« O Uruguai na Artábria | VI Aniversário da Fundaçom Artábria » |
Sexta-feira 25 de Junho às 20:00 horas na Fundaçom Artábria apresentaçom do livro de poesia Entre os teus olhos de Artur Alonso Novelhe, com ilustraçons de Marta Vega e editado pola Difusora de Letras, Artes e Ideas.
Umha dúzia de poemas e um poema final subordinado ao título Na tua memória fam parte deste primeiro poemário de Artur Alonso ( México D.F. 1964 ) que tem publicado poemas na revista Agália e também tem colaborado na revista de solidariedade Outras Voces.
«Com a singeleza que caracteriza o processo criador, sem dar respostas, sem afirmaçom ou suposto, na ambiguidade que delinha nosso ser, na entrega profunda a troca de nada, nascem aqui estes poemas de amor, de amizade, de identificaçom com a terra, com o espaço, a paisagem... E afinal quê é poesia senom umha forma de viver, um enfoque, umha luz sobre a paisagem… tudo quanto acontece visionado desde este ângulo próprio, desde essa forma de estar, de integrar-se e criar que impinge a alma do poeta... Eis pois estes poemas recém-chegados, mas nom por isso menos necessários, lede-os, escuitai-vos, fazei deles quanto a bem vossa alma indique, pois afim de contas para vós fórom escritos...»
Artur Alonso