"Nós mesmos" é o título da obra de teatro que o actor Javier Santos representará na Fundaçom Artábria o sábado 31 de Janeiro às 22:30 horas. Nessa mesma noite, meia hora antes Leandro Lamas, Sílvia Casal e Pepablo Patinho farám a representaçom dum Belém vivente, que de forma breve e irónica expom umha das teorias do aparecimento do Cristianismo e dos cultos religiosos.

"Nós mesmos"

Quantas clases de loucos pode haver no mundo ? Tantas como pessoas existem.

Javier Santos oferece umha colecçom de loucos maravilhosos. Personagens levados ao limite, tirados da realidade para mostrar-nos as suas frustraçons,obsessons,medos, fantasias e o amor dos seres humanos no seu maior auge. Todas as suas personagens partilham algo: procuram e luitam para encontrar a felicidade. Enfrentam-se eles sós a umha sociedade cruel e hipócrita que os margina por querer ser eles mesmos. Umha actriz frustrada, um psicopata, umha prostituta,um alcoólico, um paranoico, umha rapariga adinheirada, e um autor namorado da sua obra... som alguns dos protagonistas deste espectáculo. O resto das personagens, sem dúvida, cada pessoa do público.

Javier Santos conta com umha ampla formaçom teatral. Estudou na Escola de Arte Dramático de Cristina Rota, completando a sua formaçom corporal e vocal da mao de profeessores e professoras como Omar Rossi, Mia Patterson, Antonio del Olmo, Mariano Castillo, Agustín Belushi e Fernando Becerra.

Participou activamente na montagem de "Making off" (1996), "Amen" (1999), "Nosotros mismos" (1998/99/2000), "Eva en busca de Adam" (2001); e na produçom e interpretaçom en Eventos Corporativos e Trade Marketing.