Por segundo ano consecutivo, a Fundaçom Artábria organiza o Concurso Musical da Terra e da Língua, com 1.100 euros em prémios e a possibilidade de gravar umha maquete num estudo profissional. Já tés disponíveis neste web as bases do concurso. Participa!

1ª.- Poderám participar neste certame todo o tipo de agrupaçons musicais, sempre e quando as suas cançons com letra sejam em língua galega e nom apresentem conteudos sexistas ou homófobos.

2ª.- Os temas que se interpretem poderám ser originais ou umha versom de outro já editado com anterioridade à convocatória do certame.

3ª.- Os grupos musicais poderám interpretar qualquer estilo, polo que se estabelecerám duas categorias:

-A FOLK e MÚSICA TRADICIONAL.
-B LIVRE (pop, rock, ska, hard-core, hip-hop...).

4ª.- O júri seleccionará um máximo de 6 finalistas entre os grupos que em total se apresentarem. A final será no Local Social da Fundaçom Artábria a 14 de Julho de 2007. A decisom do júri é inapelável.

5ª.- Logo da sua realizaçom, o júri outorgará os prémios, que nom poderám ser declarados desertos.

6ª.- O grupo ganhador em cada categoria participará no VII Festival da Terra e da Língua, que decorrerá no Moinho de Pedroso (Narom) nos dias 27 e 28 de Julho de 2007.

7ª.- Estabelece-se umha dotaçom económica global de 1.100 €, que se repartirá do seguinte jeito:

- 400 € + gravaçom dumha maquete num estudo profissional, como primeiro e único prémio da Categoria FOLK e MÚSICA TRADICIONAL.
- 400 € + gravaçom de umha maquete num estudo profissional, como primeiro e único prémio da Categoria LIVRE (pop, rock, ska, hard-core, hip-hop...).
- 300 €, a repartir entre os 6 finalistas em conceito de deslocamento (A Fundaçom Artábria fará-se cargo só do deslocamento dos grupos residentes na Galiza).

7ª.- Os prémios serám entregues no próprio dia do Festival da Terra e da Língua.

Antes do dia 9 de Julho, os e as concursantes deverám enviar ao seguinte endereço:

Fundaçom Artábria
Travessa de Batalhons nº 7
15403 Ferrol (A Corunha)

e pondo no envelope “CONCURSO”, o seguinte material:

I) Umha gravaçom em CD de áudio com TRÊS temas (que serám os que interpretarám na final a realizar na Fundaçom Artábria a 14 de Julho de 2007), fazendo constar na mesma o nome adoptado polo grupo.

II) Fotocópias do texto das letras das cançons interpretadas.

III) Envelope fechado e identificado com o nome escolhido, com os dados pessoais d@s integrantes do grupo participante: nome, apelidos, endereço postal, endereço electrónico e telefone(s) de contacto.

IV) Características técnicas do grupo, instrumental e outras observaçons.