« Onde estamos? | Festa de Inverno de 2004 » |
Destacamos no programa de actividades, nesta sexta-feira dia 11, um acto político, poético e musical que sob o lema «Galiza contra a Constituiçom europeia» está marcado para as 20h00. O recital poético contará com a participaçom de Séchu Sende, Antón Dobao, Ramiro Vidal, Alberte Momán, Maria Lago, Miguel Vento e José Alberte Corral. Às 21h00 seguirá o acto político no que intervirám Bráulio Amaro (Bases Democráticas Galegas), Frám Aneiros (FPG), Maurício Castro (NÓS-UP), José Colaço (PCPG), e Roberto Lage (PRT-ER). Já por volta das 23h00, festa polo «Nom à Constituiçom» com «Dj Costrojam» e «Di-lhei Pau», de Ferrol.
Já no sábado dia 12 polas 14h00 haverá umha «Lacoada Popular», com a actuaçom de Manolo Bacalhau. O preço é de 14 euros (5 euros para as crianças). A ementa: lacom con grelos, vinho, sobremesas de Entrudo, licores e muito mais.
Domingo dia 13 festeja-se o «Domingo Gastronómico». Desde as 12h30 haverá degustaçom de androlha com cada consumiçom.
Já no seguinte fim-de-semana, no sábado 19, terá lugar a «Repicocha Ártabra» a partir das 22h00 e domingo 20 volta a ser um domingo gastronómico, desta volta a partir das 12h30. Com cada consumiçom, degustaçom de luras.
Na sexta-feira dia 25, «Dia Vegano». Organiza «OPAI-Rádio FilispiM» com umha Comida Vegana, música e a projecçom do filme «Super Size Me».
Todas as actividades terám lugar no local da Fundaçom Artábria sito na Travessa de Batalhom nº 7, rés-do-chao, em Ferrol.