REPORTAGEM NA TVE. NOTÍCIA DO PGL

REPORTAGEM NA TVE. NOTÍCIA DO PGL

Escrito em 29-12-2010 Categorias: CELEBRAÇONS/ACTOS

Mais umha vez cumprem-se as previsões do Portal, e 2010 está a ser, definitivamente, o ano da normalizaçom do Apalpador. No passado inverno protagonizou anúncios e livros, entre outras intervenções 'estelares'. Agora som as Câmaras Municipais as que estám a apostar mais a sério que em 2009 na recuperaçom da figura, continuando assim o magnífico trabalho realizado polo associacionismo de base.

Como já tínhamos anunciado noutras informações do PGL, o Apalpador tivo e tem este Natal a sua quota de protagonismo nas atividades natalícias dos Concelhos de Vigo, Ferrol ou Compostela, quer em solitário, quer em colaboraçom com diferentes associações.

Mas nom fôrom estes os únicos Concelhos ou instituições a se envolverem. A Deputaçom Provincial de Lugo, através da Vice-presidência Primeira, responsável pola área de Cultura, pujo também meios para a recuperaçom do personagem no Natal luguês. Segundo o vice-presidente, Antón Bao, a figura, "por desgraça", quase tinha desaparecido, e agora pretende-se a sua recuperaçom junto com "umha série de valores identificadores, culturais e de respeito para as crianças através de umha tradiçom que assenta as raízes no fundo da história da naçom galega". Fruto deste compromisso, o gigante carvoeiro percorreu várias vezes diferentes ruas da cidade da muralha.

Também estivo no Carvalhinho. Na capital do polvo, o gigante courelão visitou a vila por convite do departamento de Normalizaçom Lingüística. Foi precisamente a esta localidade que se deslocou umha equipa da televisom espanhola, TVE, no passado 23 de dezembro para realizar umha gravaçom para umha reportagem sobre os mitos do natal no Estado espanhol.

Umha outra comarca visitada foi a do Barbança. Ali, o Apalpador visitou vários centros educativos. Também a Corunha foi lugar do seu interesse, e na cidade herculina visitou diferentes bairros devido ao interesse vicinal.

Ainda, o Apalpador há de ter a sua quota de protagonismo no Natal de Ames. Ali, Câmara Municipal, governada polo PSOE, convidou o bondoso carvoeiro do Courel para "ajudar" os Reis Magos -da tradiçom espanhola- a escolher qual carta das redigidas polas crianças será premiada este ano.

Sem comentários ainda


ASSINE AS NOSSAS NOTÍCIAS
RSS RSS
Novembro 2017
Seg Ter Qua Qui Sex Sab Dom
 << <   > >>
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Busca

  Feeds XML