comprar aos vizinhos com a posibilidade de terem onde ganhar o sustento num emprego. Aínda que for envelenado [+]

NEM INCINERADORAS, NEM BASES DA NATO!!
TRABALHO DIGNO PARA UM RURAL VIVO E DIGNO!!

Da Aguilhoar publicamos o panfleto editado por Causa Galiza para a folga xeral do 29 de setembro, este material compleméntase con un "Manual de preguntas frecuentes sobre trabalho e autodeterminación" que sairá publicado o mesmo dia da folga para repartir pola nosa militancia nas comarcas do país.

CINCO IDEAS BÁSICAS

PARA IR Á FOLGA XERAL O DÍA 29

1. ESTE SISTEMA NON NOS SIRVE. As medidas antisociais polas que vamos á Folga Xeral son parte dun paquete máis amplo de agresións para empobrecer a clase traballadora galega e que paguemos co noso súor e os nosos petos a crise do Capital, mentras o Estado salva os bancos co diñeiro público. Xa non se trata só de frear os ataques actuais e os vindeiros –descenso geral de salarios, maior eventualidade, individualización da negociación colectiva, aumento da idade de xubilación, redución das pensións, privatización da sanidade, etc.-, senón de asumir que a meio prazo, baixo o sistema capitalista actual, o futuro dos traballadores e as traballadoras galegas é sinistro. Este sistema non nos sirve.

2. A FALTA DE SOBERANÍA AGRAVA O PROBLEMA. @s galeg@s non temos capacidade de decisión sobre o noso mercado laboral, a política económica e fiscal, a ordenación do territorio, a política energética, os transportes, etc. Os que pactaron a Constitución e os Estatutos na Transición ocupáronse de que o poder político real ficase en España. Así nos vai: Madrid imponnos reformas e lexislacións laborais, xoga cos nosos sectores productivos en Europa, espolia os nosos recursos e territorio e comprobamos como, sendo un país rico, temos altísimos índices de pobreza, precariedade, emigración, sinistralidade, pensións ridículas, etc., mentras se vende e destrue o noso territorio, se persegue a nosa lingua e se saquean os nosos recursos. Debe dicirse alto e claro: España é a nosa ruína!

3. NECESITAMOS CON URXENCIA UN MARCO GALEGO DE RELACIÓNS LABORAIS (MGRL) como primeiro paso para defender as nosas condicións de vida e traballo e impedir o deterioro continuado que nos impón o Goberno español, a patronal e os sindicatos estatais. Que implicaría un MGRL? Implicaria liberarnos dos acordos marco que adoptan CEOE e os sindicatos estatais co beneplácito do Goberno español na negociación colectiva e nas políticas laborais. Cun MGRL, o sindicalismo galego tería un peso específico impensábel no actual marco estatal e redundaría nunha maior capacidade de presión e reivindicación da nosa clase sobre as instancias que deciden a política laboral.

4. CCOO E UGT, LACAIOS DO PODER. Os sindicatos españois non merecen a credibilidade da clase traballadora galega. A situación na que nos encontramos é fruto, en grande medida, da política de pactos e traicións que ambas corporacións practicaron desde os Pactos de la Moncloa e o Estatuto de los Trabajadores. CCOO e UGT comen na mán do poder español e da patronal e, aínda que convoquen á Folga Xeral para lavar a imaxe, son corresponsábeis do deterioro das nosas condicións de vida e de traballo. Romper co sindicalismo español é unha necesidade urxente.

5. A AUTODETERMINACIÓN INTERESA AOS TRABALLADORES E TRABALLADORAS GALEG@S. Haberá quen diga que iso da autodeterminación é “cousa de independentistas” e que nada ten que ver coa crise. Nós dicimos que mentres Galiza non teña soberanía, mentras dependa de España, mentras os nosos recursos e territorio non sexan nosos, as traballadoras e os traballadores galegos estaremos “vendidos”. Se non podemos decidir sobre o mercado laboral, sobre que queremos producir, cando e onde, se non temos poder para por freos a un Capital cada día máis selvaxe, que futuro nos espera? Iso é autodeterminación: poder de decisión sobre nós. Unha ferramenta imprescindíbel nun mundo onde todo o que afecta as nosas vidas se decide cada vez máis a centos ou miles de kilómetros de Galiza.

DECLARAÇONS DE GLORIA LAGO PARA O PERIÓDICO "XORNAL DE GALICIA" NAS QUAIS RETRATA ABERTAMENTE AS SUAS OPINIONS SOBRE O GALEGO E O SUPOSTO BILINGUISMO QUE DEFENDEM. ]*

"Ti, se tes que estudar algo, prefires estudar ese exame na túa lingua ou en italiano?" (Italiano? E por que non directamente mandarín, que é unha lingua tan incomprensíbel para o castelanfalante medio coma o galego?)

