Queres ver umha reportagem gráfica da jornada? Clica em "continua".

Da Fundaçom Artábria, sempre fugimos de comemoraçons puramente rituais, que apenas servem para a lavagem de cara das instituiçons que em todo o ano nada fam por avançarmos na recuperaçom dos usos sociais da nossa língua nacional. Por isso, mais um ano, saímos à rua no dia grande das nossas letras, para comemorarmos a data com festa, sim, mas também com reivindicaçons concretas, dirigidas às mesmas instituiçons que hoje se vestem de "galegas por um dia". Desta vez tocou galeguizarmos directamente todas as ruas do bairro em que o nosso local social se insere.

A jornada começou ao meio-dia com a nossa adesom ao acto convocado pola associaçom vicinal de Sam Joám de Filgueira, na praça Rosalia de Castro. Um acto que ligou com o convocado por esta data, tradicionalmente, pola nossa entidade. Foi, por isso, um orgulho comprovarmos que a associaçom vicinal tomava a iniciativa desta vez...

Ao acto assistírom também membros do colectivo A Revolta, que levárom música tradicional do País.

Aqui temos duas imagens da faixa despregada pola Artábria na concentraçom da praça Rosalia de Castro, reivindicando 365 dias por ano em galego.

A companheira Pim Patinho dirigiu-se às pessoas concentradas, transmitindo a necessidade de recuperarmos os nossos direitos lingüísticos e o corpo lingüístico que nos é próprio, incluída a escrita histórica. Defendeu a ecologia lingüística como conceito que nos define frente à imposiçom e a intoleráncia espanhola.

Ao concluir o acto, e após cantarmos colectivamente o nosso Hino Nacional, companheiros e companheiras da Artábria dirigírom-se à Ponte das Cabras, no limite entre Ferrol e Narom, e à auto-estrada de entrada em Ferrol, para despregarem duas faixas. Podes vê-las nestas imagens:

Mas as actividades nom acabárom aí. Logo a seguir, umha ruada reivindicativa com música de gaita marchou polo bairro de Esteiro, rectificando a espanholizaçom dos nomes das ruas da zona onde se localiza o nosso local social. Convém nom esquecer que há catorze anos que foi aprovada a Lei de Normalizaçom Lingüística e 10 anos que o Pleno municipal aprovou a Ordenança Municipal de Normalizaçom Lingüística, e umha boa parte das placas das ruas do concelho continuam rotuladas em espanhol. Também distribuímos dúzias de autocolantes de grandes dimensons editados para a ocasiom.

Finalmente, um grupo de por volta de 30 associados e associadas, crianças e adultas, celebramos o trabalho feito e o Dia grande das nossas Letras com um jantar no local social.

Para irmos concluindo, colocamos a foto do monumento a Rosalia, enfeitado com as flores da associaçom vicinal de Sam Joám de Filgueira e as da Fundaçom Artábria, esperando podermos coincidir novamente no ano próximo, após outros 12 meses de luita pola língua.