Durante o mês de Setembro a Fundaçom Artábria está de festa para comemorar o seu VI Aniversário e para isto temos desenhado um programa de actividades que cremos que serám de interesse para todas as pessoas, novas e velhas:

Desde o 10 de Setembro até o dia 30 do mesmo mês a Fundaçom contará com umha exposiçom de Aduaneiros sem fronteiras.

Será nesse mesmo dia às 22:00 horas que teremos entre nós o novo grupo de Xurxo Souto Os tres trebóns e o vendaval do Rosal grupo de intervençom rápida, segundo eles próprios, formado por quatro músicos de campanha da cena musical galega. Os integrantes com muitos kilómetros de palco som gente vinda de grupos como Diplomáticos, Papaqueixos. Ruxe-ruxe, A matraca perversa,Blues makers o Alberto Bundi. Xurxo Souto ( acordeom e voz ) argalhou a ideia e junto a Amil ( bateria e vozes ). Lourenço ( bombardino e vozes ) e Antom ( baixo e vozes ). Alternam repichocas de três compassos e três acordes com as estórias de três minutos que nos canta-conta Xurxo Souto. Revisam com paixom clássicos musicais da rota sem preconceitos e sem guitarras, todo cozinhado em menos de três minutos.

O programa continua para o dia 11 de Setembro, por volta das 20:00 horas, celebrar o aniversário com um Bolo de Aniversário e a projecçom de diapositivos que recolhem o trabalho destes 6 anos de vida da associaçom.

O 18 de Setembro às 22:00 horas Brais (Dandy Fever) e Dj Costoya animarám a noite com umha Festa ska

O 24 de Setembro às 22:00 horas o grupo local Imos indo darám um concerto de música folc.

O 25 de Setembro ás 21:00 horas será a voz de Maria Manuela quem nos acompanhará ao lado de guitarras, cavaquinho, mandolim, sanfona e percussom para interpretar música de composiçom própria e música tradicional galego-portuguesa

Finalmente o 26 de Setembro às 20:00 horas um Trio de corda porá fim ao programa.