« Comunicado da Fundaçom Artábria a respeito do encerramento do jornal Euskaldunon EgunkariaContribuiçom da Artábria para o PNL do Concelho de Ferrol »

Quem somos?

15-01-2003

Link permanente 05:47:39, por Fundaçom ARTÁBRIA Email , 439 palavras, 1752 visualizaçons   Português (GZ)
Categorias: Local Social

Quem somos?

Um projecto Popular

Iniciado como tal em 1998 a partir da associaçom do mesmo nome, a Fundaçom Artábria é um projecto inovador na Terra de Trasancos, que parte da inicitiva de um colectivo plural e tem como eixo principal sobre o que se articula a defesa da língua (monolingüismo e reintegracionismo), partindo do princípio sociolingüístico de compactar a massa social favorável ao idioma. Para avançarmos nesse caminho, empenhamo-nos na criaçom de um centro social que servisse de ponto de encontro de pessoas e organizaçons sociais com um certo compromisso com a cultura, os valores solidários e os direitos históricos da Galiza.

Em defesa da cultura nacional

O nosso centro social acolhe actividades de todo o tipo, entre as que destacam as que servem para dignificarmos a cultura galega nas suas diversas expressons: música tradicional e actual, teatro, participaçom no entruido, nos maios, nas romarias populares, na festa das cabaças,... Trata-se de umha aposta de fundo no reencontro com as manifestaçons da cultura do País, contra o desprezo e as agressons que instituiçons e meios de comunicaçom maioritários lhes dedicam.
Conferências, ediçom de livros, exposiçons, aulas de pintura, de dança tradicional, de língua, seminários de história e outras actividades completam umha oferta cultural veiculada no nosso idioma, tam necessitado de apoio em Ferrol, como no conjunto das cidades da Galiza.
Lugar de destaque ocupam também as manifestaçons culturais de outros países de fala galego-portuguesa, no caminho do reencontro cultural com a nossa área natural de relacionamento internacional.

... os valores solidários ...

Para além das actividades próprias, as instalaçons da Fundaçom Artábria som também cedidas para que outras organizaçons sociais da comarca organizem os seus actos, realizem as suas reunions, ou utilizem serviços como o fax, o telefone ou a internet. Apoiamos assim a dinamizaçom da vida associativa da Terra de Trasancos. Entidades ecologistas, juvenis, sindicais, feministas, anti-repressivas, colaboram connosco pontualmente ou de maneira estável com esse fim, fazendo do nosso projecto um agente comprometido com a democracia participativa e os valores progressistas e solidários, sempre com umha óptica galega que permite exercer o mais autêntico dos internacionalismos.

... e os dereitos históricos da Galiza

Um princípio fundamental da actividade da Fundaçom Artábria é o seu compromisso com a normalizaçom da Galiza em todos os planos. Por isso fazemos especial mençom da defesa dos direitos históricos galegos como naçom sem soberania. Reclamamos para o nosso país o lugar que lhe corresponde no espaço europeu e trabalhamos para que a nossa comarca participe na construçom nacional da Galiza. Normalizarmos a língua, conhecermos a história, defendermos a natureza e o direito à produçom própria, som princípios que dia a dia levamos à prática nas nossas actividades.

1 comentário

Kaixo!

Os escribo (en castelán, disculpas!) para preguntaros sobre um programa de voluntariado linguístico que tenho entendido que vais a empezar en Ferrol.

Escribidme por favor contándome si habeis empezado ja e algum detalhe.

Eskerrik asko:

Iñaki.
23-04-2007 @ 17:26

Deixe o seu comentário


Seu endereço de e-mail nom será revelado nesse site.

Sua URL será exibida.
(Quebras de linha se tornam <br />)
(Nome, e-mail & website)
(Permitir que usuários o contatem através de um formulário eletrônico (seu e-mail nom será exibido.))
Horário de Abertura
- Segundas a quintas 17.00h-23.00h
- Sextas e Sábados 18.00h-02.00h

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Calendário de atividades

Onde estamos?

Travessa de Batalhons nº 7 rés-do-chao
(Esteiro) Ferrol-Galiza
Telefone: 981 352 986
correiodeartabria(arroba)gmail.com


Ver Os meus Locais guardados num mapa maior

Busca

Ferramentas do usuário

Feeds XML

powered by b2evolution