Após mais de um lustro de andaina nesta última etapa, da Associaçom Cultural Amig@s da Cultura queremos anunciar o fim da nossa atividade depois de um processo de reflexom sobre a nossa situaçom como coletivo e das possibilidades reais de trabalho no futuro.
Foi em 2010 quando, recuperando o legado histórico da associaçom e em parte continuando o labor cultural que nos anos anteriores se vinhera desenvolvendo em Ponte Vedra de posiçons soberanistas e reintegracionistas, começamos umha nova fase de Amig@s da Cultura com o objetivo de ser umha associaçom com incidência social e que realizasse um trabalho cultural nem neutral nem aséptico senom comprometido e útil para a recuperaçom da língua, a reconstruçom nacional e a transformaçom social.
Neste tempo dirigimos os nossos esforços face estes objetivos e realizamos um trabalho interessante em diversas ocasions. Mantivemos acesa a visom reintegracionista da língua e umha ideia da Galiza descolonizada, sem complexos e rebelde. Apoiamos as luitas sociais que achamos justas e tentamos colaborar nelas dentro das nossas possibilidades. E todo em base ao trabalho desinteressado das pessoas que formárom parte da associaçom.
Mas apesar das cousas positivas, chegamos à conclusom de que os nossos objetivos nom estavam a ser atingidos e, sobretodo, de que com o passo tempo fomos perdendo azos e iniciativa até chegarmos a um ponto em que a realizaçom de atividades dependia de impulsos irregulares. Estávamos longe, nos últimos tempos, de sermos um coletivo com umha vida interna real, com vitalidade e ilusom, e achamos que o melhor no nosso caso era pôr fim ao nosso caminho.
Consideramos, aliás, que mantermos a ficçom da existência de umha associaçom com as nossas características poderia dificultar a possibilidade de criaçom em Ponte Vedra de projetos similares com capacidade de superar as nossas limitaçons. E dizemos isto último por duas razons: em primeiro lugar porque as pessoas que conformamos Amig@s da Cultura temos disposiçom para colaborar no trabalho cultural em chave de compromisso com o País e os valores transformadores. E em segundo lugar porque achamos que o panorama local é atualmente um ermo neste sentido (algo que, por certo, deveria servir para a reflexom quando levamos quase duas décadas de governos municipais nacionalistas).
A autoorganizaçom é mais necessária que nunca e o compromisso com a Galiza também. Nom podemos esperar que as instituiçons fagam um labor que nos corresponde a nós se queremos tecer povo crítico, consciente e rebelde.
Ponte Vedra, 17 de outubro de 2016
----- -------- AUTHOR: da Cultura TITLE: O 4 de junho move-te contra Ence! BASENAME: o-4-de-junho-move DATE: Tue, 24 May 2016 22:03:00 +0000 STATUS: publish PRIMARY CATEGORY: novas CATEGORY: TAGS: ----- BODY:Da Associaçom Cultural Amig@s da Cultura, como entidade integrante da plataforma Ence fora para sempre, fazemos um chamamento à participaçom na manifestaçom contra o complexo Ence-Elnosa que decorrerá o sábado 4 de junho. A marcha sairá às 19:30h das Alamedas de Ponte Vedra e Marim e finalizará diante das instalaçons destas indústrias contaminantes.
Ainda estamos a tempo de reverter a cacicada perpetrada polo binómio PP-Ence com a concessom de umha prórroga de 60 anos a Ence. A mobilizaçom popular de todo o País tem que ser quem de evitar esta condena para a nossa comarca e para toda a Galiza.
Contra a eucaliptizaçom da Galiza!
Polo saneamento integral da Ria!
ENCE FORA PARA SEMPRE!
O sábado 14 as associaçons Queremos Galego Marim, Trabalíngua e Amig@s da Cultura figemos público um manifesto conjunto que apresentamos na Alameda de Marim. No marco do 17 de Maio, Dia das Letras Galegas, as três associaçons quigemos unir forças em defesa da língua num ato para o que contamos com o integrante de Quempallou Guillerme Inacio e também com a música de Trubincos do Batán.
Deixamos-vos a seguir o texto íntegro do manifesto:
Somos conscientes da situaçom que padece hoje a língua galega. Situaçom provocada polos poderes políticos e económicos que pretendem a assimilaçom do nosso povo e a sua desapariçom. E que melhor forma de perder a identidade que acabar com o idioma próprio.
As decisons políticas e económicas que nos imponhem determinam o nosso dia a dia, destruindo pouco a pouco o nosso agro, o nosso mar, precarizando o mercado laboral e botando-nos à emigraçom. Isto também acontece com o idioma galego, assim as modificaçons legislativas dos últimos tempos tivêrom como finalidade afiançar os privilégios do espanhol apartando o idioma galego do ensino.
Todo isto promovido nos últimos tempos por um partido instalado na Junta da Galiza e no Governo Central que fijo do ataque ao idioma um dos principais elementos da sua açom de governo, junto com a promoçom de umha cultura espanholizante e um baleirado centralizador das pequenas competências autonómicas.
A nossa lingua é umha vítima, embora por interesse político queiram pô-la como culpável. O galego nom agride, é o idioma agredido. O galego nom é imposto, é o idioma proibido e desprezado historicamente pola legislaçom espanhola.
Mas nós temos fe no nosso povo e acreditamos num futuro próspero para o galego, numha Galiza sem complexos onde as novas geraçons nom tenham que emigrar e podam viver, estudar, trabalhar na sua língua.
POR TODO ISTO
Reivindicamos
A necessidade e a obriga de defender e promover o idioma galego em todos os ámbitos da nossa vida. Defendemos polo tanto um direito que nom é só individual, essa é a armadilha que nos querem fazer crer os que pretendem aniquilar o idioma, é um direito coletivo, o direito do povo galego.
Exigimos
Um ensino pleno na nossa língua. Que nengum rapaz ou rapaza tenha que perder o seu idioma materno por umha escolarizaçom em espanhol.
Consideramos
Que o galego é cousa de tod@s e nom só de expert@s ou académic@s, embora sejam necessári@s, o idioma é do povo.
Demandamos
Umha normalizaçom real consistente em implantar um uso normal do galego no ensino, na justiça, no sistema de saúde, nos jornais, nas rádios, na televisom ou no cinema. Essa é a forma de normalizar e prestigiar o idioma e nom como acontece hoje que nom temos nengum jornal diário em galego e só há um único canal de televisom e umha única rádio no nosso idioma.
Reclamamos
Um achegamento real entre o galego e o português para abrir a possibilidade de internacionalizar o nosso idioma e manter relaçons normais com os países lusófonos, o galego é umha grande oportunidade para fazer-nos ver no mundo.
As associaçons culturais Queremos Galego Marim, Amig@s da Cultura (Ponte Vedra) e Trabalingua (Vigo), com motivo da celebraçom do Dia das Letras Galegas queremos fazer um chamamento à dignificaçom do nosso idioma, a sua normalizaçom e a recuperaçom do seu prestígio, polo que elaboramos um Manifesto polo Idioma ao que daremos leitura pública o vindouro sábado 14 de maio na Alameda de Marim às 12h, à beira do monumento a Rosalia de Castro.
Encarregará-se da leitura do manifesto Guillerme Ignacio Costas, componente do grupo folque de música tradicional Quempallou, investigador da nossa música tradicional, mestre e vizinho de Cela. Contaremos também com as intervençons do grupo de música tradicional Trubincos do Batán e as intervençons poéticas das companheiras de Trabalingua.
Somos conscientes da situaçom de debilidade em que se encontra o nosso idioma, mas temos confiança no nosso povo e acreditamos num futuro próspero para o galego, numha Galiza sem complexos onde se poda trabalhar, estudar e viver na nossa lingua.
Por isso reivindicamos a necessidade e a obriga de defender e promover o idioma galego em todos os ámbitos da nossa vida. Defendemos polo tanto um direito que nom é só individual, essa é a armadilha que nos querem fazer crer os que pretendem aniquilar o idioma, é um direito coletivo, o direito do povo galego.
Exigimos um ensino pleno na nossa língua. Que nengum rapaz ou rapaza tenha que perder o seu idioma materno por umha escolarizaçom em espanhol.
Consideramos que o galego é cousa de tod@s e nom só de expert@s ou académic@s, embora sejam necessári@s, o idioma é do povo.
Demandamos umha normalizaçom real consistente em implantar um uso normal do galego no ensino, na justiça, no sistema de saúde, nos jornais, nas rádios, na televisom ou no cinema. Essa é a forma de normalizar e prestigiar o idioma e nom como acontece hoje que nom temos nengum jornal diário em galego e só há um único canal de televisom e umha única rádio no nosso idioma.
Reclamamos um achegamento real entre o galego e o português para abrir a possibilidade de internacionalizar o nosso idioma e manter relaçons normais com os países lusófonos, o galego é umha grande oportunidade para fazer-nos ver no mundo.
Ponte Vedra, maio de 2016
----- -------- AUTHOR: da Cultura TITLE: Solidarizamo-nos com Galiza Nova BASENAME: solidarizamo-nos-com-galiza-nova DATE: Wed, 04 May 2016 13:56:00 +0000 STATUS: publish PRIMARY CATEGORY: novas CATEGORY: TAGS: ----- BODY:Da Associaçom Cultural Amig@s da Cultura queremos fazer pública a nossa solidariedade com a organizaçom juvenil Galiza Nova e com a militante e o militante sancionados com umha multa de 200 euros pola realizaçom de um mural reivindicativo da figura de Rosalia de Castro.
Ao mesmo tempo denunciamos a decisom política da Subdelegaçom do Governo espanhol como umha mostra de repressom diante da divulgaçom de umha Rosalia livre das manipulaçons que pretendem apresentá-la como umha poeta sentimental e choromiqueira. Rosalia foi umha mulher galega rebelde e identificada com os sofrimentos do seu povo, e era plenamente consciente do que fazia quando escreveu os versos recolhidos no citado mural: "Pobre Galiza, nom deves chamar-te nunca espanhola".
Qual é o mal que faz um mural sobre Rosalia que ademais foi feito num muro sem qualquer valor patrimonial? Ofende alguém? Atenta contra os direitos de alguém? É claro que aqui só se quer castigar a livre expressom de umha opiniom política incómoda para o poder com a surrealista escusa de "danos" ou de "desluzimento".
Nada novo por parte do Estado espanhol, mas nom por isso deixaremos de denunciá-lo nem deixaremos de reivindicar a Rosalia e a liberdade do nosso povo.
Ponte Vedra, 4 de maio de 2016
----- -------- AUTHOR: da Cultura TITLE: Decorreu a palestra sobre o projeto de fusom Cerdedo-Cotobade BASENAME: decorreu-a-palestra-sobre-o DATE: Sat, 23 Apr 2016 15:15:00 +0000 STATUS: publish PRIMARY CATEGORY: novas CATEGORY: TAGS: ----- BODY:
Ontem decorreu a palestra sobre o projeto de fusom entre os concelhos de Cerdedo e Cotobade e a situaçom da ordenaçom territorial da Galiza.
As pessoas assistentes pudêrom escuitar, da mao de Rita Iglesias, as razons da oposiçom à fusom impulsionada polo PP desde os Concelhos e a Junta. Com Xoán Paredes também houvo espaço para a reflexom sobre as necessidades do nosso País em matéria de ordenaçom territorial diante dumha situaçom negativa derivada em boa medida da imposiçom de um modelo alheio e centralista desde o século XIX. Nas intervençons do público assistente ainda houvo tempo para que surgissem reflexons sobre o abandono do rural, a eucaliptizaçom... e também para conhecermos as práticas caciquis e mafiosas dos alcaldes do PP à hora de tentar acalar a oposiçom à fusom de Cerdedo e Cotobade.
Aí vos deixamos algumhas fotos!
Amig@s da Cultura organizamos umha palestra sobre o projeto de fusom de Cerdedo e Cotobade: "As fusons de Concelhos solucionam os problemas?"
Contaremos com a presença de Rita Iglesias (vizinha de Cerdedo e integrante da plataforma Non á fusión Cerdedo-Cotobade) e de Xoán Paredes (geógrafo).
Será na sexta-feira 22 às 20h no Centro Social do Gorgulhom.
Contamos com a tua presença!
----- -------- AUTHOR: da Cultura TITLE: Prémio Cidade de Ponte Vedra para Calros Solla: Parabéns! BASENAME: title-827 DATE: Thu, 14 Jan 2016 16:02:37 +0000 STATUS: publish PRIMARY CATEGORY: novas CATEGORY: TAGS: ----- BODY:
Desde a A.C. Amig@s da Cultura queremos enviar os nossos sinceros parabéns a Calros Solla, merecido recebedor do prémio Cidade de Ponte Vedra 2015.
Trabalhador incansável pola língua e património cultural e natural da Galiza, Calros participa activamente e colabora desinteressadamente com toda uma série de colectivos e associaçons, actividades durante as quais temos coincidido em muitas felizes ocasiões.
Quem conhece este etnógrafo e escritor prolífico e incansável sabe que é o amor à Terra o que alimenta a sua paixom contagiante, algo que desfrutamos de primeira mao e que aguardamos seguir partilhando no futuro.
Fica muita obra à frente nesta cidade, nesta comarca e neste País, e sabemos que o Calros é um companheiro senlheiro nesse caminho.
Ponte Vedra, 14 de janeiro de 2016
----- -------- AUTHOR: da Cultura TITLE: Apoiamos a manifestaçom "En defesa dos direitos civis e políticos para todas e todos. Nom à ilegalizaçom de organizaçons políticas" BASENAME: title-824 DATE: Mon, 11 Jan 2016 10:36:23 +0000 STATUS: publish PRIMARY CATEGORY: novas CATEGORY: TAGS: ----- BODY:
De Amig@s da Cultura apoiamos e chamamos a participar nesta manifestaçom, convocada para o domingo 24 de janeiro e que partirá da Alameda de Compostela às 12h. A seguir publicamos o manifesto aprovado polas entidades convocantes:
Em 30 de outubro passado, nove independentistas galegas e galegos fôrom detidos pola Guardia Civil numha presunta ?operación antiterrorista? e acusados de dous delitos de ?integraçom en banda armada? e ?enaltecimento do terrorismo? que poderiam supor anos de prisom. As detençons estivéron acompanhadas dum importante dispositivo mediático que socializou a versom policial, condenando sem juízo prévio as nove pessoas detidas, vulnerando a sua presunçom de inocência e ocultando o impulso político do operativo policial. Agora, após a que se donominou Operación Jaro, estes cidadaos e cidadás galegas tenhem un processo penal aberto num tribunal de exceçom como é a Audiencia Nacional. Além disto, a organizaçom política na que militavam, Causa Galiza, conhecida publicamente desde 2007 polo seu trabalho en favor de direito de autodeterminaçom da Galiza e da independência nacional, foi suspendida durante um período de dous anos, o que equivale a umha ilegalizaçom de facto.
As organizaçons políticas, coletivos sociais, associaçons e sindicatos que convocamos a manifestaçom nacional ?En defesa dos direitos civis e políticos para todas e todos. Nom à ilegalizaçom de organizaçons políticas? queremos fazer público o seguinte:
1º Exprimimos a nossa solidariedade com as nove pessoas detidas pola Guardia Civil, exigimos a retirada das graves imputaçons penais às que estám submetidas no que é um novo caso de repressom política e denunciamos o carácter abertamente político da operaçom.
2º Exigimos o levantamento da suspensom das atividades políticas que desenvolve a organizaçom política independentista Causa Galiza e condiçons para o pleno exercício das liberdades de reuniom, associaçom e manifestaçom para todos os galegos e galegas. Nengumha opiniom nem ideologia -excepto o racismo e o fascismo- podem ser ?ilegalizadas?.
3ºDenunciamos o proceso de fascistizaçom do regime espanhol, que é manifesto nesta tentativa de criminalizar e deixar fora da legalidade o independentismo organizado, a imposiçom de normativas como a Lei Mordaça, a aplicaçom sistemática de sançons penais e administrativas ao protesto e a mobilizaçom social, etc.
4º Polas razons arriba expostas, convocamos a sociedade galega a se manifestar no próximo 24 de janeiro às 12:00h desde a Alameda de Compostela a, unindo numha só voz a denúncia de todos os setores sociais, políticos e sindicais contrários a processos e vulneraçons de direitos humanos, constitucionais e políticos como os que estamos a contemplar.
Na Galiza, em 9 de janeiro de 2015
----- -------- AUTHOR: da Cultura TITLE: Ence fora para sempre! BASENAME: ence-fora-para-sempre DATE: Wed, 04 Nov 2015 09:36:54 +0000 STATUS: publish PRIMARY CATEGORY: novas CATEGORY: TAGS: ----- BODY:
A Associaçom Cultural Amig@s da Cultura quer fazer público o seu total rejeitamento a umha hipotética prórroga na concessom a Ence em Louriçám por parte do governo espanhol e a sua participaçom na campanha de mobilizaçom social iniciada polo tecido associativo de Ponte Vedra e dos demais concelhos da nossa Ria e também por diversas instituiçons locais.
Reiteramos que a continuidade de Ence seria umha hipoteca e umha lousa para o futuro da zona e de todo o País. Ponte Vedra e o conjunto da Galiza tenhem que buscar outras vias na economia, conciliáveis com a conservaçom a longo prazo do ambiente e com a justiça social.
Rejeitamos a campanha de chantagens e mentiras de Ence, que se apoia no seu dinheiro para comprar vontades. Cumpre dizer claramente que Ence nom cria postos de trabalho, destrui-os. Destrui-os na própria fábrica, onde a cada vez trabalha menos gente, e impossibilita a criaçom de muito mais trabalho noutros setores. Ence, ademais, continua a contaminar, apesar de que a autorizaçom ambiental que a Junta lhe concedeu está feita à sua medida. Quantas décadas mais quer seguir emporcando o nosso entorno impunemente?
Se Ence fosse o motor económico de que falam, como se explicaria o nível de desemprego de Ponte Vedra? Essa ?importáncia? de Ence nom se teria que notar significativamente numha baixa taxa de desemprego? Nom será que, ao contrário, a presença de Ence contribuiu à destruiçom de trabalho na zona desde a sua instalaçom pola força na ditadura?
O governo do Partido Popular, o braço político de Ence-Elnosa, nom está legitimado para tomar umha decisom que afeta o conjunto da vizinhança da Ria de Ponte Vedra. O governo espanhol está já em funçons, polo que aprovar nos próximos meses a continuidade de Ence seria umha fraude e umha decissom ilegítima e antidemocrática. Nom estamos a falar de umha decisom menor, mas de algo que nos pode condicionar e prejudicar durante décadas, e nom pode ser que a maior capacidade de pressom de umha grande empresa em Madrid imponha a permanência contra a vontade maioritária do povo.
Por sua vez, o governo autonómico do PP nom deve dar o seu visto bom com um informe ambiental positivo. Qual é o futuro que querem para a Galiza? Mais decadência dos setores primários do mar? Mais desertificaçom do rural, abandonado às espécies destinadas à pasta de papel e à produçom energética? Seguir com umha ria contaminada? Querem umha Galiza onde a vontade de empresas alheias se impom à do povo?
Concordamos com a opiniom de que estamos num momento decisivo, e de que é básico que atuemos com unidade para impedir a prórroga a Ence. É umha responsabilidade de todas e todos nós e devemos posicionar-nos e pôr o nosso grao de areia. Jogamo-nos o nosso futuro.
Ence e Elnosa fora para sempre!
