A semente do metal na Galiza enraizou profundamente na Estrada, em Compostela e em Quiroga; Destas três vilas das comarcas de Compostela e Taveirós som os NAO, que passáro polo local da Fundaçom no dia 27 de Janeiro de 2007.

Umha mistura de mensagem e contundência musical foi o que descarregárom estes 5 rapazes na sua primeira visita a Ferrol, em que apresentárom os temas da sua ‘demo’ e do seu primeiro LP.

A experiência musical dos membros do grupo (participantes, em outros projectos musicais, como Faitunflai, MxDxR, Matraca Perversa ou Xenreira) estivo latente em todo o momento. Para além disto, a sua interacçom com o escasso, mas entregado público que se achegou ao local para desfrutar de umha boa jornada de música ao vivo, foi constante.

Grupo e público saímos contentes do concerto, que véu a pôr um bocadinho de calor ao frio que se vivia na rua.