"Eu fun bilingüe en inglés e español, pero non todo o mundo está capacitado."

"Eu, co meu nivel de galego [!], podo ser tolerante e falar en galego, e non o estudei."

"Que habería mellor en min se en vez de estudar filosofía na miña lingua a estudase en galego?"

"Coñezo xente que só fala galego e ninguén lle puxo ningunha multa, pero dáme un pouco de medo, porque os que queren lograr ese dereito son os que son." (Esta frase é moi críptica para intelixencias mediocres coma a miña: Que nos quere dicir con isto? Que habería que considerar unha multa ou un imposto especial para monolingües en galego? A que dereito se refire? E, sobre todo – quen son "os que son"...? Para min que ha ser unha leria esotérica, mais xa se sabe: "non todo o mundo está capacitado" para determinadas alturas argumentativas!)

"Co vitimismo non se consegue nada." (Por desgraza, o exemplo de Galicia Bilingüe demostra o contrario.)

"Non o podo demostrar, pero hai pais que non se atrevían a poñer só en castelán por se lles abrían o sobre."

"... o PP quere contentar a todos."

"Agárdannos anos difíciles, pero el  presidente da Xunta] xa verá o que fai." (Feijóo, quedas avisado! Gloria Lago is watching you!)

"Nós non avogamos polo bilingüismo. Nós chamámonos Galicia Bilingüe..."

"Hai moitos profesores que lles meten trolas aos nenos e din que queremos acabar co ensino en galego e iso non é verdade. Eu dixen que se poida escoller e estudar como asignatura e mesmo [!] que as non troncais sexan en galego." (Interesante como comeza empregando a primeira do plural e remata no singular: é a ela a quen teñen que pedir permiso, e ela que é tolerante, boa e xenerosa, admite que unha hipotética minoría poida ter algunha asignatura en galego.)

"A lingua é un vehículo, non é o mesmo dicir ‘salta, dá unha volta, que tal estades’ que Platón." (Esta argumentación lembra moito á que tivo que confrontar Piñeiro nos 50 por traducir unha conferencia de Heidegger ao galego: "¿Filosofía – ¡alemana! – en dialecto? ¡Habrase visto!")

"O feito de que haxa [no Estatuto] unha descrición histórico-xeográfica da lingua propia [logo, recoñécelo?], como lingua que xurdiu e se fala só aquí, é unha descrición, como se di que é unha lingua románica."

"E se a un señor que vive en Galicia lle peta vestir coma un hindú, non é galego? Ao mellor, é mellor galego ca outros porque non queima os montes." (Intrigante relación causa-efecto: se falas galego, rematarás queimando montes; se falas español, pode que tamén; mais non, ao que parece, "se vistes coma un hindú".)

"A min preocúpame o motivo que levou a existir esta situación, porque durante moitos anos, houbo un entramado [!] cultural que empezou a copar postos e está a presionar." (A perigosa mafia galeguista está detrás de todo!)

"Nunca participaremos en nada co máis mínimo cheirume político."

"A min non me gustan as subvencións, pédimolas, pero non me gusta [!!!], ademais eu son moi maniática co tema dos cartos, a miña honestidade é case psicopática." (Na miña opinión, a mellor frase da entrevista! "Honestidade psicopática" é un novo concepto digno de ser analizado en detalle.)

"Non vai haber unha milagre, non vai haber cen por cen galego, é mellor que baixen o discurso e se sumen, porque senón, van quedar sen nada." (Ameaza? Aviso para navegantes?)

"Hai empresas nas que non collen currículums de rapaces de Cataluña porque necesitan un corrector, perderon o rexistro culto do castelán. Mentres teña a dúbida de que iso é certo, prefiro non vivir alí. Son ricos a pesares do problema da lingua." (A última frase é a proba de que hai esperanza: malia o handicap da lingua, aínda estamos a tempo de facérmonos ricos!)

*Tirado dum comentário em chuza.org

Embora os ataques que por parte da nova Junta e organizações extremistas e residuais se estám a perpetrar contra a nossa língua, a cidadania galega respondeu em chave de grande mobilizaçom contra a galegofobia

30 mil, 40 mil, 50 mil, mais de 50 mil?? Tanto fai, a ideia era só umha, passar à defesa do idioma sem qualquer hesitaçom. A Alameda superlotava por volta das 11:30 da manhá deste domingo e porém, ainda restava gente e gente por vir, a manifestaçom ainda demoraria até às 12:30, sendo que quando já a Quintá ateigava, ainda nom saira parte da comitiva entre elas "Galego Sempre Mais", que reune vari@s centros sociais e colectivos do país, além da AGAL e o MDL.

Na Quintá A MESA e diversos colectivos expunham por partida dobre o seu manifesto(duas vezes se encheu a praza compostelá) a mao-cheia de gente explicitava a juíço de Avelino Pousa Antelo que o galego tinha o futuro ganho.