Ponte Vedra, novembro de 2015
Visita e divulga a página web encefora.gal
----- -------- AUTHOR: da Cultura TITLE: Assim foi o V Roteiro da Pantalha! BASENAME: title-808 DATE: Mon, 02 Nov 2015 16:39:35 +0000 STATUS: publish PRIMARY CATEGORY: novas CATEGORY: TAGS: ----- BODY:
A comitiva da Pantalha saiu percorrer as corredoiras de Cerdedo mais um ano, e já vam cinco!
Partindo da Eira Grande de Pedre, como noutras ocasions, desta vez a Estadeia caminhou face o monte da aldeia, mas antes disso parou no cemitério paroquial para lembrar e honrar Francisco Arca e Secundino Bugalho, militantes cerdedenses da CNT assassinados polo fascismo em 1936.
Já no monte, em perigo de arrasamento por causa do projeto do comboio de alta velocidade (o inecessário e destrutivo AVE), as ánimas da Companha visitárom os sítios arqueológicos de Laje da Romagem e Laje das Filhoeiras, com os seus gravados rupestres realizados até 4000 anos atrás.
De volta em Pedre, a noite acabou com a ceia em Casa Florinda e com a sessom de contos de medo para continuarmos a celebrar o Magusto.
A Associaçom Cultural Amig@s da Cultura solidariza-se com as nove pessoas, militantes independentistas da organizaçom política Causa Galiza, detidas hoje em diferentes pontos do nosso país sob delirantes acusaçons de ?enaltecimento do terrorismo?, vinculando-as a umha alegada ?Resistência Galega?.
Umha dessas detençons realizadas pola Guardia Civil produziu-se na nossa cidade e, de facto, o detido é umha pessoa bem conhecida e querida por quem conformamos Amig@s da Cultura, tendo participado em diversas ocasions nas nossas atividades. Umha pessoa que, como o resto de detidas, tam só realizou atividade política pública no independentismo galego. Umha pessoa que, como os demais detidos, do único que é culpável é de implicar-se desinteressadamente e luitar polo povo do que fai parte.
Esta operaçom política miserável, contextualizada no momento pré-eleitoral em que nos atopamos, é responsabilidade da organizaçom de extrema direita PP, causante do inumeráveis agressons ao povo trabalhador aprovadas em Consejos de Ministros e Consellos da Xunta. O PP é causante direto da pobreza e da desigualdade crescentes, do corte de direitos e liberdades com a Lei Mordaça ou da legitimaçom da violência machista, por citarmos só alguns exemplos.
O Reino de España mostra-nos mais umha vez a sua verdadeira face antidemocrática. Quem nom pode convencer polas boas necessita usar a força e a mentira para eliminar e criminalizar a dissidência, inventando um suposto inimigo para ocultar que os verdadeiros inimigos do povo estám nos escritórios dos governos e das grandes empresas da oligarquia.
Exigimos a imediata liberdade das pessoas detidas nesta farsa e esperamos que nom sofram nengum tipo de maltrato em maos do Estado. Apelamos à solidariedade ativa que rompa com a indiferença perante o avanço diário do fascismo.
Ponte Vedra, outubro de 2015
----- -------- AUTHOR: da Cultura TITLE: V Roteiro da Pantalha! BASENAME: v-roteiro-da-pantalha DATE: Thu, 08 Oct 2015 10:12:13 +0000 STATUS: publish PRIMARY CATEGORY: novas CATEGORY: TAGS: ----- BODY:
Achega-se a época do Magusto/Samain e Amigas da Cultura e Capitán Gosende, com a colaboraçom da Irmandade Druídica Galaica, organizamos umha nova ediçom do Roteiro da Pantalha.
Mais um ano sairemos da Eira Grande de Pedre (Cerdedo-Terra de Montes) na noite do sábado 31 de outubro, às 19:30h.
Lembrade que é importante levar aparelhos de iluminaçom, tradicionais se possível, para o roteiro. Também é conveniente levar calçado ajeitado para terrenos irregulares.
Depois da caminhada haverá ceia e sessom de conta-contos em Casa Florinda.
Animamos-vos a preparar e levar a vossa própria história de medo ou mistério. Nesta ediçom, os melhores contos terám prémio!
O preço da ceia é de 20 euros. Também é possível reservar um quarto para passar a noite em Casa Florinda (15 euros por pessoa). Nos dous casos as vagas som limitadas.
Para reservardes a ceia ou a dormida devedes ligar para o 687 742 323 ou para o 986 753 180 ou enviar um email ao endereço florindarural@gmail.com
----- -------- AUTHOR: da Cultura TITLE: Apresentamos um novo livro! BASENAME: title-770 DATE: Sat, 24 Jan 2015 21:44:57 +0000 STATUS: publish PRIMARY CATEGORY: novas CATEGORY: TAGS: ----- BODY:
Apresentamos um novo número da coleçom Através das Ideias: ?O Pequeno é grande. A agricultura familiar como alternativa: O caso galego? de Xoán Carlos Carreira Pérez e Emilio V. Carral Vilariño.
O ensaio trata sobre as alternativas que tem a agricultura a escala familiar, e para isso contaremos com a presença dos seus autores.
Será na sexta-feira 30, às 20h, na Livraria Paz.
Aguardamos-te!
----- -------- AUTHOR: da Cultura TITLE: Fotos das nossas últimas atividades BASENAME: fotos-das-nossas-ultimas-atividades DATE: Sat, 13 Dec 2014 15:22:11 +0000 STATUS: publish PRIMARY CATEGORY: novas CATEGORY: TAGS: ----- BODY:
Aqui vos deixamos algumhas imagens das nossas duas últimas atividades, a apresentaçom do livro "Breve História do Reintegracionismo", com Tiago Peres, e a do poemário "CARNE CRUA dura lex efémero" de Augusto Fontám.
O dia 12 de dezembro, sexta-feira, apresentamos na Casa das Campás o poemário de Augusto Fontám "CARNE CRUA dura lex efémera".
Estades tod@s convidad@s!
----- -------- AUTHOR: da Cultura TITLE: Apresentamos o livro "Breve História do Reintegracionismo" BASENAME: title-757 DATE: Tue, 18 Nov 2014 15:30:05 +0000 STATUS: publish PRIMARY CATEGORY: novas CATEGORY: TAGS: ----- BODY:
Na sexta-feira 28 apresentaremos o livro "Breve História do Reintegracionismo". Será no Café Savoy a partir das 20h e contaremos com a presença do seu autor, o historiador Tiago Peres Gonçalves.
Esperamos ver-vos lá!
----- -------- AUTHOR: da Cultura TITLE: Crónica do IV Roteiro da Pantalha BASENAME: title-751 DATE: Sat, 01 Nov 2014 21:09:43 +0000 STATUS: publish PRIMARY CATEGORY: novas CATEGORY: TAGS: ----- BODY:
Apesar da chuva, companheira habitual nesta atividade, o Roteiro da Pantalha pudo completar a sua quarta ediçom. Várias dezenas de pessoas participamos mais umha vez nesta particular procissom das ánimas organizada conjuntamente pola nossa associaçom e por Capitán Gosende.
Desta volta a Pantalha foi de Pedre até Vichocuntim, percorrendo umha parte da estrada velha Ponte Vedra-Ourense e também as corredoiras da freguesia de Pedre, sempre pertinho do Leres. Numha noite húmida como a de ontem, a procissom estivo acompanhada por píntegas, rãs e sapos, que tampouco quigérom perder-se o espectáculo espectral.
De volta em Pedre, a celebraçom do Samain (ou Magusto), completou-se com a ceia em Casa Florinda, na que nom faltárom nem as castanhas, nem os calacus talhados, nem os contos de medo.
Obrigad@s a todas as pessoas que assististes e até a seguinte ediçom!
Fotos de Juan Soto (obrigad@s!)
Da Associaçom Cultural Amig@s da Cultura queremos somar-nos às entidades que já manifestárom o seu rejeitamento ao projeto da autovia A-57 polas suas consequências de destruiçom do território e o seu carácter desnecessário.
Apoiamos esta luita vizinhal, encabeçada pola Plataforma Salvemos a Fracha, porque, como dizemos, é umha infraestrutura que nom necessitamos e que, de levar-se a cabo, suporá umha destruiçom irreparável do território (mais umha vez), com consequências negativas no ambiental e paisagístico, mas também no social e no económico.
O Ministério espanhol de Fomento tem que retirar este projeto, que pode supor o gasto de 84 milhons de euros numha autovia que nom cobre nengumha necessidade real e que tem um impacto ambiental, paisagístico e patrimonial mui severo em lugares como a Ermida, Pintos, Tomeza e várias paróquias de Vila Boa, como denuncia a vizinhança afetada.
Reclamamos também que todas as instituiçons (do Concelho à Junta) se posicionem ativamente contra a A-57.
Há alternativas para melhorar o transporte entre Ponte Vedra e Vigo e outros concelhos da zona, como a eliminaçom da portagem da AP-9, fazendo esta gratuita e pública e nom essa espécie de imposto feudal para AUDASA que agora é.
Mas também queremos questionar a ideologia do ?progresso? e do desenvolvimentismo que está por detrás deste e de tantos projetos de infraestruturas padecidos por toda a Galiza. Umha destruiçom de recursos económicos e de um território que é a base imprescindível para a nossa vida, atual e futura, em troca de benefícios multimilhonários para uns poucos empresários.
Autovias, linhas de ferrocarril como a do AVE, polígonos industriais em cada concelho, minas, ?cidades da cultura?... há muitos exemplos de infraestruturas que o tempo demonstrou ou demonstrará inúteis, infrautilizadas e nada rentáveis, mas que causam danos de difícil ou impossível reparaçom.
O crescimento económico nom pode ser eterno, temos que fazer-nos conscientes disto, e o ?progresso? que nos vendem é umha mentira que pom em sério perigo o nosso futuro.
Ponte Vedra, outubro de 2014
----- -------- AUTHOR: da Cultura TITLE: Chega o IV Roteiro da Pantalha! BASENAME: title-743 DATE: Tue, 14 Oct 2014 08:37:47 +0000 STATUS: publish PRIMARY CATEGORY: novas CATEGORY: TAGS: ----- BODY:
Achega-se a quarta ediçom do Roteiro da Pantalha organizado por Amig@s da Cultura e Capitán Gosende (com a colaboraçom da Irmandade Druídica Galaica).
Partiremos da paróquia de Pedre (Cerdedo-Terra de Montes) na noite da sexta-feira 31 de outubro, noite do Samain. O roteiro começará às 20h e sairá da Eira Grande de Pedre.
Posteriormente haverá umha ceia e umha sessom de conta-contos em Casa Florinda para a qual animamos-vos a preparar e levar a vossa própria história de medo.
O preço da ceia é de 18 euros. Também é possível reservar um quarto para passar a noite em Casa Florinda (15 euros por pessoa).
Para reservardes a ceia ou a dormida devedes ligar para o 687 742 323 ou para o 986 753 180 ou enviar um correio-e a florindarural@gmail.com
Lembrade que cumpre levar aparelhos de iluminaçom tradicionais para o roteiro e que é conveniente levar calçado ajeitado para terrenos irregulares.
----- -------- AUTHOR: da Cultura TITLE: "Vuelta a España"? Nom, obrigad@s! BASENAME: vuelta-a-espana-nom-obrigad-s DATE: Wed, 10 Sep 2014 16:12:52 +0000 STATUS: publish PRIMARY CATEGORY: novas CATEGORY: TAGS: ----- BODY:Amig@s da Cultura quer fazer público o seu rejeitamento ao passo da Vuelta a España pola nossa cidade na etapa que terá lugar o dia 11 de setembro e, em geral, ao passo dessa prova desportiva polo nosso país entre os dias 10 e 14.
Desde há uns anos a empresa organizadora dessa prova desportiva, Unipublic, encontrou um filom na Galiza do que está a tirar umha boa talhada. Administraçons públicas de todas as cores sempre dispostas a pagar para que algumha etapinha passe por aqui, seica para fomentar o turismo, quer dizer, os interesses económicos dalguns empresários que pretendem fazer passar por interesses gerais.
Nom há tanto interesse à hora de acabar com a precariedade laboral e a sobreexploraçom que padecem as e os trabalhadores do setor da hotelaria, nem com as negativas consequências sociais, económicas, ambientais e urbanísticas do turismo imposto como a única alternativa económica para as Rias Baixas.
No contexto atual consideramos que as administraçons nom podem seguir a entregar, ano após ano, uns recursos públicos que som muito mais necessários para o mantenimento dos serviços públicos ou para outras questons que sim som de interesse geral, como o desporto de base, por citar um exemplo.
Ademais, como todo o que rodeia o desporto oficial no Estado espanhol, a Vuelta a España também tem o objetivo político de ajudar a impor esse invento denominado naçom espanhola, enteléquia bastante precária (e por isso, necessitada de legitimaçom) e baseada na negaçom da realidade nacional da Galiza. Neste sentido, é triste que fosse precisamente o governo municipal de Ponte Vedra o que iniciasse no seu momento esta moda de trazer pola nossa cidade umha prova desportiva que cumpre um papel político tam evidente.
Ponte Vedra, 10 de setembro de 2014
----- -------- AUTHOR: da Cultura TITLE: Galiza com Catalunha! BASENAME: title-735 DATE: Fri, 05 Sep 2014 15:12:14 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura assinou o manifesto da plataforma Galiza com Catalunya, de apoio ao referendo democrático convocado na Catalunha para o vindouro 9 de novembro em que o povo catalám decidirá o seu futuro coletivo.
Da nossa associaçom chamamos a apoiar o direito democrático a decidir do povo da Catalunha, assinando este manifesto individualmente ou por parte de coletivos:
http://www.galizaconcatalunya.org
Também informamos de que coincidindo com os atos da Diada do 11 de setembro na Catalunha, a plataforma Galiza com Catalunya realizará umha réplica simbólica em Compostela, na Praça da Quintana, à que animamos a participar.
----- -------- AUTHOR: da Cultura TITLE: Sábado 9 de agosto: Manife contra as touradas BASENAME: sabado-9-de-agosto-manife-contra-as-touradas DATE: Tue, 29 Jul 2014 10:26:26 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura apoia e chama a participar numha nova manifestaçom contra as touradas convocada por Touradas Fora de Ponte Vedra.
A mobilizaçom terá lugar no sábado 9 de agosto, às 20h, saindo da Praça da Peregrina.
A tortura nom é arte nem cultura!
----- -------- AUTHOR: da Cultura TITLE: Amig@s da Cultura e A Revira perante a dedicatória do Dia das Letras a Filgueira Valverde BASENAME: amig-s-da-cultura-e-a-revira-perante-a-dedicatoria-do-dia-das-letras-a-filgueira-valverde DATE: Thu, 17 Jul 2014 16:34:55 +0000 STATUS: publish PRIMARY CATEGORY: novas CATEGORY: TAGS: ----- BODY:As associaçons culturais Revira e Amig@s da Cultura, perante a decissom da Real Academia Galega (RAG) de dedicar o Dia das Letras Galegas ao pontevedrês Xosé Filgueira Valverde, fazemos públicas as seguintes consideraçons:
- Rejeitamos a decissom tomada pola RAG. Filgueira Valverde, para além da sua maior ou menor valia como intelectual e da sua obra, nom merece este reconhecimento porque nom é nengum exemplo a seguir polo povo galego.
Assim, enquanto os seus antigos companheiros do galeguismo pontevedrês eram assassinados (Bóveda) ou forçados ao exílio (Castelao), Filgueira renegou sem problemas da causa galega e aderiu o franquismo, mesmo assumindo cargos de responsabilidade durante a longa noite de pedra, por exemplo como presidente da Cámara Municipal da nossa cidade. Posteriormente, foi um dos encarregados, como conselheiro de cultura do governo de AP, de romper com a linha histórica do galeguismo a respeito do caminho a seguir polo galego, introduzindo umha visom estreita da língua no conhecido como Decreto Filgueira (1982).
- Com esta decissom, que desde logo é muito menos ?de consenso? que as opçons de Xela Árias, Manuel Maria ou Ricardo Carvalho Calero, a RAG continua no caminho de situar-se cada vez mais afastada tanto do povo galego em geral como dos setores mais implicados na defesa da sua língua e cultura.
A eleiçom de umha figura do culturalismo elitista retrata a atual RAG. Em palavras do seu presidente, Xesús Alonso Montero, Filgueira Valverde é umha boa escolha ainda que ?sabemos que nom o vam ler os taxistas ou os farmacéuticos?. Desde logo os avanços na normalizaçom do galego nom vam depender do trabalho da RAG, comodamente recluída na sua torre de marfim por própria vontade.
- Desde o associacionismo cultural pontevedrês seguiremos a trabalhar pola nossa língua e cultura. Perante um governo autonómico contrário a qualquer avanço normalizador e que conta com a cumplicidade de instituiçons como a RAG, os esforços desde a base som mais necessários que nunca para impulsionar o idioma.
A.C. Revira
A.C. Amig@s da Cultura
Eis algumhas fotos da nossa última caminhada para seguir a conhecer o País. Desta volta fomos dar umha volta pola Ilha de Arousa.
Muito obrigad@s ao nosso guia, o amigo João Carlos Ouvinha.
No domingo 6 de julho organizamos umha nova caminhada, desta volta pola Ilha de Arousa. Sairemos de Ponte Vedra, do estacionamento do Paço da Cultura, às 10:15h. O roteiro começará às 11h, saindo do Nabal (Ilha de Arousa). O tempo estimado é de 2 horas e 15 minutos e a distáncia de 6,8 Km.
Recomenda-se levar roupa cómoda e calçado apropriado. Pode-se levar comida para jantar lá (quem quiger, isto é opcional).
As pessoas que quigerem sair desde Ponte Vedra podem confirmar a sua assistência ligando para o telefone 650 359 046 ou através do correio-e amigasdacultura@gmail.com
----- -------- AUTHOR: da Cultura TITLE: Defender a língua nom é delito! BASENAME: defender-a-lingua-nom-e-delito DATE: Sun, 18 May 2014 16:26:21 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura solidariza-se com as 12 pessoas que vam ser processadas nos dias 20, 22 e 23 de maio em Compostela, acusadas de diferentes delitos no contexto da mobilizaçom popular contra a manifestaçom anti-galego organizada por Galicia Bilingüe no dia 8 de fevereiro de 2009 em Compostela.
Aquela provocaçom dos inimigos do idioma, que contou com o apoio do PP de Feijó, da UPyD da xenófoba Rosa Díez ou da Falange (quer dizer, o conjunto da extrema-direita espanholista), foi respostada por coletivos e pessoas que, com dignidade e sem timoratismos, impedírom que a apologia do lingüicídio, da mentira e da hipocrisia desfilasse com normalidade polas ruas da capital da Galiza. Um motivo de orgulho para o nosso povo.
A legalidade do Estado espanhol (e legalidade nom é igual a justiça), vai julgar agora estas pessoas, pretendendo impor-lhes anos de cárcere e fortes multas económicas a todas elas. O mesmo Estado espanhol que protege empresários e políticos corruptos e que reprime com violenta sanha os legítimos protestos populares. Que fique claro, para nós defender o galego nom é nengum delito!
É umha enorme mentira dizer que o castelhano é perseguido na Galiza. O único idioma que no nosso país leva séculos sofrendo ataques com a intençom de completar o processo de substituiçom lingüítica e assimilaçom nacional é o galego. Os interesses do espanholismo (económico, político e mediático) som os que dérom ar, artificialmente, a grupinhos como Galicia Bilingüe, mas estamos cert@s de que a grande maioria de galegas e galegos, sejam ou nom galego-falantes, tenhem (temos) umha atitude positiva cara o idioma próprio e vê bem as medidas para a sua recuperaçom.
