As pessoas reunidas na Assembleia Geral de Artábria, acordamos aderir-nos ao MOVIMENTO INTERNACIONAL CONTRA A GUERRA E O RACISMO e rejeitar a macabra aliança que se esta forjando a nível mundial, logo dos trágicos e duramente condenáveis sucessos do 11 de Setembro, auspiciada polo governo dos EE.UU. com o objectivo de meter-nos o medo no corpo dumha guerra mundial que de entrada implica umha grande mobilizaçom de armamento e militares a nível planetário, a potenciaçom dos exércitos, o deterioro das liberdades públicas e restriçom de direitos humanos, o incremento do racismo e do medo ao diferente, a legalizaçom da tortura e a caça da pessoa dissidente, o controlo dos meios de comunicaçom... e um maior controlo policial da populaçom.

Rejeitamos toda medida que intente a restriçom das liberdades civis e fomente o ódio e a vingança entre as etnias, religions e culturas.

Rejeitamos a postura alienada e conformista de pensar que isto nom nos afecta, pois como cidadans do mundo todo que passe nele e algo que nos deve preocupar, a injustiça e a opressom é algo a combater e a solidariedade é algo a praticar.

Rejeitamos o militarismo, a globalizaçom neoliberal e o imperialismo, por entender que som os inimigos mais acérrimos da solidariedade e a concórdia entre os povos e as pessoas.

Rejeitamos a guerra e qualquer manifestaçom propagandística da mesma, evocamos por umha paz com justiça e igualdade, que combata a pobreza, a destruiçom do meio-ambiente e respeite o direito de autodeterminaçom dos povos.

Na Terra de Trasancos, a 29 de Setembro de 2001