Graças ao envio de um ou umha visitante anónima do nosso blogue, pudemos recuperar a ediçom digital deste conto da autoria de Leandro Lamas (desenhos) e PePablo (textos). Trata-se de umha obra dirigida a público infantil e com mensagem ambientalista, protagonizada polo Saltom Antom, "que pretendeu a Lua e ganhou a Terra; que sentiu umha árvore e chegou às estrelas".

Aumentamos assim a nossa secçom de publicaçons, com um precioso conto infantil belamente ilustrado polo grande artista trasanquês Leandro Lamas, por sinal membro da Artábria, e do polifacético PePablo, bem conhecido em ambientes artísticos da comarca -e nem só. Sirva esta recuperaçom da obra de ambos como homenagem aos dous companheiros, às crianças que já o lêrom e às que a partir de hoje poderám lê-lo novamente... além de, é claro, ao desconhecido amigo da Artábria que nos remeteu o PDF do Saltom Astronauta.