A seguir reproduzimos a carta enviada ao Presidente da Cámara Municipal e ao vereador da área da Cultura da cidade departamental pola nossa entidade, coincidindo com o XIV Aniversário do falecimento de Ricardo Carvalho Calero.

Continua:

Tal dia como hoje, em 1990, faleceu em Compostela D. Ricardo Carvalho Calero, escolhido Filho Predilecto da nossa cidade (1990, por unanimidade em pleno) e Filho Ilustre da Galiza (1996, por unanimidade no Parlamento Galego).

Por este motivo a nossa entidade, no XIV aniversãrio do passamento dumha das figuras mãis relevantes da cultura galega, SOLICITA POR MEDIO DO PRESENTE ESCRITO:

- Que o Concelho de Ferrol construa um monumento a Ricardo Carvalho Calero, por ser umha das persoas mais importantes e monumentais da cultura galega. Pensamos que o local idóneo é a Praça Velha de Ferrol Velho, nas traseiras da sua casa natal, e combinando deste modo a construçom do monumento à actuaçom recuperada polo presente governo da compra da sua casa natal para umha Futura Casa-Museu de Carvalho Calero.

- Que o Concelho de Ferrol, acorde em Pleno a Declaraçom do Dia das Letras de 2005 a Ricardo Carvalho Calero e solicite tal celebraçom a Real Academia Galega, coincidindo esta co XV aniversário da sua morte.

- Que o Concelho de Ferrol prepare para 2005 umha série de actos, homenages e eventos institucionais vários para honrar a vida e polifacética obra do insigne ferrolá, coincidindo co seu XV cabo de ano.

- Que o Concelho de Ferrol, em honra da acçom e pensamento lingûístico e cultural de Carvalho galeguize a Placa da Rua a el dedicada no bairro de Recimil e coloque, logo, a tabela seguinte: Rua de Ricardo Carvalho Calero.

- Que o Concelho de Ferrol, no espírito da anterior petiçom e no acordado unanimente Plano de Normalizaçom Lingûística de Ferrol (2003), cumpra e efectivize a 100% este Plano e outros regulamentos que dim respeito a Língua como a Ordenança Municipal ou a Lei de Normalizaçom Lingûística da Xunta.

Pola Fundaçom ARTÁBRIA, atenciosamente, assdo: Alexandre Peres Fernandes, Secretário

Em Ferrol, Terra de Trasancos, a 25 de Março de 2004