Diante da quinta Ediçom do nosso Festival, a gente da Fundaçom Artábria, antes de abrirmos as portas a este ponto de encontro da cultura, da reivindicaçom, da arte e o lecer, olhamo-nos para entender-nos e fazer-nos entender, para nos explicarmos e explicar o porquê desta cita anual.

Continua:

O País que Queremos. Moinho do Pedroso (Narom), 29 e 30 de Julho de 2005. Organizado pola Fundaçom Artábria

Nom temos vergonha de falar a nossa língua, vivemos com orgulho a nossa cultura, as nossas tradiçons. Sentimos a dignidade de ser galegos e galegas, é o jeito que temos de estar no mundo, e vemos ao nosso país formando parte da Humanidade, nem mais arriba nem mais abaixo que o resto de países, povos, culturas e línguas. O país que queremos, sem vergonha, com orgulho e com dignidade. O país que queremos... o país que amamos, com passados escuros, com memórias recuperadas e futuros mais claros por desenhar.

O país que queremos..., o que desejamos, o que se construi dia a dia, desde distintas miradas, desde distintas cores, desde distintas opçons, com diferentes vontades, entre todas e todos, com miradas de justiça, com as cores da liberdade, com as vontades de paz e solidariedade.

Nos dias 29 e 30 de Julho vivemos o país que queremos, expressando-o, construindo-o, como cada dia, também em Pedroso neste Festival da Terra e da Língua. Umha volta mais no caleidoscópio que dia a dia movem miles de mans, para fazer possível a visom colectiva da Terra e da Língua que nos definem, que nos identificam e nos fam protagonistas da diversidade mundial.

A nossa oferta cultural e social, é umha proposta festiva e reivindicativa, de conteúdos diversificados. A música, o artesanato, a poesia, o desporto, a natureza, a magia, o teatro, o fórum, os jogos, os livros, a gastronomia,... som espaços que construem o Festival da Terra e da Língua.

Terra de Trasancos, 27 de Junho de 2005

PROGRAMA FESTIVAL
Narom - Moinho de Pedroso, 29 e 30 de Julho de 2005

Sexta-Feira, 29 de Julho

21:00hs Apresentaçom do Festival.

21:15hs Magia. ToninO MAGICIAN

22:00hs Teatro. ESMORGANAS, apresentam "De copos e em companhia" e "Ramom".

23:00hs Festival Folc com:

REPICHOCA ÁRTABRA [música folc e popular galega e portuguesa]

ZIRIKOLLOS [música folc]

Sábado, 30 de Julho

12:00hs Abertura da exposiçom cinco anos dum espaço para a solidariedade, a festa e a reivindicaçom.

17:00hs V Campeonato de Matraquilho [Futbolim].

17:00hs O Festivalzinho. O divertimento para as crianças, com:

TASTARABÁS coop. [Ludoteca] Jogos populares.

PICOMPÉ [Circo e espectáculo]

19:30hs Fórum de Debate sobre O PAÍS QUE QUEREMOS... Distintas vozes entrecruzarám as suas linguagens para trazar a image do país que queremos. Com a participaçom de: Xose Veiras Garcia, Suso Baleato, Xurxo Souto, Xan Carlos Ansia e Mónica Otero.

21:30hs O País na Janela, apresentaçom de livro e CD de Novas da Galiza.

21:45hs Certame poético, no espaço solidário, com Maria Lado, Sechu Sende, Alberte Momán e Miguel Vento.

22:30hs Pregom.

23:00hs FESTIVAL MUSICAL:

OS TRES TREBÓNS E O VENDAVAL DO ROSAL [folc-fussom]

ARTEMISA [Banda de Ska Mestiço de Morelia, do estado de Michoacán em México]

A MATRACA PERVERSA [banda de fussom e ska da Terra]

PRESENCIA ZERO [banda galega de rap-metal]

O PAÍS QUE QUEREMOS...