Cogarro organiza roteiro na Serra do Forgoselo

Cogarro organiza roteiro na Serra do Forgoselo

07-06-2005

-. A Coordenadora Galega de Roteiros (Cogarro) organizará para a vindoura fim-de-semana um roteiro na Serra do Forgoselo (Terra de Trasancos)

.

As actividades iniciarám-se a sexta-feira dia 10 de Junho com umha conferência a cárrego do membro da Coordenadora Antom Árias Curto. Esta conferência versará sobre a Cogarro e as actividades que vem programando desde a sua constituiçom em 2002. A charla-colóquio conjugará-se com umha exposiçom de diapositivas sobre roteiros já celebrados e iniciará-se a partir das 21:00 horas no local da Fundaçom Artábria (Travessa de Batalhons, 7. Esteiro-Ferrol).

@s participantes no roteiro poderám durmir na noite do dia 10 para o 11 no Pavilhom da Cultura de Fene, local reservado com antelaçom pola Cogarro. O dia 11 de Junho o agrupamento das e dos participantes fará-se às 10:30 horas na eira do Concelho de Fene, podendo-se incorporar aqui as pessoas que acodam sábado. Esse mesmo dia fará-se um roteiro polo val do Belelhe e a Serra do Forgoselo, rematando com umha repichoca em Artábria pola noite.

O dia 12 de Junho às 11:00 horas o ponto de cita é o peirao de Ferrol. De ali daremos umha volta em barco pola Ria e celebraremos um acto de homenagem ao patriota galego Moncho Reboiras desde o Cruzeiro de Canido até onde caiu em combate. A seguir deslocaremo-nos até Fene para jantar, rematando aqui o roteiro.

O preço total do conjunto das actividades é de 20 euros. Recomenda-se, aliás, levar comida e roupa apropriada por se se dar o caso de que chovesse ou fizesse frio. Qualquer informaçom a maiores para pessoas interessadas em participar no roteiro desde a comarca de Trasancos e comarcas limítrofes, pode-se obter contactando com a Fundaçom Artábria nos telefones 981 369099 e 981 369921, ou através dos organizadores do roteiro Joám Lôpez (652 65 94 13) ou Martinho Bouça (649 079 038).

Escrito ?s 12:44:09 nas castegorias: Actividades
por a.minho   , 308 palavras, 212 visualizaçons     Chuza!

Sem comentários ainda

      A Associaçom Alto Minho é um projecto cultural da cidade de Lugo.

      Nasce do Colectivo Reintegracionista Alto Minho que desde o ano 1993 agrupa um grupo de pessoas decididas a dinamizar a língua e cultura galega na nossa cidade e a sua Comarca.

      Para conseguir isto marcou-se como primeiro objectivo a abertura de um Centro Social, que depois de muitos esforços foi inaugurado o 25 de Abril de 2001.

      Os nossos objectivos som promover quaisquer actividades culturais que tenham como finalidade a defensa da nossa cultura, abrangendo a língua, a literatura, a história, a música, a gastronomia, as artes etc..

      Pode contactar escrevendo para info[@]altominho.org

      Busca

      powered by b2evolution CMS