A Fundaçom Artábria celebra neste próximo mês de Setembro o seu quarto aniversário com umha série de actividades repartidas durante todo o mês.

Música, conferências, festas, teatro infantil e cinema som algumhas das actividades programadas para esta celebraçom.

Programaçom:

- 2 de Setembro às 20:00 horas apresentaçom de ESCULCA, observatório para a defesa dos direitos e liberdades. Trata-se de de umha associaçom de ámbito galego nascida nestes últimos meses e que tenta promover a recuperaçom do interesse polos assunto públicos e o sentido da responsabilidade colectiva.

- 6 de Setembro às 22:30 horas Festa heavy.

- 13 de Setembro ás 22:30 horas actuaçom do grupo de música tradicional “ Cam sem dono “

- 14 de Setembro às 20:00 horas conferência “ A música tradicional “ a cargo de Santiago Caneiro, pessoa dedicada ao estudo do folclore do nosso país e fundador de Berce , associaçom comarcal dedicada à recuperaçom da música tradicional.

- 18 de Setembro às 20:30 horas apresentaçom do primeiro documento conhecido até o dia de hoje escrito em galego-português. O professor da Universidade de Compostela J. A. Souto Cabo defende que um acordo entre dous fidalgos de Braga datado por volta do ano 1175 constitui o mais antigo testemunho escrito na nossa língua.

- 20 de Setembro às 20:00 horas Festa “ Quatro anos da Artábria “. Bolo de aniversário e projecçom de diapositivos da vida da Artábria nestes quatro anos. A continuaçom música com “ A quadrilha da Marola “ grupo de música tradicional da Fundaçom Artábria.

- 21 de Setembro às 19:00 horas o grupo de teatro infantil da Fundaçom interpretará “ A música de Sabela “, e a continuaçom actuará um grupo infantil de cantareiras “ Cantareiras de Carança “.

- 27 de Setembro às 22:30 horas espectáculo de samba e reggae “ De Brasil a Jamaica “, umha primeira metade de música samba e umha segunda de reggae a cargo de um grupo local.

- 28 de Setembro às 22:30 horas “ Festa zombie “ com maquilhagem e efeitos especiais para despedir este quarto aniversário.

A Fundaçom tem também programado um ciclo de cinema galego no que se poderám ver algumhas das curtametragens mais famosas dos últimos anos.