Dentro das actividades previstas para estes dias, em que se comemora o XVII aniversário da morte de Ricardo Carvalho Calero, oferecemos pola primeira vez em formato digital o caderno de divulgaçom sobre a sua vida e a sua obra editado pola nossa entidade no ano 2000, coincidindo com os dez anos do falecimento do velho professor.

O texto foi elaborado pola nossa Comissom de Língua, incluindo fotografias cedidas polos fotógrafos ferrolanos A. Malde e Moncho Rama, além de umha ilustraçom de Leandro Lamas. Colaboraram na ediçom de 5.000 exemplares, que fôrom distribuídos gratuitamente na nossa comarca, a CIG e as cámaras municipais de Narom, Fene, Cedeira, Ferrol, Compostela e as Pontes. Com 55 páginas, inclui um bosquejo biográfico, umha completa bibliografia activa e passiva e umha série de citaçons relativas à nossa língua, em que fica patente o compromisso reintegracionista e normalizador do prolífico escritor e lingüista.

A ediçom digital que agora vos apresentamos nom tem a qualidade que gostaríamos, mas nom nos foi possível recuperar os arquivos originários e tivemos de partir da digitalizaçom de um exemplar impresso. Contodo, achamos que tem interesse fazerdes esta descarga e guardardes esta pequena homenagem da Fundaçom Artábria a um grande ferrolano e, por isso, grande galego: Ricardo Carvalho Calero. Umha boa ocasiom para conhecermos um pouco melhor um dos maiores intelectuais galegos do século passado, e principal referente contemporáneo do reintegracionismo lingüístico.