« Comemoramos Dia das LetrasLacom com grelos »

Iniciativas por Carvalho Calero da Artábria

24-03-2003

  00:13:31, por artabria   , 465 palavras  
Categorias: Comissom de Língua, Documentos, Língua

Iniciativas por Carvalho Calero da Artábria

Ao Domingo 23 de Março às 12:30 Horas a Artábria vai fazer umha homenage a D. Ricardo Carvalho Calero, em frente da sua casa natal na Rua S. Francisco de Ferrol Velho.

A Homenage vai consistir numha oferenda floral na casa natal do filho ilustre de Ferrol e da Galiza, umha breve intervençom na sua honra e memória, e a interpretaçom dum par de peças polo grupo de gaitas da Artábria.

Além disso, a Artábria tem apresentado uma inciativa ao Sr Alcaide-Presidente do Concelho de Ferrol, o nacionalista Jaime Velho Costa na qual se expom que:

"Com motivo de se cumprir nestes dias o XIII aniversário do falecimento do polígrafo ferrolá D. RICARDO CARVALHO CALERO, filho ilustre do Concelho de Ferrol e da Galiza, a nossa entidade insta ao Concelho de Ferrol a fazer efectiva na memória de CARVALHO CALERO as seguintes solicitudes

POR TODO ISTO SOLICITA QUE:

1- O Concelho de Ferrol proceda a aprovaçom da construçom dum monumento na nossa cidade a Ricardo CARVALHO CALERO.
Supomos que o melhor local para tal é no bairro onde Carvalho nasceu, agora em feliz reabilitaçom, de Ferrol Velho.

2- O Concelho de Ferrol, por respeito à prática e ao pensamento normalizador do seu filho ilustre Ricardo Carvalho Calero, proceda a substituiçom e correcçom do nome da tabela da rua a ele dedicada no bairro de Recimil (tal e como acontece no Centro de Usos Múltiplos do Inferninho), e ponha bem escrito o seu nome, do modo como ele o escrevia: Rua Ricardo Carvalho Calero.

3- O Concelho de Ferrol faga a distribuiçom da obra de /sobre CARVALHO CALERO nas Bibliotecas Municipais, assi como fazê-la chegar tamém (polo menos a máis sobranceira), aos Centros de ensino e entidades associativas de todo o tipo da nossa cidade.

4- O Concelho de Ferrol, e nomeadamente desde a área de Normalizaçom Lingüística (Alcaldia), colabore económica e nom só, garantindo a precisa ajuda económica a todas aquelas entidades que como a nossa trabalham pola necessária normalizaçom lingüística e cultural, consoante a principal tarefa exercida por CARVALHO CALERO, patente na sua vida e obra.

Da Artábria achamos que é muito importante que o Concelho de Ferrol continui, dando máis um passo, no seu caminho do reconhecimento da vida e obra, da acçom e do pensamento do seu filho predilecto Carvalho Calero. Neste senso, disponibilizamo-nos para calquer assunto tendente a contribuir no labor normalizador, labor do que nom sobra ninguém. Labor que D. Ricardo Carvalho Calero emprendeu durante a sua vida, e do que a nossa entidade, humilde, mais constantemente, reivindica e segue dia-a-dia no seu trabalho cotidiano pola normalizaçom do nosso idioma e da nossa cultura."

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

b2