Chamamos a apoiar as iniciativas solidárias que se estám a desenvolver perante este julgamento e também a reforçar a luita em defesa da língua.
#8f45anos
Na Galiza em galego!
----- -------- AUTHOR: da Cultura TITLE: Estivemos na rua defendendo o galego no Dia das Letras BASENAME: estivemos-na-rua-defendendo-o-galego DATE: Sun, 18 May 2014 16:20:56 +0000 STATUS: publish PRIMARY CATEGORY: novas CATEGORY: TAGS: ----- BODY:
Como anunciamos, neste Dia das Letras estivemos na rua reivindicando o idioma. Participamos na concentraçom convocada por Queremos Galego na praça da Peregrina, onde aliás repartimos um texto para divulgar a visom reintegracionista e internacional do galego, as suas avantagens e as oportunidades que oferece à defesa da língua. Também penduramos umha faixa na praça da Ferraria, com a legenda "Em galego 365 dias ao ano".
Depois de sairmos à rua para visualizar a luita em defesa do nosso idioma neste 17 de Maio, agora toca continuar com o trabalho os 364 dias restantes.
Avante!
A nossa associaçom participará na manifestaçom convocada por Queremos Galego em Ponte Vedra no vindouro sábado 17 de Maio, Dia das Letras Galegas.
Mais umha vez Amig@s da Cultura sairá à rua em defesa do idioma contra os ataques planificados do Partido Popular e do espanholismo. E mais umha vez faremo-lo reivindicando o reintegracionismo como a melhor ferramenta para o galego recuperar espaços, ganhar dignidade e encarar o futuro com mais força.
A manifestaçom sairá da praça da Peregrina às 12h. De Amig@s da Cultura chamamos as e os pontevedreses a participar, demonstrando que o nosso é um povo com orgulho e que nom se deixa assimilar.
Em galego 365 dias ao ano!
----- -------- AUTHOR: da Cultura TITLE: Fotos da Caminhada polo Suído BASENAME: fotos-da-caminhada-polo-suido DATE: Thu, 01 May 2014 17:14:39 +0000 STATUS: publish PRIMARY CATEGORY: novas CATEGORY: TAGS: ----- BODY:
Aí vos deixamos algumhas fotos do roteiro pola Serra do Suído que organizamos no passado domingo 27 de abril.
Graças ao nosso guia, Xoán Soto, pudemos conhecer mais um recanto do País e desfrutar de um bom dia de primavera em irmandade.
Amig@s da Cultura apoia a campanha do estudantado da Escola Superior de Conservaçom e Restauraçom de Bens Culturais da Galiza, sediada na nossa cidade, em defesa de um status universitário para a titulaçom de conservaçom-restauraçom de bens culturais.
http://estudantesconservacion.wordpress.com/
----- -------- AUTHOR: da Cultura TITLE: Caminhada polo Suído o domingo 27 BASENAME: title-710 DATE: Sun, 13 Apr 2014 11:00:45 +0000 STATUS: publish PRIMARY CATEGORY: novas CATEGORY: TAGS: ----- BODY:
O domingo 27 de abril organizamos umha caminhada pola Serra do Suído (a que o tempo nos impediu fazer em janeiro!), na que poderemos conhecer tanto o seu valor natural como etnográfico.
Sairemos do Recinto Feiral de Ponte Vedra às 10h (deslocando-nos até o Suído de carro). Jantaremos no monte polo que cumpre que cada quem leve a sua comida.
Cumpre apontar-se previamente enviando um email para o correio da nossa associaçom (amigasdacultura@gmail.com) ou ligando para o 650 359 046.
Animade-vos!
----- -------- AUTHOR: da Cultura TITLE: Fotos da palestra sobre o Teito do Petróleo BASENAME: fotos-da-palestra-sobre-o-teito-do-petroleo DATE: Sun, 13 Apr 2014 10:44:33 +0000 STATUS: publish PRIMARY CATEGORY: novas CATEGORY: TAGS: ----- BODY:
Deixamos-vos este pequeno testemunho gráfico da palestra sobre o Peak Oil em que participárom Xoán Doldán e Manuel Casal em representaçom de Véspera de Nada.
Obrigad@s a todas as pessoas que assitistes!
----- -------- AUTHOR: da Cultura TITLE: O Teito do Petróleo: consequências e alternativas BASENAME: o-teito-do-petroleo-consequencias-e-alternativas DATE: Wed, 12 Mar 2014 14:40:28 +0000 STATUS: publish PRIMARY CATEGORY: novas CATEGORY: TAGS: ----- BODY:
Na sexta-feira 21 Amig@s da Cultura organiza umha nova atividade. Desta volta convidamos a associaçom Véspera de Nada para debatermos a questom do denominado Teito do Petróleo, ou Peak Oil, as suas consequências e as alternativas à dependência dos combustíveis fósseis, entre outras questons.
Para isso estarám connosco Xoán Doldán e Manuel Casal Lodeiro, que ademais apresentarám em Ponte Vedra o "Guia para o Descenso Energético" editado polas/os companheiras/os de Véspera de Nada e que vam dar a conhecer por todo o País.
A palestra será na Casa das Campás (na sala da planta baixa) e dará começo às 20h.
Vemo-nos lá!
----- -------- AUTHOR: da Cultura TITLE: Fotos da palestra sobre software livre BASENAME: title-697 DATE: Mon, 24 Feb 2014 18:56:16 +0000 STATUS: publish PRIMARY CATEGORY: novas CATEGORY: TAGS: ----- BODY:
Eis um par de fotos da palestra sobre software livre organizada em parceria com a CICA na sexta-feira passada.
Obrigad@s a todas as pessoas que vos achegastes até ali interessadas em conhecer mais umha questom como esta. Achamos que a palestra foi muito didática e que serviu, ao menos, para termos mais conhecimentos à hora de escolher e derrubar alguns falsos mitos, e "medos", em relaçom com o software livre.
Obrigad@s também ao Xoán Paredes e à CICA!
Vemo-nos na seguinte!
O dia 21 de fevereiro (sexta-feira), em parceria com o centro educativo e de dinamizaçom cultural CICA, organizamos umha palestra de introduçom ao software livre.
Nela, Xoán Paredes falará e mostrará como pode funcionar um computador sem necessidade de pagar polo teu software, de forma mais rápida, eficaz e segura, sem vírus nem complicaçons
A palestra será no local da CICA, na rua Virgem do Caminho 49, às 20h.
Nom faltes!
----- -------- AUTHOR: da Cultura TITLE: Caminhada polo Suído o domingo 26 BASENAME: caminhada-polo-suido-o-domingo-26 DATE: Mon, 13 Jan 2014 11:16:46 +0000 STATUS: publish PRIMARY CATEGORY: novas CATEGORY: TAGS: ----- BODY:
O domingo 26 de janeiro organizamos umha caminhada pola Serra do Suído, na que poderemos conhecer tanto o seu valor natural como etnográfico.
Sairemos do Recinto Feiral de Ponte Vedra às 10h (deslocando-nos até o Suído de carro). Jantaremos no monte polo que cumpre que cada quem leve a sua comida. Também é conveniente levar calçado preparado para terrenos húmidos.
Cumpre apontar-se previamente enviando um email para o correio da nossa associaçom (amigasdacultura@gmail.com) ou ligando para o 650 359 046.
Animade-vos!
----- -------- AUTHOR: da Cultura TITLE: Amig@s da Cultura apoia a iniciativa Galiza pola Soberania BASENAME: amig-s-da-cultura-apoia-a-iniciativa-galiza-pola-soberania DATE: Tue, 07 Jan 2014 11:20:48 +0000 STATUS: publish PRIMARY CATEGORY: novas CATEGORY: TAGS: ----- BODY:
De Amig@s da Cultura queremos fazer público o nosso apoio à iniciativa social Galiza pola Soberania, iniciativa que desde a pluralidade e o caráter abrangente quer contribuir para reforçar a consciência nacional do nosso povo e a socializar a necessidade da soberania nacional para resolver os nossos problemas coletivos em todos os ámbitos.
O objetivo de Galiza pola Soberania, tal e como recolhe o seu manifesto fundacional, é ?promover, por vias democráticas que tenham como eixo basilar o diálogo, a intervençom, o debate, a agitaçom social e a mobilizaçom, a tomada de consciência da maioria do povo galego no processo de construçom nacional, com o objetivo final de caminharmos face umha situaçom de soberania plena, fixada na consecuçom de um Estado Galego, antipatriarcal, social, laico e radicalmente democrático com base numha república para construírmos, de maneira pacífica e solidária, umha sociedade justa, livre e verdadeiramente igualitária.?
Consideramos que esta iniciativa ilusionante e abrangente é mui necessária e chamamos a todas as pessoas com consciência patriótica a participar na sua Assembleia Comarcal, cada quem na medida das suas possibilidades e vontade.
O nosso País encontra-se numha encruzilhada histórica e todas as cabeças e todos os braços som necessários para virar o rumo face um futuro de liberdade e justiça para o povo galego.
Viva Galiza Ceive!
Assina o manifesto individualmente ou como coletivo.
----- -------- AUTHOR: da Cultura TITLE: Algumhas fotos das nossas últimas atividades BASENAME: algumhas-fotos-das-nossas-ultimas-atividades DATE: Thu, 02 Jan 2014 18:56:17 +0000 STATUS: publish PRIMARY CATEGORY: novas CATEGORY: TAGS: ----- BODY:
Eis algumhas fotos das últimas atividades de Amig@s da Cultura em 2013, a apresentaçom do livro de Helena Miguélez-Carballeira "Galicia, a sentimental nation" e a palestra sobre celtismo e património com Blanca Garcia e Carlos Solla.
Obrigad@s a todas as pessoas que assististes e participastes e até a seguinte!
A sexta-feira 27 apresentaremos em Ponte Vedra o livro "Galicia, a Sentimental Nation", e para fazê-lo contaremos com a presença da sua autora, a professora da Universidade de Bangor (Gales) e diretora do Centro de Estudos Galegos de Gales Helena Miguélez-Carballeira.
O ato será na Casa das Campás e começará às 20h.
Neste livro, a autora analisa desde umha perspetiva feminista e poscolonial a criaçom e consolidaçom do estereótipo da sentimentalidade galega, impulsionado desde o poder espanhol para contrarrestar qualquer intento de libertaçom nacional mas também assumido polo galeguismo culturalista.
----- -------- AUTHOR: da Cultura TITLE: Parabéns à Revira no seu X aniversário BASENAME: parabens-a-revira-no-seu-x-aniversario DATE: Thu, 05 Dec 2013 11:17:47 +0000 STATUS: publish PRIMARY CATEGORY: novas CATEGORY: TAGS: ----- BODY:
Da A.C. Amig@s da Cultura queremos parabenizar à Revira no seu X aniversário e desejar-lhe êxito nos atos que tem programados para celebrá-lo nesta semana.
Sabemos que é complicado manter durante tanto tempo um projeto popular como este, baseado no trabalho voluntário e na implicaçom coletiva e que aliás está feito desde umha perspetiva galega e anticapitalista, quer dizer, contrária ao regime monárquico espanhol que padecemos desde há 35 anos.
É por isto que transmitimos a nossa força para a Revira continuar durante muitos anos mais. Conjuntamente com o de outros movimentos e associaçons da nossa cidade, o seu trabalho é imprescindível para atingir umha verdadeira mudança favorável aos interesses da Galiza e do povo trabalhador.
A luita continua!
Ponte Vedra, 5 de dezembro de 2013
----- -------- AUTHOR: da Cultura TITLE: Palestra sobre o celtismo galaico e a situaçom do património histórico BASENAME: title-675 DATE: Wed, 04 Dec 2013 19:01:12 +0000 STATUS: publish PRIMARY CATEGORY: novas CATEGORY: TAGS: ----- BODY:
Na sexta-feira 13 organizamos umha nova atividade de divulgaçom da história da Galiza dedicada desta volta à questom do celtismo e à situaçom do nosso património histórico. O título da palestra é "Galiza, naçom celta europeia?".
Nela teremos o gosto de contar com a historiadora Blanca Garcia Fernández-Albalat, membro do Instituto Galego de Estudos Celtas, e também com o estudoso, divulgador e defensor do nosso património histórico Carlos Solla.
A palestra começará às 20h na Casa das Campás.
Estades todas/os convidadas/os!
----- -------- AUTHOR: da Cultura TITLE: Crónica da apresentaçom de Elipse BASENAME: cronica-da-apresentacom-de-elipse DATE: Mon, 02 Dec 2013 18:56:26 +0000 STATUS: publish PRIMARY CATEGORY: novas CATEGORY: TAGS: ----- BODY:
Na passada sexta-feira apresentamos em Ponte Vedra a revista literária galego-portuguesa Elipse. Neste acto, decorrido na Galeria Sargadelos, participárom Rosanegra, Cruz Martínez e Alexandre Ínsua, criadoras/es da editora Círculo Edições e da própria revista, que está a ser apresentada em diferentes cidades e vilas da Galiza e Portugal.
Na apresentaçom intervírom também, recitando os seus poemas, dous dos autores que participam no primeiro número da revista, Xurxo Fernández e augusto Fontám.
Elipse quer ser um meio de intercámbio cultural dentro da Lusofonia, apostando na estratégia de reunificaçom lingüística da Galiza com o resto da comunidade lusófona.
Também quer ser um meio aberto às diferentes expressons tanto literarias como das artes plásticas.
A sexta-feira 29 apresentamos em Ponte Vedra a revista literária Elipse, recentemente lançada pola editora galego-portuguesa Círculo.
Será na Galeria Sargadelos a partir das 20h.
Lá vos aguardamos!
----- -------- AUTHOR: da Cultura TITLE: Sábado 23: manifestaçom contra ENCE e ELNOSA BASENAME: manifestacom-contra-ence-e-elnosa DATE: Mon, 18 Nov 2013 15:18:08 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura, como membro da Plataforma 2018, fai um chamamento à participaçom na manifestaçom convocada por esta plataforma contra as possíveis novas concessons a ENCE e ELNOSA para continuarem na nossa Ria para além de 2018.
A manifestaçom sairá da Ferraria às 19:30h.
Participa!
IMPIDAMOS A CONSOLIDAÇOM DE ENCE-ELNOSA EM LOURIÇÁM!
Nom demorou muito o PP em deixar clara a sua posiçom a respeito do complexo industrial de Louriçám. O Conselheiro de Meio Ambiente vem de assinar um acordo com os diretivos de ELNOSA que permite a sua permanência na Ria até 2017 e deixa sem efeito a data de caducidade fixada na AAI para 7 de janeiro de 2014. A fábrica de cloro poderá seguir vertendo mercúrio sobre os bancos marisqueiros da Ria mais três anos!
Mas, aliás, todo fai pensar que esta prorrogaçom à fábrica de cloro nom é mais do que o primeiro passo para decretar a sua consolidaçom definitiva em Louriçám; de nom o impedirmos, o PP aplicará no seu dia a nova Lei de Costas e concederá a ELNOSA e a ENCE umha prorrogaçom de até 75 anos que impediria definitivamente o saneamento e recuperaçom da nossa Ria para a exploraçom da pesca de baixura e o marisqueio. Daquela, o dano à qualidade de vida e à economía da comarca, e a perda dos postos de trabalho da Ria será irreversível.
Desde a PLATAFORMA 2018, que nasce na Ria de Ponte Vedra com o objetivo de impedir que ENCE e ELNOSA podam seguir em Louriçám para além de 2018 e que neste momento inclui um total de 32 coletivos sociais, achamos absolutamente necessário impedir decisons da administraçom que ?como a que hoje nos ocupa- ignoram os direitos da maioria social e impedem o desenvolvimento racional da economia e a criaçom de emprego.
Neste sentido, chamamos o conjunto da cidadania a manifestar a sua oposiçom a qualquer medida que levar à consolidaçom de ENCE-ELNOSA na Ria assistindo à primeira açom de resposta da Plataforma frente à imposiçom caciquista da Junta da Galiza.
ADEGA, A.C. Almuinha, Amarante, A.C. Amig@s da Cultura, ANOVA-Marim, ANOVA-Ponte Vedra, APDR, A.C. A Revira, A.C. En Pé, Asociación Cultural para o debate Ricardo Gómez Buceta, BNG, A.C. Canón de Pau, Causa Galiza, Colectivo Nacionalista de Marín, Equo, Espazo Ecosocialista, Fed. Castelao, FEG, Fundación Alexandre Bóveda, Galiza Nova, Isca!, Nós-UP, OGCMMC, Partido da Terra, Pavís- Pavós, Plataforma en Defensa dos Montes do Morrazo, PsdeG-PSOE, Queremos Galego-Marim, Vaipolorío, Verbo Xido, Verdegaia e 15-M.
----- -------- AUTHOR: da Cultura TITLE: Crónica do III Roteiro da Pantalha BASENAME: cronica-do-iii-roteiro-da-pantalha DATE: Fri, 01 Nov 2013 21:54:17 +0000 STATUS: publish PRIMARY CATEGORY: novas CATEGORY: TAGS: ----- BODY:
Mais um ano a Pantalha percorreu as corredoiras de Pedre na noite do 31 de outubro.
O III Roteiro da Pantalha saiu de Pedre quando já eram perto das 21h. Depois de descer polo caminho face Pontapedre a nossa procissom fantasmal acabou por chegar até o outeiro onde se encontra a capela de S.Lourenço. Durante todo este percurso o companheiro Carlos Solla, membro do coletivo Capitán Gosende, falou polo miúdo sobre a riqueza patrimonial, material e imaterial, destas terras, assim como também do seu abandono e das desfeitas perpetradas polas administraçons e polo projeto de barragem de Fenosa.
Após a caminhada a ceia em Casa Florinda e a sessom de conta-contos figérom um grande final para esta mágica jornada.
Obrigad@s a todas as pessoas que assististes e até o ano que vem!!!
Amig@s da Cultura quer expressar o seu rejeitamento ante o acordo entre a Junta da Galiza e o grupo empresarial CUF, proprietário de Elnosa, para a concessom de umha nova Autorizaçom Ambiental Integrada (AAI) que lhe permitirá continuar em Louriçám até dezembro de 2016.
Lembramos que a atual AAI finalizava em janeiro de 2014 e fora concedida polo governo do PP na anterior legislatura assegurando que esse ano finalizava a presença de Elnosa em Louriçám, que a empresa cloreira devia procurar umha nova localizaçom fora da nossa Ria ao mesmo tempo que mudava a sua tecnologia para adaptá-la às exigências ambientais da UE deixando de empregar mercúrio no seu processo industrial.
Esta nova decissom demonstra que o PP enganou à vizinhança ponte-vedresa e de todos os concelhos próximos. Demonstra que governa ao ditado dos interesses de empresas privadas e nom dos interesses populares. Demonstra que nom lhe importa nada o meio ambiente e a Ria de Ponte Vedra.
Nom confiamos nas, renovadas, boas palavras do conselheiro Hernández quando defende que este acordo garante o fim da atividade de Elnosa em Louriçám em 2016 e o seu desmantelamento em 2017. Mentiu umha vez e pode mentir de novo. O que está claro é que a nova AAI nom terá data de caducidade e que a empresa e a Junta pretendem ganhar tempo. Nada nos assegura que Elnosa nom vaia solicitar no futuro, como vai fazer ENCE, umha nova concessom em Louriçám com qualquer escusa e graças à recente modificaçom da Lei de Costas imposta polo governo espanhol.
Cumpre umha resposta contundente de todas as pessoas e setores sociais contrários à continuidade do complexo ENCE-Elnosa em Louriçám. Nom podemos tolerar que duas empresas privadas e os seus governos lacaios se riam de nós e imponham a sua vontade impunemente.
Ponte Vedra, 31 de outubro de 2013
----- -------- AUTHOR: da Cultura TITLE: Solidariedade com a Revira BASENAME: solidariedade-com-a-revira DATE: Sun, 20 Oct 2013 13:49:36 +0000 STATUS: publish PRIMARY CATEGORY: novas CATEGORY: TAGS: ----- BODY:
A Associaçom Cultural Amig@s da Cultura quer expressar a sua solidariedade e apoio à A.C. Revira após recente a agressom fascista ao seu centro social.
O veneno do fascismo, que se nom é combatido com firmeza acaba por gerar monstros como podemos comprovar atualmente na Grécia, conta ao seu favor no Estado espanhol com a quase total impunidade ante os seus ataques, agressons e declaraçons apologéticas da violência.
Mais ainda quando desde o partido que hoje agrupa a maior parte da extrema direita, o Partido Popular, se legitima umha e outra vez o fascismo, a ditadura franquista e os seus crimes. Os casos dos presidentes das cámaras municipais de Baralha ou Beade alentam os grupúsculos e simpatizantes fascistas a realizar ataques como o sofrido pola Revira na nossa cidade.
Contra o fascismo espanhol cumpre continuar a construir poder popular e a somar forças. Nom podemos olhar face outro lado porque o que hoje som pintadas ameaçantes amanhá podem ser ataques muito mais graves. A história, mesmo a mais recente, demonstra-o.
Ponte Vedra, 20 de outubro de 2013
----- -------- AUTHOR: da Cultura TITLE: III Roteiro da Pantalha BASENAME: title-663 DATE: Wed, 16 Oct 2013 09:28:19 +0000 STATUS: publish PRIMARY CATEGORY: novas CATEGORY: TAGS: ----- BODY:
Já está aqui umha nova ediçom do Roteiro da Pantalha que Amig@s da Cultura organiza conjuntamente com a tropa do Capitán Gosende (contando também com a colaboraçom da Irmandade Druídica Galaica. Serám de novo as corredoiras da paróquia de Pedre (Cerdedo-Terra de Montes) as que poderám olhar a marcha da nossa espectral Pantalha na noite do 31 de outubro, noite do Samain. O roteiro começará às 20h e sairá da Eira Grande de Pedre.
Posteriormente haverá umha ceia e umha sessom de conta-contos em Casa Florinda para a qual animamos-vos a preparar e levar o vosso próprio conto (um conto acaído à noite em que se dilui a fronteira entre o Aquém e o Além).
O preço da ceia é de 18 euros. Também é possível reservar um quarto para passar a noite em Casa Florinda (15 euros por pessoa). Para reservar a ceia ou a dormida devedes ligar para o 687 742 323 ou para o 986 753 180 ou enviar um correio-e a florindarural@gmail.com
Lembrade que cumpre levar aparelhos de iluminaçom tradicionais para o roteiro e que é conveniente levar calçado ajeitado para terrenos irregulares.
----- -------- AUTHOR: da Cultura TITLE: Este sábado às 12h na Peregrina, pola liberdade dos Cinco! BASENAME: title-658 DATE: Thu, 12 Sep 2013 22:36:45 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura apoia e chama a participar na concentraçom pola liberdade dos cinco patriotas cubanos presos desde há 15 anos nos EUA, após um juízo injusto, cheio de irregularidades e sob falsas acusaçons. Solidarizamo-nos com quem tam só defendêrom o seu povo dos projetos terroristas da extrema direita cubano-americana e do imperialismo.
A concentraçom é convocada pola Associaçom de Amizade Galego-Cubana Francisco Villamil em colaboraçom com Mar de Lumes.
Liberdade para os Cinco!
----- -------- AUTHOR: da Cultura TITLE: Sobre o tratamento dado a Castelao na ampliaçom do Museu de Ponte Vedra BASENAME: title-657 DATE: Mon, 09 Sep 2013 15:37:10 +0000 STATUS: publish PRIMARY CATEGORY: novas CATEGORY: TAGS: ----- BODY:
O passado 22 de agosto, com toda a pompa própria destes atos, era inaugurada a ampliaçom do Museu de Ponte Vedra após a reabilitaçom do Edifício Sarmento e a habilitaçom do Sexto Edifício. Dirigentes e altos cargos do PP como o Presidente da Deputaçom Rafael Louzán, Ana Pastor ou Jesús Vázquez encabeçaram um ato onde se ouviram frases grandiloquentes do tipo ?abrimos ao público a mellhor visom panorámica da nossa história? e outras polo estilo.
Pois bem, após umha visita da nossa associaçom às novas instalaçons do ?máximo expoente da história, o património e a cultura da cidade? (Louzán dixit), achamos que toda essa retórica triunfalista está bem longe da verdade.
Várias som as questons que poderíamos tratar, mas desta volta centraremo-nos no tratamento que o Museu dá à figura de Castelao. E, desde logo, achamos que o histórico líder nacionalista, que adoptou a nossa cidade como a sua e que desenvolveu nela umha extensíssima atividade em múltiplos ámbitos, merecia muito mais...
Na realidade Castelao merece um museu dedicado somente a ele em Ponte Vedra, mas já que nom o há, o mínimo seria dedicar-lhe um espaço muito mais importante no Museu de Ponte Vedra que ele mesmo ajudou a tornar umha realidade.
A sala dedicada a Castelao é umha oportunidade perdida de tratar a fugura do grande patriota de umha maneira ampla, centrada no compromisso com a libertaçom da Galiza mas aberta a diversos campos. Mas nom, basicamente o Museu de Ponte Vedra, dependente da Deputaçom que encabeça o PP de Louzán, repete com matizes a visom do ?Castelao artista? divulgada polos seus inimigos para tentar esconder a sua carga política soberanista.
Por exemplo, além das obras expostas e dalguns objetos pessoais, só dous breves textos falam da sua vida. Neles encontramos ocultaçons e manipulaçons obscenas como a que indica (sem explicar quem e por que) que na década de 1930 foi ?desterrado a Badajoz pola sua atividade política?.
Mais grave ainda é a referência ao golpe militar fascista de 18 de julho: ?o 18 de julho de 1936, só vinte dias depois da aprovaçom do Estatuto de Autonomia da Galiza, Espanha entra na guerra civil?. Assim se despacha o golpe militar dado polo fascismo espanhol e o posterior terrorismo desatado contra o Povo Galego. O Estado espanhol nom ?entrou na Guerra Civil?, a guerra foi provocada polo golpe fascista. Mas nom só isso, é que na Galiza nem houvo guerra, só um genocídio planificado para eliminar os setores mais conscientes do povo trabalhador numha época de crescente autoorganizaçom obreira e nacional e anular politicamente o resto por meio do terror e o assassinato.
E a razom desta visom sesgada e manipuladora de Castelao e do seu contexto nom é outra que o interesse político e a visom ideológica de um PP herdeiro e conivente com o franquismo, que como nom pode apagar Castelao da nossa memória coletiva continua a manipulá-lo e a tentar vaziá-lo de conteúdo. Um resultado evidente da perda de autonomia do Museu ao deixar de ser um organismo autónomo e ser dissolvido o seu padroado para acentuar o seu controlo pola Deputaçom (como já temos denunciado).
Desde logo Ponte Vedra ainda lhe deve muito reconhecemento a um Castelao que continuamente é aldrajado polas instituiçons da cidade que ele considerava sua (a desfeita do complexo escultórico dedicado a ele em Santa Maria é um outro exemplo). Infelizmente, ainda resta muito para que em Ponte Vedra, centro do nacionalismo galego nos anos 30, se cumpra a vontade de Castelao e Bóveda.
Ponte Vedra, setembro de 2013
----- -------- AUTHOR: da Cultura TITLE: Contra a agressom imperialista à Síria BASENAME: title-654 DATE: Sat, 31 Aug 2013 11:35:06 +0000 STATUS: publish PRIMARY CATEGORY: novas CATEGORY: TAGS: ----- BODY:
A A.C. Amig@s da Cultura, junto com outras associaçons e organizaçons de Ponte Vedra e Marim, apoia a chama a participar na concentraçom contra a agressom militar que o imperialismo ocidental, encabeçado polos EUA, prepara contra a Síria.
Será a esta segunda-feira na praça da Peregrina a partir das 20:30h.
Participa!
----- -------- AUTHOR: da Cultura TITLE: Amig@s da Cultura apoia a manifestaçom convocada por Touradas Fora de Ponte Vedra BASENAME: title-649 DATE: Thu, 01 Aug 2013 10:04:25 +0000 STATUS: publish PRIMARY CATEGORY: novas CATEGORY: TAGS: ----- BODY:
A Associaçom Cultural Amig@s da Cultura apoia, mais um ano, a manifestaçom convocada por Touradas Fora de Ponte Vedra para o sábado 10 de agosto, e que sairá às 20h da praça da Peregrina, e chamamos a assistir massivamente à mesma.
Lamentavelmente, é necessário que continuemos a nos mobilizar contra o bárbaro e cruel negócio das touradas após a negativa do PP, no Parlamento autonómico, a modificar a legislaçom em matéria de proteçom animal para que esta deixe de excluir as touradas. A única explicaçom que achamos a esta postura do PP de Feijó é a defesa de um símbolo da espanholidade na Galiza, apesar de que o rejeitamento às touradas é muito maioritário no nosso País.
Dito isto, também queremos unir-nos às vozes que pedem coerência ao governo municipal e às forças que o componhem. Nom se pode estar contra as touradas no Parlamento e olhar cara outro lado em Ponte Vedra. Se bem a Cámara municipal nom pode proibir as touradas, sim pode dar mais passos para rejeitá-las e deslegitimá-las socialmente, como a declaraçom de Ponte Vedra como ?Cidade antitouradas e amiga dos animais?.
Finalmente, e mais em tempos de crise económica como os que vivemos, exigimos de novo o cessamento de todas as ajudas económicas públicas concedidas de forma aberta ou encoberta para favorecer o macabro show das touradas e os empresários que se lucram com a tortura e morte dos touros, seja por parte do Governo espanhol, da Deputaçom provincial ou da instiuiçom que for.
Ponte Vedra, 1 de agosto de 2013
----- -------- AUTHOR: da Cultura TITLE: Manifesto Cidadám de Solidariedade com os independentistas julgados em Madrid BASENAME: manifesto-cidadam-de-solidariedade-com-os-independentistas-julgados-em-madrid-1 DATE: Fri, 21 Jun 2013 11:46:55 +0000 STATUS: publish PRIMARY CATEGORY: novas CATEGORY: TAGS: ----- BODY:A Associaçom Cultural Amig@s da Cultura de Ponte Vedra soma-se ao manifesto em solidariedade com os/as militantes independentistas que serám julgados/as o 24 e o 25 de junho na Audiencia Nacional espanhola:
Os agentes sociais, sindicais e políticos que assinamos esta declaraçom queremos transmitir à sociedade galega, à vista do juízo de quatro independentistas galegas a celebrar na Audiencia Nacional de Madrid Nos próximos dias 24 e 25 de junho, as seguintes questons que provocam em nós profunda preocupaçom e consideramos da máxima importáncia:
1ª Denunciamos a excecionalidade jurídica a que estám submetidos os cidadáns galegos Eduardo Vigo Domínguez, Roberto Rodrigues Fialhega e Antom Santos Peres, presos sem se celebrar o seu juízo desde há ano e meio e dispersados a centos de quilómetros dos seus lugares de residência num incumprimento flagrante da legislaçom e dos convénios e acordos internacionais assinados polo Estado espanhol nesta matéria que reflitem, com absoluta claridade, que nengum preso ou presa pode permanecer encarcerado longe do seu lugar de residência e contorna social.
2ª Queremos exprimir a nossa solidariedade e afecto aos familiares dos independentistas presos e denunciar a extorsom económica à que som submetidos como resultado da dispersom penitenciária, que se traduz num gasto semanal insustentável para deslocar-se a prisons situadas a centos de quilómetros e poder visitar, durante só 45 minutos, os seus seres queridos. Além desta extorsom, sumemos o esgotamento físico e o risco de acidente em estradas durante meses e anos e compreenderemos que esta situaçom, além de ilegal, é inumana.
3º Preocupa-nos o intenso impulso político que adivinhamos neste juízo, com petiçons que alcançam 64 anos de cárcere para a e os independentistas julgados e a certeza de que, como tribunal de exceçom que é, a Audiencia Nacional responde a directrizes políticas e carece das mínimas garantías jurídicas exigíveis, como já denunciárom organizaçons de direitos humanos e instáncias internacionais.
4ª A nossa preocupaçom alcança o zénite ante a possibilidade de que este tribunal ditamine nesse juízo a existência dumha ?organizaçom terrorista? na Galiza da que supostamente fariam parte os processados e a processada Maria Ossório. Esta é, de fato, junto às desorbitadas penas solicitadas, a questom essencial a dirimir e a que possibilita semelhantes petiçons. Valoramos que a formalizaçom jurídica da existência desta suposta ?organizaçom? é umha estratagema do Estado para abrir as portas à criminalizaçom do soberanismo, facilitando detençons, ilegalizaçons e o agravamento do já de por si agudo déficit democrático que suportamos.
Neste sentido, chamamos à sociedade a valorizar e reivindicar os pontos acima expostos e a estar alerta ante a eventualidade de que, no que pode ser unha aplicaçom em Galiza do que se conhece como Direito Penal do Inimigo, o juízo dos dias 24 e 25 dé pé a umha volta de porca na repressom política contra a ideologia e as organizaçons soberanistas e independentistas que seria de todo ponto de vista antidemocrática e inaceptável.
----- -------- AUTHOR: da Cultura TITLE: 17-M Manifestaçom nacional pola língua. Participa no Bloco Laranja! BASENAME: title-626 DATE: Fri, 10 May 2013 10:30:04 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura fai um apelo à participaçom na manifestaçom nacional em defesa da língua do vindouro 17 de Maio em Compostela, com saída às 12h desde a Alameda.
Mais umha vez, a nossa associaçom fará parte do Bloco Laranja que reune o reintegracionismo de base sob a legenda "Crescer na nossa língua para estar no mundo".
Frente à política de agressons à língua por parte do governo autonómico do PP, tod@s à rua!
----- -------- AUTHOR: da Cultura TITLE: Amig@s da Cultura é premiada pola AELG BASENAME: amig-s-da-cultura-e-premiada-pola-aelg DATE: Mon, 06 May 2013 17:02:22 +0000 STATUS: publish PRIMARY CATEGORY: novas CATEGORY: TAGS: ----- BODY:
A nossa associaçom recebeu este sábado o Prémio Instituiçons outorgado pola AELG (Asociación de Escritoras e Escritores en Língua Galega) dentro dos atos da Gala das Letras 2013 decorridos na cidade da Corunha.
Com este prémio a AELG quer fazer um reconhecimento às associaçons culturais de base criadas na Galiza nas décadas de 60 e 70 e que continuam a dia de hoje com a sua atividade de defesa da língua e cultura nacionais, sendo também difusoras da obra das e dos escritores galegos durante as últimas décadas.
Assim, junto com Amig@s da Cultura foi reconhecido o trabalho e a luita no eido cultural de associaçons como O Facho, Alexandre Bóveda, Auriense, O Galo, Valle Inclán, Avantar, Francisco Lanza, Medulio e Lumieira.
De Amig@s da Cultura queremos agradecer este reconhecimento por parte da AELG, que para nós é um estímulo para continuar a trabalhar com mais força polo País e polo nosso idioma numha obra coletiva na que é precisa a aportaçom de todas as pessoas comprometidas com um futuro de liberdade para a Galiza.
----- -------- AUTHOR: da Cultura TITLE: Galiza na Lusofonia BASENAME: galiza-na-lusofonia DATE: Sat, 30 Mar 2013 11:47:31 +0000 STATUS: publish PRIMARY CATEGORY: novas CATEGORY: TAGS: ----- BODY:
De Amig@s da Cultura, em colaboraçom com a Fundaçom Meendinho, convidamos-vos à apresentaçom na nossa cidade do MIL (Movimento Internacional Lusófono). Será a segunda-feira, 8 de abril, a partir das 20:20h na Casa das Campás.
Teremos a oportunidade de escuitar Lúcia Helena Alves de Sá e Loryel Rocha a falar dos laços entre a Galiza, o Brasil e o Espaço Lusófono. Celeste Natário falará sobre Outeiro Pedraio e Teixeira de Pascuaes. E Renato Epifânio apresentará o número 11 da revista Nova Águia.
----- -------- AUTHOR: da Cultura TITLE: Contra as agressons judiciais à nossa língua BASENAME: contra-as-agressons-judiciais-a-nossa-lingua DATE: Sat, 23 Mar 2013 10:39:47 +0000 STATUS: publish PRIMARY CATEGORY: novas CATEGORY: TAGS: ----- BODY:A Associaçom Cultural Amig@s da Cultura quer expressar o seu total rejeitamento à sentença judicial que pretende impor umha rotulaçom bilíngüe nas sinalizaçons de tránsito municipais que no nosso concelho estám, como é normal, em galego.
É tam ridículo pensar que a rotulaçom só em galego pode causar ?confusons? que parece claro que a única motivaçom da administraçom de justiça espanhola é limitar mais ainda os espaços públicos para a nossa língua. E isto nom é casual, é o resultado da renovada estratégia desgaleguizadora do Estado espanhol, um novo ataque planificado à cultura e identidade nacionais que busca converter-nos a tod@s em perfeitos cidadaos espanhóis, erradicando a pluralidade lingüística que existe no Estado espanhol. O discurso oficial fala de convivência, mas a prática demonstra que o objetivo é a assimilaçom.
A sentença também é o resultado de um marco jurídico-político que a permite, o emanado da Constituiçom espanhola e do Estatuto de autonomia, que impom umha hierarquia entre línguas, assegurando a supremacia do espanhol (obrigatório) e o caráter dependente do galego (optativo). Igual que para defender os serviços públicos e os direitos laborais e sociais, necessitamos soberania e instituiçons próprias para garantir o futuro do galego.
Somamo-nos, pois, às associaçons e coletivos que se estám a manifestar em contra desta sentença e em defesa do galego, e instamos o governo municipal a manter a rotulaçom monolíngüe passar o que passar.
Ponte Vedra 100% em galego!
Ponte Vedra, 22 de março de 2013
----- -------- AUTHOR: da Cultura TITLE: Contra um regime decadente, em luita polos nossos direitos! BASENAME: title-593 DATE: Wed, 20 Feb 2013 16:44:06 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura apoia e fai um apelo à participaçom nesta manifestaçom que, este sábado 23, partirá da Praça do Concelho às 18h.
Manifesto:
Como há trinta anos, estamos a viver umha situaçom de golpe de Estado, por mais que desta volta seja um golpe financeiro e estejam a protagonizá-lo políticos e altos executivos que, em nome de umha suposta austeridade, estám a degradar as condiçons de vida da populaçom à que deveriam servir. Com o único afám de favorecer interesses privados e o seu lucro pessoal, cortam ?quando nom eliminam- os serviços públicos, uns serviços públicos que som consubstanciais a um Estado democrático no que a igualdade de direitos deve prevalecer por cima de todo. Direitos que nom só devem ser reconhecidos, mas também garantidos.
