Neste fim-de-semana, a festa no local da Fundaçom estivo em maos dos Ghreska, que de Ourense nos trouxérom a Trasancos o seu punk-oi!.

Umhas 35 pessoas fomos as que nos juntamos no local social da Artábria para vermos estas três raparigas e três rapazes, que no dia de ontem tinham a dura competência de um grupo já mítico da cena ská do Estado: os bascos Skalariak, que tocavam na capital do País. Mas, @s que estivemos com Ghreska, nom nos arrependemos, nem muito menos. Antes ao contrário.

E é que foi umha noite com um grande ambiente e muita festa, em que a gente dançou ao ritmo dos temas próprios da banda ou de versons de grupos como S.A., No Relax, Los Fastidios ou Nom Servium. O concerto, como nom podia ser doutra maneira, finalizou com a intervençom improvisada do Bitxobola (que parece querer abonar-se a tocar no local da Fundaçom) interpretando o seu já clássico tema ‘Antidisturbio’, versom ‘unplugged’.

A mudança horária pareceu nom afectar a ninguém e a festa prolongou-se na noite até altas horas da madrugada.

De certeza que a todas e todos nos ficará umha grande lembrança desta jornada.

Até a próxima, gentalha!