« VI ediçom do Festival da Terra e da LínguaPúblicaçons ártabras on line »

Solidariedade com A Esmorga

08-06-2006

  21:36:23, por artabria   , 357 palavras  
Categorias: Documentos, Movimentos sociais

Solidariedade com A Esmorga

A Gestora da Fundaçom Artábria, em nome da mesma e das suas sócias e sócios, fazemos o seguinte comunicado, em que queremos transmitir o nosso apoio e solidariedade aos companheiros e companheiras do Local Social A Esmorga de Ourense, ante a iniciativa do vereador de Governaçom, Aurélio Gômez Vilhar, de ordenar o encerramento das actividades e o fechamento do local que a associaçom cultural A Esmorga possui na rua Cabeça de Maceda 20, rés-do-chao.

O ataque que está a sofrer A Esmorga é um ataque contra todo o movimento associativo da Galiza e sobre todo contra a cultura do nosso país e, portanto, é um ataque a todos e todas os que trabalhamos em prol da sua recuperaçom. Denunciamos assim todas as decisons políticas que se estám a tomar, que sem dúvida semelham querer anular e fazer desparecer todo aquilo que nom for “politicamente correcto”.

Devemos lembrar que o que está a ocorrer semelha umha continuaçom das
actuaçons contra os centros sociais de Compostela, Vigo e Ourense, assim como o boicote feito à celebraçom do Dia das Letras Galegas em Compostela recentemente, por parte da associaçom cultural do centro social O Pichel.

Polo que para nós som ataques contra projectos semelhantes ao da Fundaçom Artábria e a umha forma de entender a cultura.

A Fundaçom Artábria quere mostrar todo o seu apoio a um projecto que trabalha em prol da língua, da cultura e da dinamizaçom do movimento associativo da comarca de Ourense; assim como mostrar a sua repulsa contra umha actuaçom claramente política que pretende destruir e acabar com as iniciativas que oferecem um espaço de cultura alternativo e umha defesa tanto da língua como das tradiçons da Galiza.

Por este motivo, a Fundaçom Artábria apoia a manifestaçom que terá lugar no próximo sábado, dia 10, às 19:00 da porta do Centro Social A Esmorga, assim como o concerto e demais actos que se realizarám a continuaçom.

Terra de Trasancos, a 8 de Junho de 2006.

Sem comentários ainda

Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

powered by b2evolution free blog software