O APALPADOR TAMBÉM VISITA LUGO

Escrito em 22-12-2010 Categorias: CELEBRAÇONS/ACTOS

O Apalpador voltará o dia 30 de dezembro a visitar Lugo. Às 18h00 sairá do centro social num passa-ruas acompanhando ao nosso carvoeiro do Courel. Às 19h00 faremos umha parada no centro sociocultural Uxio Novoneira onde nos esperam mais crianças para ver ao Apalpador. Vem buscar as tuas castanhas.

O dia 29 às 20h00 temos umha juntança convocada no centro social para preparar as cantigas para o passa-ruas.

O APALPADOR CHEGA A VIGO O 23!

Escrito em 20-12-2010 Categorias: CELEBRAÇONS/ACTOS

blog: AGARIMAR

Na próxima quinta-feira dia 23 de dezembro aguarda-se a chegada do barbudo carvoeiro ao centro histórico da cidade olívica a partir das 18h00.
Será a praça da Vila de Vigo o cenário escolhido pola nossa associaçom para dar-lhe a bem-vinda ao apalpabarrigas com a celebraçom dum magusto aproveitando as últimas castanhas do ano e acompanhando a sua chegada com música ao vivo.
Segundo informaçons chegadas directamente das trasnas e trasnos do bosque onde mora o Apalpador, o nosso amigo virá cargadinho de castanhas e presentes para as crianças que se acheguem à praça da Vila a recebê-lo.

PARA ESCREVER AO APALPADOR

Escrito em 15-12-2010 Categorias: CELEBRAÇONS/ACTOS

Esta é umha das cartas disponibilizada pola Gentalha do Pichel que podedes enviar-lhe, mas com certeza haverá muitas outras!

Apalpador retornará no Natal com novas iniciativas populares

Escrito em 15-12-2010 Categorias: CELEBRAÇONS/ACTOS

DE GALIZALIVRE.ORG

apalpador.jpg

Redacçom / Chega o Natal e, com ele, um pequeno contrapeso ao desaforo consumista e desgaleguizador destas datas. O movimento galego prepara, com iniciativas descentralizadas, o retorno do Apalpador às ruas das cidades e vilas. O carvoeiro sairá a repartir agasalhos entre o 24 e o 31 de Dezembro, terá o seu espaço nos centros sociais, e achegará-se às crianças fomentando a cultura autóctone.

Neste ano, porém, há novidades de importáncia. Convencidos da permanência da sua memória nalguns lugares da montanha galega, activistas da Gentalha do Pichel sairám neste fim de semana à serra do Courel, com o intuito de falar com as mais velhas e velhos do lugar, e resgatar contos e cantigas que ainda se desconhecem no mundo urbano. Desta maneira, completarám-se as informaçons que mui meritoriamente resgatara José André López para o Portal Galego da Língua há mais de três anos.

Por outra banda, e além de iniciativas institucionais de concelhos e deputaçons, a iniciativa de recuperaçom também chega à montanha. Vem-se de constituir no Courel a Irmandade dos Apacastanhas, que convocou o primeiro prémio protagonizado polo carvoeiro. O objectivo é dar um 'forte empurrom' para esta figura incorporar-se à celebraçom do Natal.

O prémio distinguirá as actividades lúdicas e educativas que tenham como centro a figura do Apalpador, dirigindo-se a educadores, animadores, empresas culturais, alunado e 'qualquer pessoa física ou jurídica' que organize trabalhos para nenos e nenas.

Para participar cumpre inscrever-se na página do colectivo antes do 1 de Janeiro, onde figuram as bases do concurso.

PALESTRA DO APALPADOR NA ARTÁBRIA

Escrito em 15-12-2010 Categorias: CELEBRAÇONS/ACTOS

Galeria gráfica da palestra sobre o Apalpador

galeria fotográfica da palestra que decorreu na tarde de ontem no nosso Local Social sobre a figura do Apalpador. André Seoane, sócio da Gentalha do Pichel explicou-nos os motivos que levárom à entidade cultural de Compostela a recuperar a figura do carvoeiro do Courel.

