Continuando com as actividades culturais e concretamente com a promoçom da música galega, sexta-feira teremos a honra de contarmos na Fundaçom Artábria com um grupo de autêntico luxo: Talabarte_Trio. O concerto começará polas 22.30h e o preço do bilhete será de 4 euros para sóci@s e 5 euros para público em geral.

Um novo conceito de formaçom na Galiza, estritamente acústico e baseado na música tradicional. Neste projecto, unem-se o violino de Quim Farinha, o acordeom diatónico de Pedro Pascual e o contrabaixo de Kin García. Juntos proponhem umha viagem através das músicas populares da Galiza e outros lugares mais ou menos longínquos. O repertório completa-se com composiçons próprias.

Todo isto temperado com distintas focagens estéticas, que vam da linguagem do jazz passando polo tango até a tradiçom musical europeia. Provenientes de Bandas como Berrogüetto, Laio, Marful, Trio Drops, Fernando Llorca Quinteto, Susana Seivane Grupo... contemporaneidade e tradiçom juntas num concerto diferente sem deixar de mover os pés nem deixar indiferentes os sentidos.