Educaçom e saúde som só dous claros exemplos desta situaçom que vimos de caraterizar; querem-nos impor umha educaçom elitista, seletiva, que mesmo segrega por razons de género (a Junta destina este ano 118 milhons de euros a esses concertos educativos) e lingüicida, em que o galego, como língua própria da Galiza, fique destinada a um ritual institucional; e ponhem a saúde em maos de empresas privadas como acontece em Ponte Vedra com a construçom do novo hospital, enquanto cortam os cartos em serviços sociais ou desmantelam a lei de dependência; por nom falarmos das pensons. Priorizam o lucro sobre o direito à educaçom e sobre a vida das pessoas. E esta situaçom repete-se na justiça, no transporte ou na vivenda.
E dá-se também umha evidente situaçom de corrupçom ambiental, culminada no novo projeto de Lei de Costas que vai supor na prática a privatizaçom do litoral e que, entre outras cousas, contempla a prórroga das concessons em terrenos de domínio público por 75 anos mais, umha prórroga que afeta à pasteira ENCE e que impediria a recuperaçom da Ria, da qualidade de vida e da economia da comarca, que só pode vir da mao da exploraçom racional dos recursos naturais e do turismo, um modelo económico sustentável incompatível com a presença de ENCE-ELNOSA em Louriçám e que vem sendo exigência de umha ampla maioría social. Nom podemos esquecer que existem muitos outros casos de injustiças ambientais, como o pretendido parque eólico do Morraço, ou o imcumprimento de sentenças firmes como a dos aterros do Porto de Marim ou a dos passos a nível da praça de Prazeres.
Estamos em maos de governos corruptos que agem en conivência com os poderes económicos e que, com a escusa de reforçar a ?competitividade da economia espanhola? e reduzir o desemprego, aumentam o grau de exploraçom e de precariedade da classe trabalhadora. Nengumha das reformas laborais levadas a cabo por PSOE ou PP foi quem de impedir a destruiçom do emprego, e mais parecem estar criadas para destrui-lo; o desemprego é un problema estrutural da economia espanhola, que quando as cousas vam bem só cria emprego-lixo e que eleva a taxa de desemprego quando as cousas vam mal. Nesta situaçom há quem que, como as mulheres, sofre a crise de umha forma máis aguda. Resulta fundamental, frente a umha situaçom de expólio global, umha reaçom de solidariedade, contestaçom e luita global.
Nom aceitamos pagar umha crise que nom causamos enquanto se legaliza umha escandalosa amnistia fiscal para as grandes fortunas e o dinheiro de duvidosa procedência (narcotráfico, trata de mulheres, armas...) nem pagar umha dívida ilegítima e injusta que serve para resgatar a banca e nom para melhorar a situaçom da maioria da populaçom; umha dívida que devera ser previamente auditada por todas e todos nós como um exercício cívico de resistência e de emancipaçom do povo que está a sofrer a injustiça, o saque e a rapina do sistema capitalista.
Nom aceitamos que o governo do Estado e a Junta da Galiza fagam demagogia aproveitando o descontentamento com a classe política para reduzir ainda mais a qualidade democrática, eliminando representantes, capacidade de decisom local e silenciando minorias; nem umha lei eleitoral injusta que favorece e beneficia o bipartidismo e os grandes partidos, e que torna ilegítimas as açons de um governo que, aliás, nom pode ter um cheque em branco durante quatro anos para governar de costas ao povo sob a ditadura de maiorias aritméticas.
Exigimos maior capacidade de decisom, participaçom e controlo popular; a demissom do governo e a posta em andamento de um processo constituinte radicalmente democrático, prévio exercício do direito a decidir dos povos, que conclua com umha nova Constituiçom baseada na democracia real, que anteponha os direitos coletivos ao interesse privado e que garanta de forma efetiva umha vida digna para todas as pessoas.
Nom ao golpe de Estado financieiro, nom devemos, nom pagamos.
Pola justiça social e ambiental.
Pola trasparência e democracia participativa.
Em defesa de uns serviços públicos e universais.
Por umha auditoria cidadá da dívida, contra a dívida ilegítima.
Polo nosso futuro, polas nossas vidas.... defendamos os serviços públicos!
A PRIVATIZAÇOM, TAMBÉM É CORRUPÇOM
Assinam:
Fronte Cívico Somos Maioría Pontevedra, APDR, Asociación Amarante-Setem, Plataforma polo Aforro Público, Colectivo Encontro-Benestar Social, Movemento Veciñal a Prol dos Bens Comúns de Marín, Plataforma Auditoría Cidadá da Débeda, Esquerda Unida Pontevedra, Xuventudes Comunistas de Pontevedra, Asociación de Veciños Castelao, Cas Galicia, Masa Crítica Pontevedra, Amigos e Amigas da Cultura, Nós-Unidade Popular e 15-M Pontevedra.
Aproveitando o debate público sobre as possíveis denominaçons para o Sexto Edifício do Museu de Ponte Vedra, a nossa associaçom quer expressar as seguintes consideraçons:
Em primeiro lugar, e em relaçom ao novo nome do Sexto Edifício, reiteramos a nossa ideia de que este resulte de umha eleiçom popular. Independentemente dos nomes, para Amig@s da Cultura está claro que devera ser umha pessoa comprometida com a cultura galega, e achamos que seria positivo que fosse umha mulher para racharmos com o silenciamento do papel das mulheres na nossa história. O que também queremos destacar é que nom concordamos com a proposta de Filgueira Valverde (ainda que fosse um dos fundadores da nossa associaçom), entre outras cousas pola sua implicaçom na desgraçada instalaçom de ENCE em Louriçám.
Dito isto, pensamos que o do nome é o menor dos assuntos em importáncia à hora de reflexionarmos sobre a situaçom do Museu. Amig@s da Cultura nom aceita nem considera positiva a perda de autonomia do Museu e o seu controlo político direto pola Deputaçom do PP de Louzán. Um controlo político que já se está a manifestar na pressom sobre o pessoal que nom se prega totalmente às diretrizes do PP.
Umha outra questom importante é a da situaçom dos fundos arqueológicos que o Museu deve costodiar. Sobre isto é bem sabido que existe um escurantismo que enche de suspeitas a atuaçom da instituiçom que deve velar polo nosso património histórico. É necessário pôr luz e taquígrafos sobre este tema, deve facilitar-se um inventário público e oficial dos fundos do Museu, atualizado permanentemente e, no seu caso, respostar por possíveis desapariçons ou estragos.
Também devem ser dadas facilidades às e aos investigadores, por exemplo nos horários de acesso à Biblioteca e demais serviços (que só abrem de terças e sexta pola manhá), isso sim, mantendo o controlo sobre os fundos que se utilizam ou emprestam.
Para finalizar, é necessária umha crítica à programaçom de exposiçons do Museu de Ponte Vedra, onde habitualmente há exposiçons que nada tenhem a ver com a difusom da nossa história e da nossa identidade, mais bem ao contrário (lembramos a penosa exaltaçom do militarismo espanhol numha exposiçom há uns meses). Por nom falar da cessom das suas instalaçons em favor de coletivos reaccionários e anti-galegos como Galicia Bilíngüe.
A nossa alternativa é a sua conversom num museu arqueológico digno de tal nome, onde se exponha de maneira permanente e rigorosa o mais destacado do património histórico que o Museu costodia. Esta seria umha boa forma de fazer do Museu de Ponte Vedra a instituiçom ao serviço do povo galego que devera ser.
Ponte Vedra, 15 de fevereiro de 2013
----- -------- AUTHOR: da Cultura TITLE: Deixou-nos um dos bons e generosos BASENAME: title-585 DATE: Wed, 06 Feb 2013 10:55:21 +0000 STATUS: publish PRIMARY CATEGORY: novas CATEGORY: TAGS: ----- BODY:
Da Associaçom Cultural Amig@s da Cultura de Ponte Vedra queremos expressar a nossa dor polo passamento de Manolo Soto, histórico luitador pola causa da Galiza desde a sua vila de Salvaterra, na comarca do Condado.
Manolo Soto foi umha dessas pessoas que generosamente dedicárom os seus esforços a construir umha Galiza livre e justa desde diversos ámbitos, do político ao sindical passando polo cultural. Foi um dos impulsionadores da Sociedade Cultural e Desportiva do Condado e do Festival da Poesia, referentes da autoorganizaçom popular galega desde a década dos 70. Ele próprio participou no projeto de criar umha Federaçom de Associaçons Culturais a nível nacional, projeto que Amig@s da Cultura impulsionou na década de 1980.
Deixou-nos, pois, um companheiro, um galego dos que merecem o título de bom e generoso, um exemplo da Galiza rebelde que nom claudicou nem se integrou no podre regime que padecemos. Graças a pessoas como ele, o facho acesso da naçom continua a arder e a guiar-nos cara a liberdade.
Enviamos à sua família, amizades e companheiros/as todo o nosso carinho e apoio.
Ponte Vedra, 6 de fevereiro de 2013
----- -------- AUTHOR: da Cultura TITLE: Manifesto do Bloco Laranja ante a manifestaçom do 27-J BASENAME: manifesto-do-bloco-laranja-ante-a-manifestacom-do-27-j DATE: Wed, 16 Jan 2013 16:47:22 +0000 STATUS: publish PRIMARY CATEGORY: novas CATEGORY: TAGS: ----- BODY:Podemos motivar, podemos somar, mas é preciso virar o rumo
O espanhol, que já era a língua praticamente única das cidades galegas mais povoadas, também se tornou a língua ambiental de um grande número das nossas vilas médias e até pequenas nos últimos anos. Nestas circunstáncias, também ficárom mui reduzidas as pessoas que tenhem algum tipo de contacto com a nossa língua. Sabia-se que ia acontecer e aconteceu, de maneira que algo tem que estar a falhar. Como tantas outras cousas na nossa sociedade, o movimento normalizador necessita de novos ares, de um novo rumo que nom jogue todas as cartas à açom institucional e ao vitimismo de sermos língua minorizada. A situaçom da língua é delicada, mas nós pensamos que é possível voltar a conectar com a sociedade, voltar a motivar, voltar a somar.
As sociedades atuais e os comportamentos lingüísticos delas som tam complexos que dificilmente se podem induzir ou alterar apenas através da açom institucional. Tampouco o ensino, nem que fosse maioritariamente em galego, asseguraria grandes avanços por si só. Temos muitos exemplos de que esse rumo nom dá os frutos que esperávamos. Muito menos ainda, claro, quando a estratégia consiste simplesmente em ficar à espera dessa situaçom. Guiarmos noutra direçom nom nos instalaria repentinamente na situaçom oposta. Ora bem, parece claro que continuarmos a bater nas mesmas teclas, a de estar à espera de um ambiente ideológico propício e a de limitar os recursos que pomos ao dispor do processo normalizador, nom gera a motivaçom social polo galego que desejaríamos.
Os coletivos reintegracionistas que hoje nos reunimos no bloco laranja entendemos que, sem renunciarmos a utilizar o ensino e as instituiçons públicas em prol da nossa língua quando estivermos em condiçons de o fazer, também devemos somar outro tipo de vontades e recursos à margem daquelas. Parece-nos o modo mais interessante de devolver ao movimento normalizador o entusiasmo de que atualmente carece e que julgamos imprescindível para conectar com a sociedade. Um novo rumo em que cada pessoa poda pôr o seu grao de areia para que o galego volte a ser, para além da língua que as pessoas identificam com o uso ritual institucional, umha língua de ambientaçom social. Por isso queremos animar-te a trabalhar conosco:
1. Na promoçom de espaços físicos de socializaçom em galego e polo galego em todas as comarcas do País.
2. Na promoçom de redes cooperativas de ensino em galego e polo galego em que o galego nom seja apenas a língua da docência, senom o projeto que aglutine toda a comunidade educativa: direçom, docentes, maes e pais, crianças...
3. No aproveitamento de recursos lusófonos em todos os ámbitos em que seja possível, fazendo do intercámbio com os outros países de fala galega a aposta cultural fundamental do movimento normalizador até que se criem condiçons mais favoráveis para a cooperaçom lingüística com os estados de língua portuguesa.
Som medidas simples que já se verificárom eficazes noutros países, porque nom basta fazermos campanhas de promoçom do galego: devemos fazer do galego umha opçom interessante para as pessoas e para isso temos que ter em conta as pessoas.
Galiza, 27 de janeiro de 2013
----- -------- AUTHOR: da Cultura TITLE: 27-J Manifestaçom pola língua em Compostela BASENAME: title-567 DATE: Tue, 15 Jan 2013 18:27:18 +0000 STATUS: publish PRIMARY CATEGORY: novas CATEGORY: TAGS: ----- BODY:
O vindouro 27 de janeiro Amig@s da Cultura participará na manifestaçom nacional em defesa da língua que decorrerá em Compostela a partir das 12h e com saída da Alameda.
A nossa associaçom fará parte do Bloco Laranja que, mais umha vez, reunirá o reintegracionismo de base.
Encorajamos-vos a participar!
Na Galiza só em galego!
----- -------- AUTHOR: da Cultura TITLE: Ante o retorno do monumento a Castelao a Santa Maria BASENAME: title-562 DATE: Mon, 07 Jan 2013 17:05:16 +0000 STATUS: publish PRIMARY CATEGORY: novas CATEGORY: TAGS: ----- BODY:
A Associaçom Cultural Amig@s da Cultura quer expressar a sua opiniom ante a recente decissom da Cámara Municipal de devolver o monumento a Castelao ao seu espaço original. Se bem é umha decissom positiva, achamos que só corrige parcialmente a lamentável desfeita inicial, posto que o monumento nom volta ao seu lugar exato nem volta nas mesmas condiçons em que estava. Se agora se retifica e reconhece o erro cometido, por que se permitiu antes? Alguém sente remorsos polo seu vergonhento consentimento inicial?
Queremos lembrar que a existência do complexo escultórico realizado polo escultor Manuel Garcia Buciños, que inclui nom só a escultura do patriota Daniel Castelao mas também a pedra sobre a qual estava colocada e o carvalho que a acompanhava, foi um projeto impulsionado pola nossa associaçom em 1982 que foi sufragado mediante umha campanha de subscriçom popular e finalmente colocado no seu espaço originário em Santa Maria em 1983, após a luita contra a negativa do reaccionário governo municipal daquela altura.
Também que Amig@s da Cultura nomeou o povo galego como o proprietário do complexo escultórico, por tanto a Cámara Municipal nom tinha direito nengum a modificá-lo e destrui-lo, e menos sem consultar nem ao povo nem à nossa associaçom. Mas esse foi o prepotente comportamento do governo municipal em 2010, quando decide arbitrariamente recolocar a escultura de Castelao na zona do Museu de Ponte Vedra, destruindo o complexo escultórico como o conjunto que era inicialmente, danando a escultura durante o seu translado, e eliminando a placa inaugural que estava colocada na pedra.
A Cámara Municipal demonstrou naquela altura um nulo respeito polo património artístico da cidade, que nom podemos separar do seu afám turistificador da Zona Velha que incluiu outras atuaçons mui discutíveis, como as remodelaçons da Praça da Verdura ou da própria Avenida de Santa Maria. Esperemos que esta retificaçom da nefasta atuaçom municipal seja umha liçom para que cousas assim nom se repitam no futuro. A cidade, e menos ainda o seu património artístico e histórico, nom som propriedade dos governos, som propriedade do povo.
Ponte Vedra, janeiro de 2013
----- -------- AUTHOR: da Cultura TITLE: Roteiro pola Rota da Pedra e da Água BASENAME: roteiro-pola-rota-da-pedra-e-da-agua DATE: Tue, 06 Nov 2012 17:03:29 +0000 STATUS: publish PRIMARY CATEGORY: novas CATEGORY: TAGS: ----- BODY:
O domingo 25 de Novembro conheceremos umha das zonas da nossa contorna que possui umha das maiores concentraçons de moinhos de água: os moinhos de Barrantes e os moinhos de Serém, conhecidos como a Rota da Pedra e da Água. Trata-se dum antigo caminho de peregrinaçom seguindo o curso do rio Armenteira que conduz ao mosteiro cistercense do mesmo nome construído no século XII.
Sairemos do aparcadoiro do Paço da Cultura de Ponte Vedra às 10:30H e iremos de carro até o início da rota.
O percurso tem umha dificulade baixa com umha duraçom aproximada de três horas. Levaremos a nossa comida e jantaremos nalgum ponto da caminhada do que gostemos.
Nom é imprescindível apontar-se.
Anima-te e vem connosco conhecer lugares novos, fazer exercício e passar um dia rodeadas de natureza!
----- -------- AUTHOR: da Cultura TITLE: Segundo Roteiro da Pantalha BASENAME: title-534 DATE: Sun, 14 Oct 2012 00:26:07 +0000 STATUS: publish PRIMARY CATEGORY: novas CATEGORY: TAGS: ----- BODY:
Por segundo ano consecutivo Amigas da Cultura organiza o Roteiro da Pantalha na mágica Noite do Samain, com o apoio do colectivo Capitán Gosende e a Irmandade Druídica Galaica.
Este ano o roteiro partirá da Eira Grande de Pedre (Cerdedo, Terra de Montes) a noite do 31 de Outubro às 20h. Desceremos pola corredoira da Pontapedre, antigo caminho veredeiro que comunicava com o norte de Portugal; atravessaremos o rio Leres pola ponte medieval, seguiremos pola beira do rio, achegaremos-nos ao pé da pedra antropomorfa do coto das Ínsuas, e após, visitaremos a aldeia do Serrápio (capela do século XVIII, cruzeiros e pombal).
Depois da caminhada terá lugar umha ceia de confraternizaçom em Casa Florinda (Pedre), com contacontos e queimada para celebrar o Ano Novo celta. Para apontar-se à ceia ligar para Anjo (650 369 046) ou Calros Solla (687 642 430), ou no correio-e amigasdacultura@gmail.com. O preço da ceia é de 15? e haverá preços especiais para dormidas na própria Casa Florinda (30? quarto duplo com almoço).
Importante! Trazer calçado ajeitado para água e terrenos irregulares e iluminaçom (tradicional e/ou eléctrica). Apreciara-se caracterizaçom (respeitando a tradiçom).
No caso de condiçons atmosféricas muito adversas o evento será adiado.
Amig@s da Cultura apoia a manifestaçom convocada polo coletivo "Touradas Fora de Ponte Vedra" para este sábado, 11 de agosto, às 20h, com saída desde a Praça da Peregrina.
Nem crimes contra os animais, nem espanholismo, nem machismo!!!
Animade-vos a participar!!!
----- -------- AUTHOR: da Cultura TITLE: Fotos da visita à Laja das Filhoeiras BASENAME: fotos-da-visita-a-laja-das-filhoeiras DATE: Mon, 30 Jul 2012 10:58:24 +0000 STATUS: publish PRIMARY CATEGORY: novas CATEGORY: TAGS: ----- BODY:
Este sábado, em colaboraçom com o coletivo Capitán Gosende, organizamos umha visita aos recentememte descubertos petróglifos da "Laja das Filhoerias" nos montes de Pedre (Cerdedo).
Sairemos da Eira Grande de Pedre às 20h e subiremos polo monte até a zona conhecida como os Castelos, onde se encontram os gravados rupestres.
Posteriormente haverá umha ceia na casa de turismo rural A Florinda (Pedre). O preço da mesma som 12 euros e é preciso fazer a reserva nos telefones 986 753 180 ou 687 742 323 ou mediante correio electrónico (florindarural@gmail.com). Também se podem fazer reservas para durmir ali polo preço de 40 euros (quarto duplo).
Vemo-nos em Pedre!
