Kastomä visitava-nos no passado sábado para nos deixar rock and roll do bom na Fundaçom Artábria. Soneira, Sito, David, Oscar e Xurxo demonstrárom mais umha vez que na Galiza pode fazer-se música de qualquer estilo e com certeza em galego.

O concerto começava passadas as 24h com umha grande presença de pessoas da Comarca de Ordes. "Betadine" era o tema escolhido para dar a saída a mais de umha hora de rock em estado puro. Espectacular o tema de "Guerrilheiros", o qual podedes ver em vídeo um pouco mais abaixo. Além dos temas próprios, os cinco de ordes deixárom-nos umha impressionante versom do "Zu atrapatu arte" em galego. "Vício" de Reincidentes, "Blanco y Negro" de Barricada, "Cuando nada vale nada" de Soziedad Alkoholika, ou "Cualquier dia" dos Piperrak, entre outros "clássicos", completárom o repertório deste prometedor grupo que, após duas maquetes, "Tomamos-lhe outra"(2000) e "Mestre de pesadelos" (2005), estám a trabalhar no seu primeiro CD.

Como ponto negativo, mais umha vez, a baixa assistência de gente da Comarca. Da Artábria, nom fica mais que agradecer a Kastomä o seu comportamento e desejar voltar a ver-nos logo.

Se estiveres interessada ou interessado, no nosso local está à venda a segunda maquete de Kastomä "Mestre de Pesadelos", a um preço de 6 euros. Vale a pena!

[youtube]Q81JHLUXm_Y[/youtube]
Kastomä: Guerrilheir@s

[youtube]9NEclvq5PcM[/youtube]
Kastomá: Vício (Reincidentes)