ANÚNCIO DA VISITA A COMPOSTELA

Escrito em 15-12-2010 Categorias: CELEBRAÇONS/ACTOS

Cada vez mais perto a visita do Apalpador! Dia 23, vamos recebê-lo ao Pichel

No próximo dia 23 de Dezembro por polta das 18h00 chegará das montanhas do leste do país o Apalpador acompanhado de todos os seus amigos e amigas. Fará umha viagem mui longa só para estar connosco nesse dia, e é por isso que merece um bom recebimento!
Cativas, cativos: nom podedes perder a oportunidade de vê-lo, que até ao ano nom volta!!

Para além da mágica visita, teremos obradoiros e actuaçons ao longo da tarde, já vos iremos informando.
E se alguém quer fazer parte do cortejo que o vai acompanhar polas ruas do bairro, que nos avise!

Nesta sexta dia 17 às 13h00 teremos umha reuniom para ultimar os preparativos do recebimento. Será no bar 13. Vem e ajuda-nos a organizar!

ARTIGO DO PGL

Escrito em 15-12-2010 Categorias: CELEBRAÇONS/ACTOS

O gigante carvoeiro será, mais um ano, protagonista do Natal galego

PGL - Quase um ano depois, o Apalpador volta ser notícia no Portal Galego da Língua através do canal especial que atualizamos cada inverno. Este 2010 promete ser, aliás, o ano da normalizaçom do personagem, assumido já por setores sociais muito diferentes de aqueles que impulsionárom a sua recuperaçom.

No passado inverno, o da consolidaçom, o gigante bondadoso do Courel foi protagonista na TVG, reclamo publicitário, estrela editorial e foi assumido por instituições públicas. Intensa atividade no meio de visitas por todo território nacional (Ordes, Vigo, Ginzo, Compostela, Límia, Ourense, Ferrol, Lugo, Ponte Areias...).

Este ano a atividade também promete ser intensa, e começou muito cedo. Já no passado fim-de-semana, dias 11 e 12, o pessoal da Gentalha do Pichel recrutou um grupo de voluntários e voluntárias para irem de expediçom às montanhas courelãs à procura do Apalpador (também conhecido como Pandigueiro ou Apalpa-barrigas).

Já a dia 14, em Ferrol, a Fundaçom Artábria organiza umha palestra às 20h30, nas instalações do local social (Travessa dos Batalhões 7, rés-do-chão), ministrada polo historiador André Seoane Antelo. Esta intervençom forma parte dos atos organizados pola Fundaçom em dezembro em colaboraçom com a Câmara Municipal ferrolana.

Pouco depois, a dia 18, o gigante carvoeiro estará em Vigo. Lá, no bairro do Calvário, visitará o novo Centro Social Lume!, a partir das 11h, e já após as 13h haverá um magusto popular.

Após a procura polo Courel, o Apalpador promete voltar para a Gentalha do Pichel na tarde do dia 23. Ali mesmo, em pessoa, ele próprio fará o sorteio de um «enorme e suculento cabaz cheio de cousas ricas». Ainda é possível passar polo local social reservar um número.

E se a Câmara Municipal de Ferrol Colabora na difusom do Apalpador, o apoio institucional volta estar garantido, da mão do Concelho de Santiago de Compostela, que mais um ano realiza ações com o gigante de protagonista. Desta vez, mediante o programa Apalpando as Ilusões, um amplíssimo leque com 315 atividades que decorrerám de 23 de dezembro a 7 de janeiro.

Umha outra Câmara a se envolver, e talvez nom seja única, é a de Vigo, com um acampamento [PDF] que tem no Apalpador o seu eixo. De 23 de dezembro a 5 de janeiro, neste caso, no museu Verbum.

Por último, e como curiosidade, assinalamos que umha outra instituiçom deu um apoio decidido ao Apalpador. E é que o albergue público de Melide recebe agora o nome de Albergue 'O Papalpador'. Todo um sintoma de normalidade.

<< 1 2 3 4 5 6 >>


ASSINE AS NOSSAS NOTÍCIAS
RSS RSS
Março 2024
Seg Ter Qua Qui Sex Sab Dom
 << <   > >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Busca

  Feeds XML