----- -------- AUTHOR: da Cultura TITLE: Galiza nom é Espanha! (fotos) BASENAME: title-512 DATE: Wed, 27 Jun 2012 10:08:09 +0000 STATUS: publish PRIMARY CATEGORY: novas CATEGORY: TAGS: ----- BODY:Galiza nom é Espanha!
A chegada de dous eventos desportivos como a Eurocopa de futebol e os Jogos Olímpicos de Londres estám a ser aproveitados, mais umha vez, para fomentar a identificaçom do nosso povo com o Estado que nos nega e oprime, o Reino de Espanha. Os meios de comunicaçom e os políticos do regime encarregam-se continuamente de meter-nos na cabeça a ?grande importáncia? destes eventos, de animar-nos a identificar-nos com ?a equipa de todos? e com os seus símbolos.
O regime atual, como o franquismo antes, tenta compensar assim a pouca identificaçom do povo trabalhador com o seu nacionalismo excluinte, chauvinista e imperialista. Tenta desviar a atençom da crise que o capitalismo espanhol atravessa. Tenta que o povo se esqueça dos ataques que está a sofrer em forma de duras reformas e cortes sociais, do desemprego e o empobrecimento, enquanto os banqueiros e os seus negócios som salvados. Tenta que esqueçamos a corrupçom e os escándalos da sua monarquia.
É o mesmo regime que, tam só por razons políticas, impede que a Galiza tenha seleçons desportivas oficiais que podam competir internacionalmente. Umha imposiçom antidemocrática dos mesmos hipócritas que logo dizem que ?o desporto nom se deve misturar com a política?.
Desde Amig@s da Cultura fazemos um apelo às vizinhas e vizinhos de Ponte Vedra, a todos os galegos e galegas, para fazer visível o rejeitamento ao espanholismo que pretendem impor-nos. Enchamos as ruas de bandeiras da nossa Pátria, demonstremos-lhes nom nos identificamos com as suas seleçons, com a sua bandeira (a ?rojigualda? do fascismo) nem com nada do que esta representa (monarquia, unitarismo e capitalismo).
O nosso orgulho nacional nom depende de vitórias desportivas efémeras. Se estamos orgulhosas e orgulhosos de pertencer a esta antiga naçom europeia (muito mais do que esse triste invento chamado ?Espanha?) é por fazermos parte de um povo que luita e resiste e por sonharmos com um futuro de liberdade e justiça.
Galiza é a nossa Naçom!
Fora a bandeira espanhola!
----- -------- AUTHOR: da Cultura TITLE: Amig@s da Cultura apoia a Marcha contra Celuloses convocada pola APDR para o sábado 2 de junho BASENAME: amig-s-da-cultura-apoia-a-marcha-contra-celuloses-convocada-pola-apdr-para-o-sabado-2-de-junho DATE: Tue, 29 May 2012 04:28:22 +0000 STATUS: publish PRIMARY CATEGORY: novas CATEGORY: TAGS: ----- BODY:
Como todos os anos este sábado 2 de junho terá lugar a já tradicional marcha contra ENCE convocada pola APDR que sairá às 19:30 das Alamedas de Marim e Ponte Vedra.
Desde Amig@s da Cultura apelamos a umha participaçom maciça na mobilizaçom para que se ouça alto e claro o nosso berro de
A Ria é nossa e nom de Celuloses.
ENCE feche já!
Amigas da Cultura apela a participaçom conjunta do reintegracionismo de base o vindouro 17 de Maio na manifestaçom nacional que decorrerá no dia 17 de maio, Dia das Letras, nas ruas de Compostela.
Participa no Bloco Laranja!
Saída às 12 da estatua das Marias
A seguir reproduzimos o manifesto conjunto:
----- -------- AUTHOR: da Cultura TITLE: Obervaçom astronómica... terceira tentativa BASENAME: title-486 DATE: Sun, 06 May 2012 09:21:15 +0000 STATUS: publish PRIMARY CATEGORY: novas CATEGORY: TAGS: ----- BODY:A língua por bandeira: Na Galiza, só em galego!
Pola Oficialidade Única do GalegoA defesa do galego por parte de todos e todas as habitantes do nosso país é a melhor e a mais efetiva maneira de afirmarmos o direito coletivo a sermos o que sempre fomos: galegos e galegas.
A perseguiçom do direito fundamental a vivermos na nossa língua, protagonizada por todas e cada umha das instáncias oficiais da institucionalidade espanhola, é a melhor prova de até que ponto existe umha planificaçom por parte do Estado espanhol para a desapariçom da Galiza como realidade diferenciada e com direito à existência.
O anterior é certo e visível no dia a dia de todos e todas nós. Os mecanismos de poder lingüístico mantenhem-se em maos do espanholismo de maneira inegociável para eles. A açom desgaleguizadora nom se reduz às etapas de governos do PP, por mais que essa força política represente a expressom mais crua da barbárie espanhola.
Esses mesmos mecanismos lingüicidas estám presentes nas instituiçons governadas por todas as forças do espanholismo, ?duro? e ?brando?, e atuam de maneira decidida, favorecendo e favorecendo-se, em simultáneo, da desarticulaçom da comunidade lingüística galega.
Concelhos, deputaçons, governo autónomo, organismos de justiça, ensino público e privado, meios de comunicaçom, poderes económicos... todos eles som expressons dos interesses oligarquia espanhola dominante e contam com a vergonhosa colaboraçom da classe dirigente galega, vendida e renegada.
Hoje é bem visível o resultado da cooficialidade ?outorgada? pola Constituiçom espanhola de 1978, que só marcou umha nova fase do histórico processo de assimilaçom. Desta vez em nome do bilingüismo, preparou o terreno para a liquidaçom definitiva do galego, que hoje está mais próxima do que nunca estivo.
A resistência que no plano lingüístico sempre nos caraterizou, e que nos permitiu mantermos esse património milenar que é a língua, corre hoje mais risco que nunca de ser varrido polos poderosos meios de propaganda e restantes ferramentas com que conta o projeto nacional espanhol para conseguir o seu objetivo final: deixar a Galiza sem fala, convertê-la em mais umha regiom espanhola rendida e desarmada.
A resposta tem que estar à altura da agressom. Devemos promover e articular a unidade de todos os setores conscientes e defensores da nossa identidade lingüística; devemos praticar e exercer dia a dia, em cada cidade e em cada vila, o direito a viver e organizar-nos em galego; mobilizar-nos e denunciar cada nova agressom, mantendo sempre em alto a bandeira que melhor representa o que ainda somos: galegos e galegas.
Querem converter o galego em língua marginal e estrangeira na própria pátria: defendamos a sua centralidade em toda atividade social, sem concessons.
Querem que o galego seja umha fala regional, ?autonómica? e dependente do todo-poderoso espanhol: afirmemos e pratiquemos a unidade lingüística galego-luso-brasileira, pois o galego fai parte de um amplo espaço lingüístico internacional e nom podemos desperdiçar o que isso supom.
Querem converter o conflito lingüístico num assunto institucional, decidido polas maiorias e minorias parlamentares: levemos o conflito às ruas e situemos o galego por cima de qualquer fracionalismo partidista e eleitoreiro. O galego é o primeiro!
Querem que assumamos o bilingüismo oficial e desequilibrado como inevitável, sabendo que o tempo joga a favor do espanhol: exerçamos a nossa soberania lingüística, reivindicando a Oficialidade Única do galego numha Galiza soberana.
Querem que assumamos o espanhol e, através dele, que assumamos Espanha. Respondamos promovendo e galeguizando todo o tipo de projetos sociais, públicos e comunitários: escolas, centros sociais, produçom cultural, música, luita social, política e sindical... todo ao serviço do nosso principal sinal de identidade coletiva, todo ao serviço de umha Galiza livre e em galego.
O sábado 12 de Maio Amigas da Cultura e a "Asociación Astronómica Sirio de Pontevedra" organizamos umha visita ao observatório astronómico de Cotobade.
Será a partir das dez da noite, com saída desde Ponte Vedra.
Para apontar-se ligar nos telefones:
657 745 075 (Xoán) - 650 359 046 (Anjo)
ou no mail amigasdacultura@gmail.com
O dia e hora som susceptíveis a mudanças de última hora dependendo das condiçons atmosféricas.
Cá podedes descarregar um mapa com as instruçons de como chegar até o observatório:
OACchegar.pdf
Acompanhad@s por Pepe Álvarez, historiador e membro da Associaçom Cultural Cedofeita de Leres, começamos o roteiro na Junqueira da Gándara, umha zona de importante valor ambiental e económico como terreno comunal que foi parcialmente aterrada na década de 70. Pepe Álvarez lembrou a luita vicinal contra o projeto da patronal de ASEMPO, continuadora doutras luitas contra o aproveitamento privado da Junqueira existentes na paróquia desde o século XIX.
Também pudemos falar e comprovar a riqueza de fauna e flora da Junqueira, onde entre outras podemos encontrar até 43 espécies de borboletas e mais de 120 espécies diferentes de aves.
Já noutras zonas de Leres cohecimos o seu património arquitectónico e patrimonial, com destaque para o mosteiro de Leres ou cruzeiros como o do lugar do Cruzeiro, recolhido por Castelao em "As cruzes de pedra na Galiza".
Na última parte do percorrido visitamos o recentemente restaurado local da "Juventud Lerezana", hoje da Comunidade de Montes de Leres. Nele pudemos falar da repressom fascista desatada nesta paróquia desde 1936 contra agraristas, comunistas ou socialstas. Nom por casualidade, posto que era umha das mais luitadoras e reivindicativas de Ponte Vedra desde o século XIX. Por pôr um exemplo, em 1896 funda-se a Sociedade de Agricultores de Leres, a primeira da Galiza e de carácter abolicionista.
O domingo 15 de Abril faremos um roteiro pola paróquia de Leres para conhecer parte da sua história e gentes.
Sairemos desde a imprensa provincial às 11:00h.
Visitaremos os seguintes lugares: Magueiro, a Junqueira da Gándara, a Via Romana XIX, o cruzeiro do Cruzeiro, o cruzeiro do Santo, o Caminho velho, os Locais da?Juventud Lerezana e Caixa Rural?, o Mosteiro, etc.
O roteiro é de dificuldade baixa e terá umha duraçom aproximada de 2 horas.
Para finalizar a jornada haverá um jantar, ao que cumpre apontar-se com antecedência, bem ligando para o 650 359 046 ou bem no correio amigasdacultura@gmail.com.
----- -------- AUTHOR: da Cultura TITLE: 29-M Greve Geral: Tod@s à rua!!! BASENAME: 29-m-greve-geral-tod-s-a-rua DATE: Tue, 27 Mar 2012 16:09:47 +0000 STATUS: publish PRIMARY CATEGORY: novas CATEGORY: TAGS: ----- BODY:
A A.C. Amig@s da Cultura apoia a convocatória de Greve Geral na Galiza por parte das centrais sindicais perante a enéssima contrarreforma laboral e os cortes nos serviços públicos que os governos do PP estám a aprovar.
Umha reforma laboral que dá aos patrons todo o poder no ámbito das relaçons laborais, que fai perder direitos à classe trabalhadora e nos retrotrae muitas décadas atrás. O governo espanhol, às ordens da UE, quer volver ao escravismo assalariado puro e duro e cargar nas costas da maioria social a crise do sistema capitalista.
Umha crise que também é a escusa que Rajoy e Feijóo empregam para realizar contínuos cortes na sanidade, no ensino e nos serviços sociais. Dim que nom há alternativa mas mentem, sim que as há, mas no fundo o que pretendem é dar mais um passo face a privatizaçom total de todo o público.
Contra todos estes ataques sem precedentes devemos perder o medo e secundar a greve. Temos que reagir e dar início a um contraataque que os faga recuar. Se nom o futuro que nos aguarda só traerá mais precariedade, pobreza, perda de direitos e liberdades. Nom podemos consentir que nos convirtam em escrav@s enquanto umha ínfima minoria se volve a cada dia mais e mais rica.
Ponte Vedra, março de 2012
----- -------- AUTHOR: da Cultura TITLE: Em defesa do rio Gafos BASENAME: em-defesa-do-rio-gafos DATE: Wed, 07 Mar 2012 16:43:12 +0000 STATUS: publish PRIMARY CATEGORY: novas CATEGORY: TAGS: ----- BODY:
Da Associaçom Cultural Amig@s da Cultura queremos expressar o nosso rejeitamento ao projeto de Parque Logístico Ponte Vedra-Vila Boa que a Junta da Galiza propom no seu Plano Setorial de Ordenaçom de Áreas Empresariais.
Somamo-nos assim às vozes que já se posicionárom em contra de um porto seco que conleva a destruiçom do rio Gafos e dos seus valores naturais e histórico-culturais, com destaque para a associaçom Vaipolorio cujo trabalho em defesa do Gafos é bem conhecido por toda a vizinhança e que acaba de apresentar alegaçons ao projeto.
Este ?parque logístico?, que ocuparia o Gafos num treito que inclue parte das paróquias de Tomeza e Bértola, vai em contra da possível declaraçom como Espaço Natural de Interesse Local (ENIL) e botaria a perder o processo de recuperaçom do rio, que especialmente na sua parte mais urbana ainda está longe de finalizar.
Por todo isto exigimos umha rectificaçom por parte do governo autonómico que suponha a retirada do projeto.
Ponte Vedra, março de 2012
----- -------- AUTHOR: da Cultura TITLE: Projeçom do documentário "Sete Caminhos, encruzilhada do tempo" BASENAME: title-451 DATE: Wed, 11 Jan 2012 17:43:47 +0000 STATUS: publish PRIMARY CATEGORY: novas CATEGORY: TAGS: ----- BODY:
As/Os companheir@s da comissom técnica do Espaço Arqueológico e Natural dos Sete Caminhos, projeto que a nossa associaçom apoia, informam-nos da estreia do documentário "Sete Caminhos, encruzilhada do tempo" esta sexta-feira, às 20:30, no Teatro Principal.
Animamos-vos a assistir!
----- -------- AUTHOR: da Cultura TITLE: ADIADA VISITA AO OBSERVATÓRIO DE COTOBADE BASENAME: adiada-visita-ao-observatorio-de-cotobade DATE: Wed, 11 Jan 2012 12:26:53 +0000 STATUS: publish PRIMARY CATEGORY: novas CATEGORY: TAGS: ----- BODY:Informam-nos desde o observatório de problemas com o telescópio que impedem a realizaçom da atividade para este sábado. Aguardamos que no praço mais breve possível se arranje o pormenor. Avisaremos a todas as pessoas que estavades apontadas da nova data enquanto for possível.
----- -------- AUTHOR: da Cultura TITLE: Observaçom astronómica BASENAME: title-448 DATE: Fri, 23 Dec 2011 08:50:56 +0000 STATUS: publish PRIMARY CATEGORY: novas CATEGORY: TAGS: ----- BODY:
O sábado 14 de Janeiro de 2012 Amigas da Cultura e a "Asociación Astronómica Sirio de Pontevedra" organizamos umha visita ao observatório astronómico de Cotobade.
Será a partir das oito da tarde, com saída desde Ponte Vedra.
Para apontar-se ligar nos telefones:
657 745 075 (Xoán) - 650 359 046 (Anjo)
ou no mail amigasdacultura@gmail.com
O dia e hora som susceptíveis a mudanças de última hora dependendo das condiçons atmosféricas.
Cá podedes descarregar um mapa com as instruçons de como chegar até o observatório:
OACchegar.pdf
Aí vam algumhas fotos do I Roteiro da Pantalha, que decorreu em Cerdedo o passado sábado 19. O tempo respeitou as perto de 50 ánimas da Companha, polo que pudêrom percorrer os caminhos de Cerdedo, Revolta ou Cavenca sem problemas até finalizar o seu percurso na Veiga das Almas.
Na Veiga das Almas da Irmandade Druídica Galaica realizou em esconjuro com o que nos asseguramos de que o mau arda e fique longe de nós durante todo o ano.
E ainda houvo tempo para acabar a noite em boa companha, desfrutando de umha boa ceia em Pedre (obrigad@s a Casa Florinda) e dos contos de medo e mistério.
Obrigad@s a tod@s @s que assististes e até o vindouro mês de Shamaim!
O vindouro sábado, 19 de Novembro, às 21:00, convidamos-vos ao I Roteiro da Pantalha que percorrerá os caminhos, os bosques e as aldeias de Cerdedo (Terra de Montes)
A Pantalha sairá desde o cemitério de Cerdedo, passando pola Torrente, ponte e ermida de Santo António, aldeias da Revolta e Cavenca, caminho do Rapenlo, ponte dos Portamuinhos, até as Veighas das Almas.
Nas Veighas das Almas, esconjuro arredor do lume ao cargo da Irmandade Druídica Galaica.
Imprescindível: aparelhos de iluminaçom, a ser possível tradicionais: faróis, candelejas, círios, cabaças talhadas... Nom se desbota qualquer outra caracterizaçom (respeitando a tradiçom).
Após a caminhada, ceia e contacontos em Casa Florinda, Pedre (986 753 180)
Apontar-se antes do dia 15 telefonando para:
687 642 430 (Calros Solla) ou 650 359 046 (Anjo Torres)
ou no mail amigasdacultura@gmail.com
15 euros ? Vagas limitadas
A Associaçom Cultural Amig@s da Cultura apoia a manifestaçom convocada pola APDR para o vindouro 21 de outubro em contra da possível renovaçom das Autorizaçons Ambientais Integradas a esse cancro que, para Ponte Vedra e para toda a Galiza, supom o complexo contaminante ENCE-Elnosa.
Temos umha nova ocasiom de demonstrar que a maioria da vizinhança da Ria de Ponte Vedra está em contra da permanência das duas fábricas em Louriçám, que nom queremos esperar a que a concessom acabe em 2018, que ENCE e Elnosa devem ser fechadas já, porque há razons para denegar-lhes a renovaçom das AAIs e porque seguem a ser umha condena para o meio ambiente, para a pesca e o marisqueio ou para umha exploraçom racional dos recursos florestais.
Sabemos que o mais provável é que nom o faga... mas a Junta do PP tem a possibilidade ainda de arranjar o grave erro que foi a primeira aprovaçom das AAIs polo bipartido PSOE-BNG. Umha aprovaçom que, nunca está de mais lembrá-lo, foi a culminaçom da traiçom cometida por um ?governo progressista? que, contra as suas promessas, consolidou o complexo ENCE-Elnosa em lugar de fechá-lo, e aliás fijo-o com umhas autorizaçons ambientais manifestamente ilegais e feitas à medida de duas empresas incapazes de cumprir a legislaçom ambiental.
Só mantendo o pulso da mobilizaçom popular, da luita iniciada há décadas, temos possibilidades de atingirmos a vitória e podermos recuperar Louriçám e a Ria de Ponte Vedra, agora mesmo sequestradas por ENCE e Elnosa e vítimas do seu terrorismo ambiental.
Ponte Vedra, outubro de 2011
----- -------- AUTHOR: da Cultura TITLE: Apresentaçom da curta-metragem "A Fraternidade dos Cíclopes" BASENAME: apresentacom-da-curta-metragem-a-fraternidade-dos-ciclopes-a-8207 DATE: Mon, 10 Oct 2011 16:59:52 +0000 STATUS: publish PRIMARY CATEGORY: novas CATEGORY: TAGS: ----- BODY:
A vindoura terça-feira 11 de Outubro apresentaremos a curta-metragem "A Fraternidade dos Cíclopes" de Augusto Fontám.
Terá lugar às 20 horas na Baiuca "A Viúva" de Campanhó.
Sinopse
É tempo de natal e na rua o povo festeja a "natividade", a hipocrisia fai-se evidente nos fogares das famílias "católicas".
Um grupo de amigos pontevedreses, que nom se viram em trinta anos, regressam à vila e juntam-se para jant...ar, convidados por um deles que ficara desde cativo em Ponte vedra.
Falam da amizade, das traiçons, do "olho por olho", da falta de trabalho, das frustraçons, das decepçons, do compromisso com a Galiza, dos desenganos, das suas vidas, do desarrolhismo da sociedade cara a sua destruiçom, do "olho a olho o mundo vai ficar cego", dos desastres ecológicos, dos tsunamis, do acidente nuclear no Japom, da contaminaçom exercida pola Celulose sobre a ria e a vila... E os sentimentos afloram -a fraternidade fai-se evidente.
Umha vez rematado o jantar, na sobremesa, o organizador do encontro, ergue-se e fai um peculiar brinde: "pola juventude deixada atrás!" -manifesta; Levanta o seu copo sendo correspondido polos presentes, logo recolhe da mesa umhas tenazas das de partir os mariscos e ...........
O resto deixamo-lo à vossa imaginaçom.
Ficha Técnica
Actor convidado
Miro Magarinhos
Figurantes
Afonso Diaz (Foni)
... Afonso Dominguez
Marisa Vilha
Afonso Lima (Pindoulo)
Xavier Castro
Coca Quintans
Sema Vilha
Guilherme Paços
Bea Aguirre
Mikel Betagarri
CREDITOS
Operador de câmara
Nacho Limetre
Ajudante de operador de câmara
Guilherme Paços
Assessor musical
Afonso Diaz (Foni)
Correçom lingüistica
Anjo Torres Cortiço
Da A.C. Amig@s da Cultura convidamos-vos a participar na Subida ao Monte do Seixo que decorrerá o vindouro 27 de agosto (sábado). Será umha visita reivindicativa e festiva à Montanha Mágica quando se cumprem dez anos desde a instalaçom do parque eólico na mesma.
Combinaremos às 10h na Igreja de Cerdedo para, em carros, subirmos até o Seixo. Ali, além de um realizarmos um roteiro (de dificuldade baixa), também haverá tempo para diferentes atividades como o ritual do Lugnasad, jogos populares e a procura do tesouro.
Jantaremos também no monte (cada quem tem de levar a sua comida). Em caso de nom fazer bom tempo para jantar ali, faremo-lo no bar O Meu Lar (Cerdedo).
FORA O PARQUE EÓLICO!
Organiza: o Rato Rabisaco
Apoiam: Asociación Pola Defensa da Ría (Ponte Vedra), Asociación de Mulleres Espadela (Cerdedo), A.C. Canón de Pau (Cotobade), A.C. Trentinán (A Lama), Verbo Xido (Terra de Montes),
Amig@s da Cultura (Ponte Vedra),Vaipolorio (Ponte Vedra), CS Lume! (Vigo), Instituto Galego de Estudos Célticos
Para mais informaçom ligade para o 650 359 04
Mais um ano chegam as festas da nossa cidade e da Associaçom Cultural Amig@s da Cultura queremos dar a conhecer a nossa opiniom sobre alguns aspectos da programaçom de festas apresentada polo Concelho.
Em primeiro lugar consideramos que a presença da língua galega nas festas é mui escassa, algo que é especialmente evidente (ainda que se fai extensivo a outras atividades) nos concertos onde, mais um ano, só há umha artista a empregar o nosso idioma. Como se nom houvesse hoje bandas e artistas na Galiza que empregam o galego nos mais variados estilos musicais e com grande qualidade, por nom falar no conjunto de países de fala galego-portuguesa. Mas nom, como sempre recorre-se aos artistas de moda da indústria musical espanhola. Pouca confiança demonstram BNG e PSOE na potencialidade da cultura galega e nulo trabalho fam assim no eido da normalizaçom lingüística.
Tampouco concordamos com o facto de os programas de festas editados polo Concelho recolherem celebraçons religiosas como missas ou procissons católicas. A Cámara Municipal tem que guiar-se polo mais firme laicismo e nom pode dar privilégios a umha confissom religiosa sobre as outras nem ofender as pessoas que nom acreditam em nengumha fé ou que, tendo-a, defendem o necessário laicismo das instituiçons públicas.
Neste aspecto também exigimos que a Deputaçom provincial deixe de promocionar as celebraçons católicas e de pôr publicidade na propaganda das mesmas. Mais umha vez, o PP mostra a sua face nacional-católica e integrista, a sua conivência com umha instituiçom opressora, patriarcal, homófoba e totalitária.
Finalmente achamos que o modelo de festas do Concelho segue a ser pouco participativo, nom está o suficientemente aberto à implicaçom das associaçons culturais ou vicinais, e segue a promocionar um lazer mais passivo que ativo, um produto de consumo mais que umha atividade comunitária criadora de identidade e cultura.
Ponte Vedra 100% em galego!
Ponte Vedra, agosto de 2011
----- -------- AUTHOR: da Cultura TITLE: Lástima de bois! BASENAME: lastima-de-bois DATE: Thu, 04 Aug 2011 17:51:47 +0000 STATUS: publish PRIMARY CATEGORY: novas CATEGORY: TAGS: ----- BODY:
A Associaçom Cultural Amig@s da Cultura quer expressar o seu apoio à manifestaçom contra as touradas convocada por ?Touradas fora de Ponte Vedra? e que decorrerá o vindouro sábado, 13 de agosto, partindo da praça da Peregrina às 20h.
É positivo que, mais um ano, Ponte Vedra mostre o seu rejeitamento a este espectáculo grotesco e bárbaro, alheio à nossa cultura e difusor de uns valores indefendíveis e rançosos. Um rejeitamento que sabemos que é maioritário, apesar do que ano após ano os meios de comunicaçom locais pretendem fazer ver o contrário. Mas já sabemos que os interesses económicos que há por trás das touradas som, para alguns, mais importantes do que a ética e a razom mais elementares.
Por desgraça nom som os únicos apoios que os empresários das touradas tenhem. As distintas administraçons ajudam, de maneira mais ou menos directa, à promoçom do macabro show. Nom é tolerável que a Deputaçom do PP dê dinheiro público para as touradas ou para as ?penhas?, nom é defendível que o governo municipal BNG-PSOE promocione as touradas dentro do programa de festas ou ceda espaços públicos para a publicidade das mesmas (privilégio que ninguém mais tem). Nom é assumível que a Junta da Galiza, também nas maos do PP, siga sem modificar a legislaçom para impedir de umha vez a continuidade deste nojento negócio.
A luita contra as touradas nom é nova na Galiza nem em Ponte Vedra. Já na década de 80, a nossa associaçom participou nas mobilizaçons pioneiras que se organizárom na nossa cidade. A consciência social contra umha das formas mais detestáveis de maltrato animal está a crescer, e outros países como Catalunha e Canárias já estám livres desta lacra. Galiza deve ser a seguinte.
Ponte Vedra, agosto de 2011
----- -------- AUTHOR: da Cultura TITLE: Sem escusas nem trampas, ENCE-Elnosa fora já! BASENAME: title-396 DATE: Tue, 07 Jun 2011 10:37:52 +0000 STATUS: publish PRIMARY CATEGORY: novas CATEGORY: TAGS: ----- BODY:
A A.C. Amig@s da Cultura apoia a Marcha que a APDR convoca polo feche do complexo ENCE-Elnosa o vindouro 11 de junho. Também apoiamos a sua reivindicaçom de que nom sejam renovadas as Autorizaçons Ambientais Integradas, posto que, com os dados oficiais na mao, incumprem a legislaçom em matéria de contaminaçom, polo que nom podem continuar a sua atividade incumprindo a lei.
Está já claro que as duas empresas nom querem abandonar Louriçám, é mais, nom assumem que nom podem seguir a partir de 2018 e pressionam à Junta do PP e ao Ministério de Meio Ambiente (PSOE) para que se saltem as leis e permitam a sua continuidade renovando-lhes a concessom com a que levam décadas estragando a ria desde que o regime franquista, pola força e a base de paus, impujo a sua instalaçom.
A crise capitalista nom pode ser umha excusa para tentar manter estas empresas em Ponte Vedra. É necessário já um plano para a recolocaçom laboral dos trabalhadores e trabalhadoras de ENCE e Elnosa, mas nem a Junta nem o Ministério falam disto nem dam passos nessa direçom, tam só procuram comprazer os proprietários das empresas.
Em teoria existe consenso sobre a nom continuidade do complexo no seu empraçamento atual, mas nom podemos confiar-nos porque nom seria a primeira vez que os políticos se pregam aos interesses da empresa, passando por cima da vontade popular maioritária e das suas promessas eleitorais. Nom esqueçamos que o anterior bipartido PSOE-BNG, que ?ia tirar ENCE da ria?, ajudou à sua continuidade renovando as AAI.
ENCE e Elnosa continuam a contaminar, a prejudicar a nossa saúde e danar o nosso entorno. Nem sequer as provas oficiais podem maquilhá-lo, apesar de serem feitas polas próprias empresas e nom pola Junta nem por organismos independentes.
Mas o problema principal do complexo ENCE-Elnosa, como denuncia o ecologismo coerente, é que está a impedir um outro modelo económico, tanto na nossa ria como em boa parte da Galiza. Na ria de Ponte Vedra porque prejudica o setor do marisqueio e da pesca. No conjunto do país porque ao promover o monocultivo do eucalipto, que necessita e depende da pasteira, reforça a tendência ao abandono e à morte do rural e os incêndios florestais, enquanto é um obstáculo para um outro uso do monte e dos seus recursos e para fazer viável um rural vivo.
Por todo isto apoiamos sem duvidá-lo a luita contra o complexo ENCE-Elnosa. A mobilizaçom popular é vital para conseguir o feche da pasteira, e agora mesmo mais que nunca. Nos próximos anos decidirá-se o resultado final desta luita e do nosso esforço e implicaçom, nom das boas palavras dos responsáveis das administraçons, dependerá a vitória.
Ponte Vedra, junho de 2011
----- -------- AUTHOR: da Cultura TITLE: Apresentamos "O ano que chimpamos o cacique", de Calros Solla BASENAME: apresentamos-o-ano-que-chimpamos-o-cacique-de-calros-solla DATE: Fri, 20 May 2011 15:36:30 +0000 STATUS: publish PRIMARY CATEGORY: novas CATEGORY: TAGS: ----- BODY:
Ontem, acompanhad@s polo Xe Freire e o próprio Calros Solla, decorreu na Galeria Sargadelos a apresentaçom do livro "O ano que chimpamos o cacique. Crónica do agrarismo en Cerdedo".
Umha obra baseada nas informaçons recolhidas pola imprensa da época, em concreto polo jornal "Progreso" de Ponte Vedra, que recolhia dia a dia as notícias relacionadas com o destacado movimento agrarista e anticaciquil desenvolvido no concelho de Terra de Montes entre 1916 e 1923.
Um movimento enfrentado ao caciquismo dos "donos" da província de Ponte Vedra na altura, a família Riestra, e aos seus lacaios cerdedenses. Umha mostra de "épica galega" contra os falsos mitos fatalistas sobre o nosso povo, em palavras do investigador Xe Freire.
E umha obra necessária para compreendermos a atualidade de fenómenos como o do caciquismo, cuja continuidade até hoje em lugares como Cerdedo tem que continuar a ser denunciada e combatida.
Neste Dia das Letras continuamos com a agitaçom em defesa do idioma. Em diferentes pontos da cidade fôrom penduradas faixas com a legenda "Ponte Vedra 100% em galego" e, posteriormente, realizamos um ato público de denúncia dos ataques à língua levados avante pola Junta da Galiza.
O ato consistiu na clausura simbólica do prédio da Junta sediado no bairro de Campolongo, dado que a atuaçom do governo autonómico do PP está a ser a mais nociva e prejudicial para o galego de todos os governos havidos até o de agora na Galiza autonómica, algo inquestionável com medidas como o novo decreto do galego no ensino, a "Lei de Convivência nas Aulas" ou a eliminaçom da exigência do idioma para aceder à funçom pública.
O governo de Feijó, apoiado no ruído mediático provocado por setores minoritários, nom só derrogou as medidas (tímidas e escassas) do governo PSOE-BNG, mas também rachou com o hipócrita "bilingüismo harmónico" dos governos de Fraga. Agora está-nos a amossar qual é o verdadeiro programa do espanholismo em relaçom com a língua, fazer todo o possível para que o galego desapareça quanto antes.
É necessário por isso, mais do que nunca, a implicaçom ativa de todos e todas nós na defesa da língua. Disso dependerá que o galego poda cumprir mil primaveras mais.
Na Galiza, em galego!
----- -------- AUTHOR: da Cultura TITLE: Polícia espanhola impede realizar um mural pola língua BASENAME: title-390 DATE: Sun, 15 May 2011 22:34:46 +0000 STATUS: publish PRIMARY CATEGORY: novas CATEGORY: TAGS: ----- BODY:
Quatro agentes da polícia espanhola impedírom hoje a finalizaçom do mural em defesa da língua que, sob a legenda "Ponte Vedra 100% em galego", sóci@s e simpatizantes da nossa associaçom estavam a realizar em Molhavao, na estrada velha de Marim.
Depois de umha primeira visita de umha patrulha, que abandonou o lugar sem dizer que nom podíamos continuar com o mural, as "forças da ordem" voltárom com reforços. Desta vez sim "informárom" de que, por umha suposta chamada de um suposto proprietário de prédio em que o mural estava a ser feito, @s companheir@s nom podiam seguir com o mesmo.
Após ameaçarem com "tomar outras medidas" em caso de @s companheir@s voltarem para acabar o mural, os polícias ficárom no lugar inspeccionando o terreno em busca de nom se sabe que.
De Amig@s da Cultura denunciamos esta atuaçom da polícia espanhola. Duvidamos seriamente da sua versom e achamos que simplesmente pretendêrom evitar a realizaçom de um mural em defesa da língua, algo que para o Estado espanhol segue a ser perigoso e subversivo.
Aliás, como se pode observar nas fotografias, a parede em que o mural estava a ser feito pertence a um prédio abandonado e que se encontra em mui mal estado, sem qualquer valor arquitectónico ou histórico. De facto a parede está cheia de graffitis, pintadas e restos de antigos murais de carácter político.
Informamos desde já que o mural vai ser finalizado, quiger ou nom a polícia espanhola.
Ponte Vedra 100% em galego!
A vindoura segunda-feira 16 de maio, às 20h, e em colaboraçom com a Galeria de Arte "Novas Tendencias", inauguramos a exposiçom poético-pictórica "Olhos, rubis de cinco pontas", de Afonso Pindoulo e Augusto Fontám.
A exposiçom estará desde o 16 até o 31 de maio na Galeria de Arte "Novas Tendencias", situada na rua Sam Juliám, na Zona Velha da nossa cidade.
Através da poesia e da pintura, Afonso Pindoulo e Augusto Fontám fam umha denúncia dos olhos que nos vigiam para ter-nos controlad@s e submiss@s, e dos muros com os que pretendem atemorizar-nos e fechar-nos quando decidimos rebelar-nos. Arte comprometida e militante, nom contemplativa e inofensiva.
Estades tod@s convidad@s!
----- -------- AUTHOR: da Cultura TITLE: Apresentaçom de "O ano que chimpamos o cacique. Crónica do agrarismo en Cerdedo" de Calros Solla BASENAME: apresentacom-de-o-ano-que-chimpamos-o-cacique-cronica-do-agrarismo-en-cerdedo-de-calros-solla DATE: Tue, 10 May 2011 14:19:18 +0000 STATUS: publish PRIMARY CATEGORY: novas CATEGORY: TAGS: ----- BODY:
A vindoura quinta-feira, 19 de maio, convidamos-vos à apresentaçom do novo livro do Calros Solla, "O ano que chimpamos o cacique. Crónica do agrarismo en Cerdedo". Além do próprio Calros Solla acompanhará-nos Xe Freire, investigador e escritor mindoniense.
O ato terá lugar na Galeria Sargadelos a partir das 20h e servirá para apresentar publicamente a coleçom de livros "Cerdedo in the Voyager", editada por Edicións Morgante.
"O ano que chimpamos o cacique. Crónica do agrarismo en Cerdedo" recupera e reivindica a luita agrarista e anticaciquil desenvolvida polos labregos e labregas deste concelho da comarca de Terra de Montes durante as primeiras décadas do século passado. Umha época na que o agrarismo era um dos movimentos sociais mais fortes e destacados no nosso País.
----- -------- AUTHOR: da Cultura TITLE: Crónica do roteiro polo Gafos BASENAME: fotos-do-roteiro-polo-gafos DATE: Mon, 14 Mar 2011 12:38:31 +0000 STATUS: publish PRIMARY CATEGORY: novas CATEGORY: TAGS: ----- BODY:
Graças à trégua que nos deu a chuva deste fim-de-semana, ontem pudemos percorrer umha parte do rio dos Gafos, um dos muitos nomes que o rio tem desde o seu nascimento em Figueirido até a sua desembocadura na Moureira.
Acompanhad@s e guiad@s por companheiros de Vaipolorio, e polo Calros Solla, pudemos conhecer os problemas ambientais que o rio padece atualmente, especialmente nalgumhas partes do mesmo, derivados de vertidos incontrolados ou da construçom do caminho-de-ferro para o AVE.
E também o seu património em fauna e flora ou em arquitectura popular (o moinho de Cabanas, a ponte de Valentim...) e cultura imaterial (e lenda da poça da Moura).
Animamos a Vaipolorio na sua luita em defesa do rio dos Gafos e aproveitamos para reivindicar, nós também, a recuperaçom do rio no seu tramo mais urbano, descubrindo-o no bairro de Campolongo e solucionando os problemas de vertidos que padece continuamente sem que as administraçons procurem umha soluçom definitiva.
O domingo 13 de março organizamos um roteiro polo rio dos Gafos acampanhad@s por Gonzalo Sancho e Juan Ramón López, membros do colectivo ambientalista Vaipolorio, e por Calros Solla, autor do livro "Andar primeiro de río. Inmateriais do río dos Gafos". Teremos a oportunidade de conhecer aspectos como a fauna, a flora, a situaçom ambiental ou elementos da cultura imaterial relacionada com o rio e as terras que percorre.
O roteiro partirá às 10 da manhá desde a Estaçom de Autocarros e terá umha duraçom aproximada de 3 horas. Para apontar-vos podesdes ligar para o 650 359 046 ou enviar um correio-e a amigasdacultura@gmail.com
Vem conhecer o Gafos!
----- -------- AUTHOR: da Cultura TITLE: Salvemos o Estaleiro! BASENAME: sos-estaleiro DATE: Sat, 12 Feb 2011 16:32:59 +0000 STATUS: publish PRIMARY CATEGORY: novas CATEGORY: TAGS: ----- BODY:
Amig@s da Cultura apoia a concentraçom convocada pola Coordenadora pola Defesa do Estaleiro de Purro, na Banda do Rio (Bueu).
A concentraçom será o vindouro sábado, 19 de fevereiro, às 17h junto ao próprio estaleiro, último exemplo de umha carpintaria de ribeira na Ria de Ponte Vedra e umha das poucas que ficam na Galiza conservando quase o seu estado original.
A conservaçom do estaleiro, e com ela a de um importante símbolo da cultura popular marinheira, está em perigo polo desleixo e falta de vontade das diferentes administraçons e pola errada visom de quem prefere derrubá-lo em nome do "progresso". Por isso é importante a mobilizaçom social que garanta a conservaçom e continuidade do mesmo.
Esta quinta-feira, 27 de janeiro, o povo trabalhador galego está convocado a umha Greve Geral Nacional, umha jornada de luita contra a reforma das pensons que pretende aprovar o governo espanhol do PSOE e, em geral, contra as suas políticas antipopulares e favorecedoras dos interesses de empresários e banqueiros.
A nossa é umha associaçom cultural, mas nom vivemos isolados e isoladas do que sucede ao nosso arredor nem entendemos a cultura como algo ?neutro? nem ?assético?. Temos um compromisso com o nosso povo e as suas luitas e é por isso polo que nos somamos às organizaçons, associaçons e colectivos de todo o tipo que apoiam esta Greve Geral.
A mobilizaçom do 27-J é justa e necessária, nom podemos permitir que com o pretexto da atual crise capitalista, que a maioria social nom provocamos, o governo do PSOE, fiel lacaio da burguesia, continue a aprovar reformas e a tomar decissons que suponhem umha clara perda de direitos sociais e laborais conquistados após décadas de duras luitas travadas pola classe obreira. E todo isto com a colaboraçom dos sindicatos corruptos e amarelos CCOO e UGT.
A Greve Geral Nacional tem que ser um êxito que demonstre mais umha vez a capacidade e vontade de luita do nosso povo (frente a todos os falsos tópicos do espanholismo) e que permita iniciar umha ofensiva mobilizadora que detenha as políticas antiobreiras de qualquer governo, atual ou futuro, e alcançar novas conquistas sociais com o horizonte posto numha alternativa ao caos e à injustiça capitalistas.
Ponte Vedra, 24 de janeiro de 2010
----- -------- AUTHOR: da Cultura TITLE: Decorreu projecçom de "Crónicas da Galiza Mártir" BASENAME: decorreu-projeccom-de-cronicas-da-galiza-martir DATE: Thu, 20 Jan 2011 13:57:43 +0000 STATUS: publish PRIMARY CATEGORY: novas CATEGORY: TAGS: ----- BODY:
O Teatro Principal acolheu ontem a projecçom do documentário "Crónicas da Galiza Mártir", actividade organizada pola nossa associaçom conjuntamente com Sempre con Vós e o Cineclube de Ponte Vedra.
O filme foi apresentado polo seu realizador, Xan Leira, quem definiu a repressom desatada polo fascismo espanhol contra o povo galego como um auténtico genocídio. Um genocídio que buscava varrer o processo de autoorganizaçom popular que se estava a produzir nos anos prévios a 1936, e cujas consequências continuam a ser palpáveis a dia de hoje.
Posteriormente o historiador Xosé Álvarez completou a jornada com umha palestra na que apresentou os principais factos relacionados com a repressom franquista em Ponte Vedra, como os métodos repressivos utilizados, quem fôrom as vítimas desta repressom e quem fôrom os repressores (com destaque para a Guardia Cívica e personagens sinistros como Víctor Lis Quibén). Umha informaçom que também podemos encontrar no blogue "Ponte Vedra nos anos do medo".
----- -------- AUTHOR: da Cultura TITLE: Projecçom de "Crónicas da Galiza Mártir" BASENAME: projeccom-de-cronicas-da-galiza-martir DATE: Tue, 28 Dec 2010 13:39:53 +0000 STATUS: publish PRIMARY CATEGORY: novas CATEGORY: TAGS: ----- BODY:
O vindouro 19 de Janeiro, conjuntamente com "Sempre con Vós" e o Cineclube de Ponte Vedra, organizamos a projecçom do documentário de Xan Leira Crónicas da Galiza Mártir, que descreve e denuncia, através de testemunhas directas, a metodologia repressiva do terrorismo de Estado e Genocídio implantada na Galiza desde o alçamento fascista de 1936.
Após o documentário terá lugar umha palestra e colóquio arredor da repressom em Ponte Vedra, ministrada polo historiador Xosé Álvarez.
A actividade será no Teatro Principal e começará as 20:00.
Estades tod@s convidad@s!
----- -------- AUTHOR: da Cultura TITLE: Crónica do roteiro dos Sete Caminhos BASENAME: cronica-do-roteiro-dos-sete-caminhos DATE: Mon, 29 Nov 2010 12:17:14 +0000 STATUS: publish PRIMARY CATEGORY: novas CATEGORY: TAGS: ----- BODY:
Ontem, e depois de dous intentos, o tempo deixou-nos fazer o anunciado roteiro polo Espaço Natural e Arqueológico dos Sete Caminhos. Acompanhad@s polo arqueólogo e promotor deste projecto, Lukas Santiago, percorrimos os montes onde se unem as paróquias de Louriçám, Salzedo e Sam Juliám e os concelhos de Ponte Vedra e Marim.
Pudemos comprovar a riqueza arqueológica desta zona, onde há petrógligos como os do "Regato dos Buratos", os da "Pedra do Fundamento" ou os de "Cachada do Velho" (este último, que fora recolhido no seu tempo por Manuel Murguia, considerava-se perdido mas foi encontrado de novo recentemente), ou mámoas como a de Louredo ou a do Catadoiro. Muitos destes restos arqueológicos estám ligados também a lendas e histórias transmitidas oralmente ao longo do tempo, polo que ao seu valor histórico engade-se o seu valor etnográfico e antropológico.
Por desgraça alguns destes restos fôrom destruidos ou danados nos últimos anos. Um exemplo é o da "Mámoa de Louredo", destruida na construçom da "aldeia afegá" que o exército espanhol chantou ilegalmente no monte comunal de Salzedo para que os militares treinem antes de participar na missom de saqueio e destruiçom que a OTAN dirige nesse país asiático desde 2001.
O mesmo exército espanhol que se passou a manhá controlando-nos e tirando fotos das pessoas que participávamos no roteiro, facto que achamos muito grave e queremos denunciar publicamente, posto que o assédio dos militares às pessoas que percorrem o monte é já um facto habitual desde que começou a luita vizinhal pola recuperaçom plena do monte comunal, parte do qual foi roubado polo Estado espanhol durante o franquismo para construir a actual base da BRILAT.
Um outro exemplo é o da "Mámoa do Catadoiro", que nom foi respeitada durante a instalaçom da Linha de Alta Tensom Louriçám-Cangas.
Além da riqueza histórica e patrimonial também pudemos desfrutar das formosas vistas da Ria de Ponte Vedra (com a ilha de Ons ou fundo) que se podem observar desde pontos como o Monte Pornedo (também conhecido como Pituco)
Embora também desde aqui se podam contemplar algumhas das agressons mais terríveis que suporta a ria, como o complexo ENCE-Elnosa ou o porto de Marim, parte do qual foi declarado ilegal em sentença judicial firme do Tribunal Supremo espanhol, sentença que a Autoridade Portuária de Marim-Ponte Vedra nom tem problemas em ignorar. Nom só nom cumpre com a sentença e retira os aterramentos ilegais, senom que começou a construir umha nova ampliaçom desses mesmos aterramentos.
Amig@s da Cultura quer denunciar todas estas agressons ao nosso património histórico e natural, as que já existem e as que ameaçam no futuro esta zona como o polígono industrial que a Cámara Municipal de Marim, dirigida por PSOE e BNG, quer construir no Monte Pornedo (catalogado como Espaço Protegido polas Directrizes de Ordenaçom do Território) e que suporia um novo golpe a todo este entorno em benefício dos de sempre.
Por isso apoiamos a alternativa apresentada pola comissom promotora do Espaço Natural e Arqueológico dos Sete Caminhos, umha alternativa que permitiria a recuperaçom natural e a posta em valor do património arqueológico e etnográfico deste entorno em benefício de toda a vizinhança.
Também queremos denunciar publicamente o desleixo das administraçons no cuidado e limpeza destes montes. Durante o roteiro pudemos encontrar, por exemplo, um vertedeiro ilegal de lixo ou um carro calcinado que leva semanas abandonado sem que o Concelho de Marim se digne a retirá-lo.
O roteiro polo Espaço Natural e Arqueológico dos Sete Caminhos fica para este domingo, 21 de Novembro (se o tempo nos deixa).
Sairemos do estacionamento do Recinto Feiral de Ponte Vedra às 9:30h. As e os que vos queirades apontar podedes fazê-lo ligando para o 650 359 046 ou enviando um correio-e a amigasdacultura@gmail.com
O roteiro previsto para este domingo polo Espaço Natural e Arqueológico dos Sete Caminhos adia-se, por causa do temporal previsto para este fim-de-semana, para o vindouro domingo 21 de Novembro. Informaremos nos vindouros dias dos horários definitivos.
Para mais informaçom podedes ligar para o 650 359 046 ou enviar um correio-e a amigasdacultura@gmail.com
----- -------- AUTHOR: da Cultura TITLE: Ponte Vedra em galego! BASENAME: ponte-vedra-em-galego DATE: Thu, 11 Nov 2010 11:03:43 +0000 STATUS: publish PRIMARY CATEGORY: novas CATEGORY: TAGS: ----- BODY:
A Associaçom Cultural Amig@s da Cultura de Ponte Vedra quer somar-se às vozes que están a manifestar o seu rejeitamento às declaraçons realizadas polo líder do PP local e candidato deste partido nas vindouras eleiçons municipais, Telmo Martim, nas que prometia eliminar o Serviço de Normalizaçom Lingüística do Concelho de Ponte Vedra.
Como associaçom que tem a defesa da língua como razom de ser, consideramos que esta ?promesa eleitoral? do senhor Martim é um ataque em toda regra ao galego, na linha que vem desenvolvendo historicamente, e especialmente nos últimos tempos, o Partido Popular. A demagogia sobre a ?austeridade? nom pode ocultar o que há de fundo nesta proposta, a atitude política do espanholismo mais recalcitrante que só olha na nossa língua nacional um obstáculo a eliminar quanto antes para alcançar Espanha uniforme que desejam.
Todo o que se faga para normalizar o nosso idioma é pouco, e a promoçom do galego em todos os ámbitos é umha obriga das instituiçons. Por todo isto exigimos a rectificaçom imediata e pública de Telmo Martim e do PP.
Na Galiza em galego!
10 de Novembro de 2010
----- -------- AUTHOR: da Cultura TITLE: Roteiro polo Espaço Natural e Arqueológico dos Sete Caminhos BASENAME: roteiro-polo-espaco-natural-e-arqueologico-dos-sete-caminhos DATE: Tue, 09 Nov 2010 16:10:52 +0000 STATUS: publish PRIMARY CATEGORY: novas CATEGORY: TAGS: ----- BODY:
Este domingo, junto com as companheiras e companheiros do Projecto de Espaço Natural e Arqueológico dos Sete Caminhos Caminhos, organizamos um roteiro que percorrerá as paróquias de Louriçám, Sam Juliám e Salzedo. Poderemos conhecer o importante património histórico e natural deste entorno e comprovar as agressons que o ameaçam na actualidade, como o polígono industrial previsto no Monte Pituco, a variante de Marim, a base da BRILAT ou a Linha de Alta Tensom Louriçám-Cangas.
Para apontar-te podes ligar para o 650 359 046 ou enviar-nos um correio electrónico a amigasdacultura@gmail.com
Bota-te ao monte!
----- -------- AUTHOR: da Cultura TITLE: Crónica e imagens da palestra sobre a Língua BASENAME: cronica-e-imagens-da-palestra-sobre-a-lingua DATE: Mon, 08 Nov 2010 16:29:06 +0000 STATUS: publish PRIMARY CATEGORY: novas CATEGORY: TAGS: ----- BODY:Como já vos anunciamos, o 28 de Outubro começamos umha nova jeira e para apresentá-la organizamos umha palestra sobre a situaçom da nossa língua na que, além do Domingos Antom Garcia, presidente de Amig@s da Cultura, participárom o presidente da AGLP, Martinho Montero Santalha, e a catedrática de Língua no IES Valle Inclán, Pilar Freitas.
Os dous conferenciantes e o público assistente pudêrom debater sobre quais som actualmente os reptos que o a nossa comunidade lingüística tem de superar para romper a dinamica tendente a umha morte silenciosa do idioma, reptos como a superaçom das políticas contrárias ao galego promovidas pola Junta da Galiza em ámbitos como o ensino, a reintegraçom no espaço lingüístico da Lusofonia ou a criaçom de ferramentas sociais que fagam avançar o processo de normalizaçom lingüística no nosso País.
----- -------- AUTHOR: admin TITLE: O galego na encruzilhada, perspectivas e alternativas BASENAME: o-galego-na-encruzilhada-perspectivas-e-alternativas DATE: Sat, 23 Oct 2010 08:05:47 +0000 STATUS: publish PRIMARY CATEGORY: novas CATEGORY: TAGS: ----- BODY:----- -------- AUTHOR: admin TITLE: A.C. Amig@s da Cultura BASENAME: a-c-amig-s-da-cultura DATE: Mon, 04 Oct 2010 16:20:07 +0000 STATUS: publish PRIMARY CATEGORY: novas CATEGORY: TAGS: ----- BODY:O galego na encruzilhada, perspectivas e alternativas
Quinta-feira 28 de Outubro · 20h. Sargadelos
- Domingos Antom Garcia Fernandes. Filósofo e presidente da A.C. Amig@s da Cultura
- Martinho Montero Santalha. Professor de Língua e Literatura Galegas na Universidade de Vigo
- Pilar Freitas. Catedrática de Língua no IES Valhe Inclám
AMIG@S DA CULTURA funda-se no ano 1967 e alcança na actualidade os 43 anos de existência. Entre os seus sócios fundadores encontravam-se membros da sociedade ponte-vedresa com profissons díspares e vontade de fomentar um associacionismo cultural que desse umha resposta à mordaça que o franquismo exercia sobre o povo galego. Era por aquela altura quando apareciam em toda a Galiza um conjunto de associaçons que conformárom a resistência galega à estratégia assimilacionista do Estado espanhol, como O Facho na Corunha, Auriense em Ourense, ou O Galo em Compostela?
Nestes anos iniciais, cumpre destacarmos entre os seus impulsionadores a presença de membros do Museu de Ponte Vedra, intelectuais e investigadores galegos, advogados, professores e profissionais independentes. Pessoas como Agostinho Portela (criador do anagrama de Amig@s da Cultura), J.L. Fontenla Rodrigues, Garcia Além, Filgueira Valverde, Fernando Cunharro Pintos ou Antom Bértolo Losada.
É salientável também o contributo do presidente durante a década de 70, José Luís Fontenla, na defesa do mundo da Lusofonia, contando por aquele entom com o apoio inestimável do professor Carvalho Calero, apoio que continuaria em anos posteriores.
Já na década de 80 começa umha nova fase ao descer a nómina de intelectuais (e pseudointelectuais) e crescer o número de trabalhadores/as independentes e obreiros/as entre os sócios e sócias e assim mesmo no órgao de direcçom da associaçom. Produziria-se umha mudança radical na mensagem que se queria transmitir ao passar de actividades puramente elitistas e de autoprestígio (conferências, prémios à gente ?da casa??) a outras mais populares e reivindicativas.
Nestes anos há umha actividade muito intensa que abrange ámbitos como a defesa do património histórico-artístico de Ponte Vedra e das comarcas de arredor. Sobressaem aqui, entre outras, as campanhas e mobilizaçons a favor das Palmeiras e contra a destruiçom da Alameda, a denúncia da devastaçom da aldeia de Pedre em Cerdedo (umha das mais representativas da arquitectura popular) ou a denúncia ao presidente da Cámara municipal Rivas Fontám. Umha actividade de denúncia permanente que implicou a perseguiçom de componentes da Junta Directiva e as multas por parte do Governo Civil espanhol.
Também há que lembrar a campanha para erguer o monumento a Castelao em 1982, feita por subscriçom popular. A recuperaçom de festas e tradiçons galegas, como no caso do mundo da música tradicional e dos gaiteiros ilustres através das Jornadas da Gaita, ou as festas dos Maios e da Cabaça. A acusaçom de personagens e instituiçons agressoras do nosso povo e a nossa cultura. A solidariedade com as paróquias de Ponte Vedra nas suas justas reivindicaçons. A criaçom de actividades em defesa da língua, como a I Carreira Popular e os prémios literários. A ajuda económica ao jornal A Nosa Terra (que se encontrava numha situaçom de asfixia económica) mediante a subscriçom de acçons e do arrecadado na venda de um quadro feito por Laxeiro para a campanha pró-monumento a Castelao. O posicionamento pioneiro na exigência de demoliçom do complexo de ENCE.
Amig@s da Cultura cria também galardons como o ?Moucho de Prata/Pola de Tojo? para dar umha resposta positiva e outra negativa às pessoas e organizaçons mais destacados/as na defesa, ou na aldragem, do nosso idioma e cultura, o prémio de economia e sociologia ?Alexandre Bóveda?, o prémio ?Suárez Picallo? para trabalhos jornalísticos em galego, que procuram contribuir para a normalizaçom lingüística na imprensa escrita ou o I Concurso de Banda Desenhada para potencializar os/as novos/as criadores/as galegos/as.
Após esta multitude de actividades chega a década de 90 e é entom quando se trata de iniciar um processo que garanta a continuidade da associaçom dando passagem a umha geraçom mais nova que assuma a responsabilidade do projecto. Mas também surgem conflitos na Junta Directiva, já que umha parte da mesma nom está pola necessária actualizaçom em diversos campos. Um exemplo disto é a curiosa resistência à informatizaçom da associaçom, mas por cima de todo as dificuldades postas a esse processo de renovaçom geracional quando o presidente, Augusto Fontám, defende em 1995 a entrada de jovens em postos de responsabilidade, embora finalmente sim se consiga, em parte, essa renovaçom geracional, ao sair eleito como novo presidente Vítor Acunha.
A estas diferenças engade-se umha outra nom menos importante arredor da orientaçom lingüística, com umha parte da associaçom partidária de assumir as teses do reintegracionismo e umha outra, de novo mais imobilista, defensora do isolacionismo e que é a que finalmente se impom.
As diferenças geracionais e lingüísticas, entre outras, dam lugar à conformaçom de um novo colectivo dentro de Amig@s da Cultura, denominado ?Mouchos Anticoloniais?, e composto sobretodo pola gente mais moça e que convive dentro da associaçom até 1996, ano em que, após a manipulaçom antidemocrática do prémio ?Moucho de Prata/Pola de Tojo? por umha parte da Junta Directiva decide abandonar Amig@s da Cultura e lançar com o tempo novos projectos culturais. Enquanto Amig@s da Cultura fica num estado de abandono e coma prolongado durante muitos anos até a sua actual reactivaçom, que supom o início de umha nova etapa após quatro décadas de história.
Umha nova etapa iniciada por pessoas de diversas procedências e idades, mas com o comum objectivo de dar um novo impulso à cultura e ao lazer na nossa cidade sob os parámetros da defesa do idioma de um ponto de vista reintegracionista, do compromisso com a Galiza e com um modelo de sociedade alternativo ao capitalismo, ao atender também a causas como o ecologismo, o feminismo ou a solidariedade internacionalista. O apoio às luitas populares, laborais ou de defesa do território e do nosso património histórico igualmente será umha constante nesta nova fase.
Pretendemos criar um espaço plural e sem dependências partidárias ou institucionais, mantendo a autonomia e o carácter crítico que historicamente caracterizárom Amig@s da Cultura frente à docilidade de boa parte do tecido associativo de Ponte Vedra.
Ponte Vedra, Outubro de 2010
Endereço de contato: amigasdacultura[arroba]gmail.com
----- --------