« Catálogo de propostas relativas à política lingüística e cultural em FerrolComemoramos Dia das Letras »

Iniciativa para a criaçom de um fundo de literaturas em língua portuguesa nas bibliotecas municipais da comarca

01-05-2003

  21:16:42, por artabria   , 633 palavras  
Categorias: Comissom de Língua, Documentos, Cultura e tradiçons, Língua

Iniciativa para a criaçom de um fundo de literaturas em língua portuguesa nas bibliotecas municipais da comarca

A seguir apresentamos-vos o texto da campanha que levamos a cabo com o intuito de criar, progressivamente, umha secçom de cultura portuguesa nas diferentes Bibliotecas Municipais das comarcas da nossa zona.

Por enquanto a campanha apenas prevê a criaçom de secçons de literatura, mais apelamos na mesma e senom insistiremos neste caminho, para que esta se amplie com a aquisiçom doutro material como podem ser Dicionários, Música, Revistas e Jornais, Audiovisuais,...

Esta moçom é apresentada polo registo dos diferentes Concelhos e vai dirigida à pessoa que leva a edilidade de Cultura em cada município. Se bem nos faltam bastantes Concelhos aonde tramitarmos tal iniciativa, já temos resposta, e positiva, do Concelho de Ferrol, onde foi aprovada por maioria na Comissom de Cultura.

Aguardamos que antes do fim do primeiro quadrimestre do presente ano 2002 tenhamos idêntica resposta do resto dos Concelhos da nossa zona.

Um espaço própio para as literaturas do nosso mesmo espaço lingüístico e cultural.
Literatura Portuguesa.
Literatura Brasileira.
Literaturas Africanas.

Um espaço próprio para as literaturas do nosso mesmo espaço lingüístico e cultural

A presente listage é umha selecçom daquelas obras literárias escritas em língua galego-portuguesa em três diferentes contextos culturais: o espaço cultural lusófono, o brasileiro e a dos países africanos de língua oficial portuguesa (principalmente Angola e Moçambique).

Com tal selecçom da Fundaçom ARTÁBRIA nom se pretende estabelecer calquer tipo de cánone literário das literaturas referidas, pois como toda escolha, está determinada por critérios subjectivos. Trata-se simplesmente de fornecer as BIBLIOTECAS MUNICIPAIS dumha série de títulos representativos destes diferentes contextos literários para criar um espaço próprio à par dos livros sobre a Galiza.

Esta breve selecçom de livros é composta por obras consideradas polos historiadores da literatura, da crítica e outros, como obras literárias chave para compreendermos tais literaturas. Ademais, podemos engadir que a maior parte dos títulos resenhados som leitura obrigada quer nas escolas e universidades dos espaços culturais mencionados, assi como nas Faculdadades de Filologia Galega e Portuguesa da Galiza, ou mesmo nas Escolas de Idiomas onde se ensina a língua portuguesa. Incluso alguns autores e autoras, neste caso portugueses, som importantes pola sua influência na literatura e cultura galega.

Com esta iniciativa da Fundaçom ARTÁBRIA, simplesmente queremos achegar ao público das BIBLIOTECAS MUNICIPAIS a oportunidade de aceder a umha rica e magnífica literatura, sem ter por isso que abandonar a nossa língua, o galego, pois tal literatura é escrita nas outras variantes do nosso sistema lingüístico: o afro-luso-brasileiro.

Para fazer máis acessível a aquisiçom total ou parcial destas obras referimos junto de cada título aquelas ediçons que resultam máis acessíveis quer em qualidade e/ou preço no mercado galego, mesmo indicamos com *asterisco o preço do livro numha escala de:

1- * (Económico; inferior ou igual a 8 € EUR, ± 1.330 pts).
2- ** ( Normal; inferior ou igual a 16 € EUR, ± 2.650 pts)
3- *** (Extra; superior a 16 € EUR).

Se tiverem calquer dúvida sobre algum aspecto desta iniciativa; modo de aquisiçom, livrarias, preços e outros, podem dirigir-se para:

Com esta breve selecçom pensamos que se cobriria dum jeito bastante económico umha secçom muito interessante para as BIBLIOTECAS MUNICIPAIS DAS COMARCAS DO NOROESTE, que se poria assi à altura doutras bibliotecas do país que já tenhem um amplo sortido de literaturas em língua galego-portuguesa.

A Fundaçom ARTÁBRIA gostaria, nom só que esta iniciativa se tivesse em conta, senom que tal se vaia ampliando, aos poucos, com a aquisiçom de máis fundo sobre a realidade cultural do nosso espaço lingüístico e cultural.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution