« Lacom com grelosComunicado da Fundaçom Artábria a respeito do encerramento do jornal Euskaldunon Egunkaria »

Ciclo de Conta-contos na Artábria

18-03-2003

  00:16:51, por artabria   , 452 palavras  
Categorias: Local Social, Teatro e conta-contos

Ciclo de Conta-contos na Artábria

Nos próximos dias dará começo na Fundaçom Artábria um ciclo de contacontos que contará com a presença de Avelino González Fernández, Cándido Pazó e Patrícia Vázquez.Todas estas som pessoas vinculadas ao mundo do teatro e da televisom e conhecidos do grande público por participar em séries como Pratos combinados, Mareas vivas ou na espanhola Hospital central.

Os três representam estilos distintos de narraçom oral estando os dous primeiros mais próximos do contacontos clásico ou tabernário, em palavras de Cándido Pazó, e a última mais afastada de estes dous com um estilo mais próximo do Stan-up americano.

21 de Março. É a noite de Avelino González actor, narrador ou contador de estórias. Trabalhou em companhias como Ollomoltranvía , Teatro do aqui ou o Centro Dramático Galego. Actuou também nas três séries televisivas citadas anteriormente e participou em longametragens e curtametragens produzidas no nosso país.

28 de Março. Cándido Pazó autor teatral, actor e director com um grande número de espectáculos estrenados e premiados entre os que destacam: " O melro branco " ( Prémio Xeración Nós de Teatro Infantil 1989 ), " Commedia " ( Prémio Compostela 1993 e Premio de la crítica del País Valenciano 1994 ), " Nano " ( Prémio Maria Casars 1999 ), " O bululú do linier " ( Prémio Maria Casares 2000 ), " Ñiqui-Ñaque " ( Prémio Max 2002 ), " Binomio de Newton " ( nominado para um Prémio Max no ano 2003 ). Foi também guionista de televisom para séries como Pratos Combinados, A família Pita, ou Mareas vivas.

Leva tempo dedicando-se à narraçom oral ofício com o que tem actuado ao vivo ou para a rádio e a telelvisom estando presente em festivais de oralidade de Europa e América. É autor da maior parte das suas estórias ( além de recolher outras da tradiçom e da literatura ) e gosta de enfiar estas com personagens e situaçons que demonstram que a realidade supera a ficçom.

4 de Abril. Patrícia Vázquez leva treze anos no mundo do teatro profissional trabalhando en distintas companhias galegas como o Centro Dramático Galego, Teatro da Lua, Escola Dramática Galega, UVG Teatro, Ollomoltranvía, Teatro do Morcego...

Participa também em séries televisivas como Pratos combinados, Luar, Apaga a luz, O rei da comédia e fai o papel de juíza na popular série Mareas vivas.

Desde fai cinco anos dedica-se à narraçom oral, primeiro acompanhada do também popular Carlos Blanco formando o duo Chapa e pintura e agora em solitário conservando o mesmo estilo narrativo.

Todos os actos terám lugar às 22:00 horas

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution