Ante a situaçom de estado de sítio vivida nos últimos dous dias na cidade de Ferrol e a violenta respota policial para proteger os interesses económicos de REGANOSA a Fundaçom Artábria quer manifestar:

Continua:

1.- O nosso total rechaço à permanência da Planta de Gás que REGANOSA tem instalada ilegalmente em Punta Promontório.

2.- O nosso total apoio às acçons desenvolvidas polo Comité Cidadao de Emergência e polo colectivo de mariscadores/as para impedir a entrada dos gaseiros "Galicia Spirit" e "Mourad Didouche".

3.- Exigimos a imediata posta em liberdade de Bernardo Bastida e das outras pessoas detidas na tarde de ontem, 30 de Maio, após a violenta resposta da polícia espanhola. Da mesma maneira queremos monstrar a nossa solidariedade com as dúzias de pessoas feridas nos dous últimos dias.

4.- Solicitamos a demissom dos dous principais responsáveis das actuaçons repressivas destes dias: Manuel Ameixeiras, delegado do Governo espanhol na Galiza, e Amable Dopico, presidente da Autoridade Portuária de Ferrol.

5.- Chamamos a participar ao povo da Comarca de Trasancos nas próximas mobilizaçons convocadas contra REGANOSA e em especial na manifestaçom do próximo domingo, 3 de Junho, no Peirao de Corujeiras às 12h.

A ria é nossa e nom de REGANOSA!
Planta de Gás fora da ria!
Bastida liberdade!

Fundaçom Artábria
Terra de Trasancos, 31 de Maio de 2007