Manifesto pola língua

Manifesto pola língua

02-06-2005

O manifesto foi apresentado hoje aos meios de comunicaçom e entregado no registo do Concelho de Lugo para reclamar aos membros da equipa de governo municipal o uso da Língua Galega em público quando desempenham o seu cargo:

Manifesto pola língua: Praticar a normalidade.

Às senhoras e senhores concelheiros membros da equipa de Governo Municipal de Lugo:


Os aqui presentes, e em nome das suas respectivas associações e colectivos, conscientes da necessidade apremiante da defensa da língua como primeira manifestaçom e veículo da nossa riqueza cultural como galegas e galegos, sentimo-nos seriamente estranhados polo feito constatável do escasso emprego, quando nom nulo, do idioma galego por parte da maioria dos membros da equipa de governo municipal de Lugo nas suas intervenções públicas em desempenho do seu cargo. Sentimo-nos estranhados tanto tendo em conta que o emprego desta língua é, ou deveria ser, o normal dentro da Comunidade Autónoma Galega; como por termos constatado que absolutamente todas e todos os membros da Equipa de Governo Municipal estam perfeitamente capacitadas e capacitados para o uso normal da língua galega em público.

Fazemos esta chamada de atençom porque entendemos que a língua, como toda manifestaçom cultural, é um ente vivo e nom inerte, e que, por tanto, a sua parálise determina fatalmente a sua morte; por isso nós, as presentes associações e entidades neste acto reclamamos das e dos membros da equipa de Governo Municipal que a língua galega, como senlheiro elemento identificador da nossa realidade cultural e social seja empregada em todos os actos próprios, tanto públicos como administrativos, da Corporaçom Municipal conforme ao vigente ordenamento jurídico e normativo da Comunidade Autónoma Galega, assim como conforme tambem, e nom menos importante, coa maioria galego-falante deste País que normalmente emprega a sua língua todos os dias.

Assinam o manifesto:
Associaçom Cultural Alto Minho
Clube Cultural Valhe-Inclán
Círculos Líticos
Associaçom Galega da Língua
Mesa pola Normalización Lingüística
Asociación Sócio-Pedagóxica Galega

Escrito ?s 13:54:31 nas castegorias: Actividades
por a.minho   , 354 palavras, 219 visualizaçons     Chuza!

Sem comentários ainda

      A Associaçom Alto Minho é um projecto cultural da cidade de Lugo.

      Nasce do Colectivo Reintegracionista Alto Minho que desde o ano 1993 agrupa um grupo de pessoas decididas a dinamizar a língua e cultura galega na nossa cidade e a sua Comarca.

      Para conseguir isto marcou-se como primeiro objectivo a abertura de um Centro Social, que depois de muitos esforços foi inaugurado o 25 de Abril de 2001.

      Os nossos objectivos som promover quaisquer actividades culturais que tenham como finalidade a defensa da nossa cultura, abrangendo a língua, a literatura, a história, a música, a gastronomia, as artes etc..

      Pode contactar escrevendo para info[@]altominho.org

      Busca

      powered by b2evolution free blog software