Num Toral a rebentar chegava a comitiva de Galego Sempre Mais, cujas palavras-de-ordem giravam por volta do necessário monolinguísmo social e o combate directo da espanholizaçom.

Da Aguilhoar parabenizamo-nos pola digna demonstraçom de apoio à nossa língua numha Compostela onde nem a chuva quixo faltar à cita.

O próximo sábado día 23 de Maio decorrerá no Centro Social da Aguilhaoar unha xornada da língua coa colaboración dos alunos do I.E.S Lagoa de Antela de Xinzo de Limia, na cal se analisará coas raparigas e rapazes que acodan a situación do galego entre a mocidade, cais son as expectativas de futuro e como enfrentar un proceso mesmo de regaleguización. Tamén haberá tempo para a comida e para a festa coa actuación do grupo os Esquios.

18H30 Proxección do documentario:
‘LINGUAS CRUZADAS’

19H30 Charla-coloquio:
“A situacion do galego na mocidade”

20H00 Acto a carrego da mocidade
estudantil da Limia

21H00 Cea para os asistentes

22H30 Concerto:
‘ESQUIOS’

http://www.myspace.com/esquios

Logo após da manifestaçom contra o galego que o colectivo extremista Galicia Bilingüe veio a protagonizar, junto a partidos como a Falange Auténtica ou UPyD e pessoeiros como o novo conselheiro da Presidência, Alfonso Rueda, a polícia espanhola continua a ter no ponto de mira o movimento normalizador do nosso idioma

Conforme informa Ceivar aliás dos 11 detidos imediato à jornada de 8 de Fevereiro - lembremos a data em que se encenou a primeira manifestaçom contra o galego que já tivo lugar no nosso país - 6 pessoas mais teriam sido chamadas a prestar declaraçom em 17 de Junho.

Para isso, as forças policiais, nom duvidarom em chequear informações relativamente a páginas webs, demonstrando que espionagem pode mesmo ser mais umha perigosa arma para acusar pessoas sem qualquer base.

Entretanto, os ataques ao galego continuam desde o novo governo, Feijóo, vem de "garantir" a liberdade de os conselheiros à hora de empregarem as "dúas línguas" do nosso país.

Com efeito, a questom idiomática vai muito além da simples derogaçom do Decreto, esperam tempos escuros, mas estamos a tempo de atalhar os ataques à língua e ao movimento normalizador.

Segundo venhem de publicar hoje no portal galiza.indymedia foi saboteada com pintura laranja a sede do Partido Popular de Ginzo de Límia "demostrando a repulsa a aqueles que intentam rematar com o galego" seguindo a linha de outras acçons similares que se estam a produzir em todo o país como reacçom contra a galegofobia do novo governo autonómico. Assim também volta a rede, segundo se publica no mesmo portal, o blogue de denuncia http://emgalego.blogspot.com .

Um povo sem memória, é-che um povo sem futuro que construír, apenas destrói, eis o que faz o estado que há 60 anos, substraiu grande parte da sua terra ao povo palestiniano sob a reacionária legenda do "povo eleito".

O cenário no qual nos colocamos após a invasom da Faixa de Gaza, nom tem nada a ver, com as "agressões" de Hamás, nem com qualquer umha outra "provocaçom", palestiniana. A medida de força do ultraarmado exército israelita atende para a necessidade de revelar um Estado forte de cara as previstas eleições legislativas deste ano 2009.

O bloco de poder, com o recém-criado Kadima à frente, tem demonstrado amiúde a sua hipocrisia, desmantelando assentamentos ilegais, e a um tempo, endurecendo o bloqueio na Faixa. Estes, junto aos trabalhistas, partido-pantasma e a mao dura do Likud, conformam umha frente que se tem vendido plenamente aos anseios do sionismo militante e que admite sem qualquer filtro muitas das reivindicações ultraortodoxas.

Muitas organizações internacionais têm admitido, que as eleições palestinianas contornam-se como eleições livres do ponto de vista democrático, nom tendo parangóm, com qualquer outro país árabe, mesmo com o ocupado Iraque, contodo, isso nom bastou para os israelitas, a Uniom Europeia (a outra face hipócrita do conflito) e os EUA, admitissem a rotunda vitória de Hamás e apoiaram-se no corrupto e possibilista Al-Fatah, para "reconduzir" a situaçom.

O certo, é que mais umha vez assistimos a umha luta de goliaths e gigantes, no que se nos permitem grotescos comentários como a da ministra Livni, dizendo que a situaçom humanitária de Gaza era mesmo ideal, enquanto os palestinianos só mais umha vez morrem.

Da Aguilhoar, mais umha vez, queremos exprimir a nossa solidariedade com o povo palestiniano e denunciamos a agressom israelita