« Quem somos?Bacalhau com natas »

Contribuiçom da Artábria para o PNL do Concelho de Ferrol

01-12-2002

  14:51:05, por artabria   , 1750 palavras  
Categorias: Comissom de Língua, Documentos, Língua

Contribuiçom da Artábria para o PNL do Concelho de Ferrol

camara municipal ferrol

Oferecemos a seguir o contributo apresentado pola Fundaçom Artábria, através da sua Comissom de Língua, para o Plano de Normalizaçom Lingüística no Concelho de Ferrol, em Dezembro de 2002. Decorridos os anos, e conferindo as nossas propostas com a realidade institucional a dia de hoje, vemos que, apesar de nom serem maximalistas nem muito menos irrealizáveis, os sucessivos governos municipais preferírom continuar a adiar qualquer planificaçom efectiva para o avanço social da nossa língua em Ferrol.

Contribuiçom da Artábria ao Plano de Nomalizaçom Língüística para o Concelho de Ferrol.

Propostas da Fundaçom Artábria para o Grupo de Participaçom Sectorial (GPS) de Cultura.

Introduçom

Em primeiro lugar da Artábria temos de aplaudir a posta em andamento dum Plano de Normalizaçom Lingüística para o Concelho de Ferrol (PNLF), se bem com máis demora do previsto e preciso.

A este respeito, salientarmos que a nossa entidade foi umha das vozes que máis demandou ao Concelho de Ferrol desenvolver urgentemente umha política normalizadora (nom só na presente legislatura) vista a grave deterioraçom que padece o nosso idioma a todos os níveis. Cabe lembrar ademais, que, com similar intuito, tamém apresentamos um outro modelo de funcionamento para o Conselho Municipal de Língua (CML).

No atinente ao funcionamento do Plano, e a metodologia empregue pola entidade CIDADANIA, achamos a mesma apropriada e interessante, pois aborda a problemática da língua de diversas focages, e reunindo para o debate e análise da situaçom do idioma —fazendo-nos partícipes de tal— às pessoas e movimentos cidadás máis preocupados e conscientizados e tamém outras e outros de destacada importáncia.

Somos conscientes da importáncia vital de que calhem propostas em pró da língua como esta, e mais na cidade de Ferrol, afastada e virada contra dos próprios sinais identitários, e portanto, necessitada urgentemente de políticas regaleguizadoras que a resituem no País. Para tal, é necessário um compromisso da cidade, das instituiçons, das associaçons cidadás de todo o tipo com o seu idioma.

Queremos normalizar usos e funçons idiomáticos para que em Ferrol se poda falar e viver em galego normalmente.

Neste labor jogamos um papel fundamental as entidades cidadás, mais, sem dúvida algumha, para que a cidade de Ferrol fale normalmente na sua língua é imprescindível e inadiável o compromisso aberto, na teoria e na prática do Concelho de Ferrol, a instituiçom máis próxima da cidadania por excelência.

Propostas:

Em primeiro termo a Artábria tinha em mente fazer chegar este documento de propostas à area de normalizaçom lingüística mesmo antes de sabermos e comprovarmos a posta em andamento do PNLF.

Em segundo termo, fazemos tamém nossas, evidentemente —pois por isso participamos, as propostas que xurdam como resultado do nosso GPS (e mesmo com independência que na sua redaçom inicial ou final a Artábria pudesse ou quigesse matizá-las).

Tal nom quer dizer que as propostas que a seguir se apresentam sejam máis ou menos importantes para a Artábria do que as resultantes do nosso GPS, senom que som compatíveis e complementares, e feitas com a mesma finalidade: enriquecermos um documento final de medidas tendentes a melhorar a situaçom da língua galega em e desde Ferrol.

01.- É bom recordar que o Concelho de Ferrol tem aprovado umha Ordenanza de Normalizaçom Lingüística, documento no que se recolhem medidas normalizadoras muito importantes a desenvolver por e desde o Concelho.

Neste senso, umha primeira medida a efectivar é velar polo cumprimento exaustivo da Ordenanza de Normalizaçom Lingüística e outros regulamentos municipais que digam respeito à língua. Este texto pode-se espremer para já de por si visualizar medidas normalizadoras, quer internas, quer externas, e que nem sempre som realizadas.

02.- Igual do que a Ordenança, existe umha Lei de Normalizaçom Lingüística, que o Concelho deve fazer cumprir quer nas suas relaçons internas como externas. Neste senso, o caso da toponímia é sangrante polo seu incumprimento sistemático, mesmo com o nome da nossa cidade.

03.- Propomos que o Concelho de Ferrol crie um Serviço de Assessoramento em matéria de normalizaçom lingüística ao serviço da cidadania. Para o qual é imprescindível maior dotaçom humana e económica para o Serviço de Normalizaçom Lingüística.

Assim relacionado com o anterior; o Concelho de Ferrol, através deste Serviço e do Conselho Municipal de Língua, para poder exigir e garantir o cumprimento dos regulamentos acima citados e outros que digam respeito à normalizaçom da nossa língua , como o que agora se vai conformar para o PNLF, deve dá-los a conhecer, espalhá-los nom só a nível interno às pessoas trabalhadoras do Concelho, organismos que del dependam, que tenham assinado convénios de colaboraçom com o Concelho ou que desenvolvam labores para o Concelho, mais tamém aos movimentos associativos da cidade: vizinais, culturais, empresariais, desportivas,...

Este serviço tem de publicitar e canalizar todo o tipo de ajudas e campanhas em prol do idioma, quer para desenvolver um Curso de capacitaçom idiomática, quer para fazer um serviço de correcçom e traduçom lingüística, quer para evitar um uso incorrecto do nosso idioma, que para espalhar a Regulamentaçom existente, explicar o seu conteúdo e fazer as pertinentes aclaraçons entre as pessoas e entidades associativas vizinais, etc.

Cabe assinalar que algumhas das propostas, dúvidas, sugestons,... xurdidas no nosso GPS estám contempladas nesses documentos. P.ex: quando se fala de ajudas fiscais e económicas (incentivos, descontos, isençons, etc) a entidades quer seja para a rotulaçom, publicidade ou etiquetage em galego, quer se trate de campanhas, da obriga do conhecimento do galego por parte de pessoas da adminsitraçom,...

04.- Neste senso, o Concelho de Ferrol deve instar e promover, colaborar e facilitar a entidades e instituiçons representativas da cidade (tenham ou nom algum tipo de convénio ou colaboraçom com o Concelho) a que desenvolvam a sua actividade em galego, sem incumprir a legalidade a este respeito e mesmo se rebaticem em galego (p.ex, Rácing Clube de Ferrol ou Tranvias de Ferrol).

Assim, seria muito importante que entidades destacadas do mundo do desporte, com equipas representativas (Rácing de Ferrol, O Parrulo, Galicia, Valdetires,...), empresariais (Izar Ferrol, Arriva, Tranvias del Ferrol, Alcampo...) ou institucionais (Arquitecto Marcide-Novoa Santos, Museu Naval da Armada,...) figessem uso na sua vida interna e externa da nossa língua.
1
05.- Propomos que o Concelho de Ferrol, dentro da sua aposta pola normalizaçom do galego, condicione e priorize todas as ajudas económicas que concede ou das aquisiçons de material que realiza a que tais actividades fruto do subsídio ou materiais adquiridos sejam ou estejam feitos em galego (sem menoscabo da opçom normativa ou variantes do idioma que se empregarem, como no Prémio Carvalho Calero), podendo retirar a ajuda se o projecto subsidiado nom se realizar em galego.
Trata-se de o Concelho efectivizar umha política de ajudas económicas em base à discriminaçom positiva sempre em prol do galego.

06.- Propomos que o Concelho de Ferrol, dentro da sua aposta pola normalizaçom do galego, se dote dumha Emissora de Rádio Municipal feita 100% em galego.

A Rádio é um meio fácil e assequível economicamente, e que permite o fácil e rápido acesso à informaçom máis cercana por parte da cidadania. Nom ocultamos que Rádio Fene é o exemplo a seguir.

07.- Neste senso, propomos tamém a inclusom de conteúdos relativos ao idioma, como os que viria a desenvolver o Serviço Ampliado de Normalizaçom Lingüística, no web municipal, assim como a ediçom dum jornal mensal municipal com informaçom relativa ao Concelho, e no que o peso da informaçom lingüística e cultural fosse sobranceira.

08.- O Concelho de Ferrol na sua aposta por um ensino em galego, alicerce indiscutível para garantir a normalizaçom da língua, deve garantir que tal seja umha realidade, para o que deve exigir da administraçom galega que garanta na área educativa de Ferrol, polo menos no nível Infantil, Primário e Secundário professorado que ensine em galego.

09.- Relacionada em parte com o anterior, o Concelho de Ferrol criará como mínimo umha Escola Infantil Municipal para satisfazer e garantir certeiramente a necessidade social do aprendizado no nosso idioma. Tal necessidade é umha qüestom estratégica e fundamental, mesmo é objectivo 1, prioritário no Plano Xeral de Normalizaçom Lingüística da Xunta da Galiza (em elaboraçom).

É triste comprovarmos que o ensino em galego é praticamente inexistente. Som muitos os casos de crianças galego-falantes que começam na Escola e perdem o idioma.

10.- O Concelho de Ferrol criará umha Ludoteca Municipal de Jogos Galegos e em galego, assim como promoverá campanhas normalizadoras específicas nos ámbitos infantil e juvenil.

11.- O Concelho de Ferrol, tendo em conta que a onomástica galega padeceu um processo de deturpaçom e barbarizaçom idiomática, vai-se dirigir a todas aquelas pessoas vizinhas da cidade recenseadas em Ferrol e que tiverem o seu apelido deturpado, para informá-los nom só da sua orige e forma correcta, senom instando-os a procederem a sua mudança.

Para tal labor o Concelho de Ferrol há de chegar a um acordo de colaboraçom a este respeito com o Registo Judiciário com o fim de favorecer e facilitar os trámites precisos que permitam a correcçom dos apelidos galegos.

12.- O Concelho de Ferrol, na sua aposta pola normalizaçom lingüística, promoverá a chegada e intercámbio com aqueles projectos culturais e nom só, interessantes para a naturalizaçom do idioma que se desenvolvam noutras áreas do nosso país, e tamém em Portugal e outros estados de fala galego-portuguesa.

O Grupo de Língua da Fundaçom Artábria

Em Ferrol, Terra de Trasancos, Dezembro de 2002

Nota.- Tais textos som documentos de conhecimento e cumprimento imprescindível por parte da Administraçom, mais tamém das pessoas administradas. Som, logo, um alicerce, por onde começar a construir políticas normalizadoras, mais nom a panaceia, pois ficam bastante raquíticos para as necessidades normalizadoras reais do idioma.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution