[youtube]YiBldLECz-U[/youtube]

Ao meio-dia deste domingo, dia 25 de Março, realizamos o acto que cada ano convocamos ao pé da casa natal de Carvalho, no bairro de Ferrol Velho. Umha faixa pendurada nas varandas do primeiro andar denunciou as responsabilidades institucionais na ruína do edifício, apesar do compromisso de aquisiçom.

Além do vídeo acima, podes ver fotos do acto clicando em "continua"...

Após a substituiçom das flores do ano passado por um novo ramo, tomárom a palavra Joám Lopes, que denunciou a agressom fascista ao mural realizado num muro próximo; Pim Patinho, que recitou um belo poema de Carvalho -"Ferrol, 1916", em que lembrava os seus primeiros anos no bairro; e Maurício Castro, que reivindicou o seu legado lingüístico: a defesa da unidade lingüística galego-portuguesa e a denúncia do falso bilingüísmo equilibrado favorecedor do espanhol.

O companheiro gaiteiro Chema interpretou o Hino do Antigo Reino da Galiza e o nosso Hino Nacional, como conclusom da homenagem. Nom queremos deixar de agradecer publicamente a presença de representantes da Associaçom vicinal de Ferrol Velho e da Associaçom Cultural Fuco Buxán.

Eis algumhas imagens do acto e o vídeo da companheira Pim a recitar "Ferrol, 1916":

[youtube]JXKbZ7jHZNk[/youtube]