« Contribuiçom da Artábria para o PNL do Concelho de Ferrol | Calhos da senhora Joana » |
Vestígios da existência de plantas de processamento do bacalhau nas costas islandesas e norueguesas datam do século IX. Daquela, o bacalhau era secado ao ar livre. Mais tarde, fôrom os bascos que o processárom polo sistema do salgaçom, e inclusive dedicárom-se à sua o comercializaçom. Os bascos conheciam o sistema de conservaçom com sal, e existem dados de que já realizavam o comércio do bacalhau salgado e seco no século XI.
O valor do bacalhau como alimento era indiscútivel, ainda hoje é, nom só polo seu prezado sabor, mas polo seu alto grau de concentraçom de nutrientes. O controlo das pescarias do bacalhau levou a muitos conflitos entre estados europeios. O interesse comercial deste peixe levou a que haja muita legislaçom internacional para o controlo das suas pescas. Hoje em dia, mais do que nunca, para garantir a sua sobrevivência.
O bacalhau foi introduzido na cozinha galega como alimento na altura em que se fazia noutros países. Respeito à tradiçom pesqueira, dizer que compartimos até nom há muito tempo as pesquerias da Terra Nova, no Canada, com os portugueses. Na Galiza eram conhecidas duas empresas principalmente, a PEBSA, galega e a PYSBE, basca, com base em Ferrol, até finais dos a nos 70 eram empresas de muita importáncia na economia galega.
O valor gastronómico do bacalhau é indiscutível, tem umha tradiçom popular amplamente documentada, mais de cem receitas que tenhem de base o prezado peixe nom som difíceis de encontrar. Na Galiza, há várias formas de apresentar o bacalhau, mas nós, no 24 de Novembro, ofeceremos umha receita universal: "O bacalhau com natas", cozinhado pola Lorena e o Leandro.
E se quigeres saber mais sobre o bacalhau, clica AQUI.
Terra de Trasancos, 23 de Novembro de 2002