Nesta sexta-feira, contaremos com a presença de Justo de la Cueva, sociólogo e militante da esquerda abertzale, que falará da situaçom actual no País Basco. "O conflito basco hoje" é o título da palestra, que começará polas 20:30h no nosso centro social. Clica em "continuar" para aceder a uns dados biográficos de Justo de la Cueva.

Continua:

A palestra desta sexta-feira fai parte da visita ao nosso país do conhecido sociólogo e advogado basco, que também participará numha conferência similar na Baiuca Vermelha, centro social localizado na vila de Ponte Areias.

Como alguns e algumhas lembraredes, é a segunda vez que visita a Fundaçom Artábria, pois já participou numha conferência no nosso anterior local social, anos atrás. Esperamos contar, como sempre, com a tua assistência.

Justo de la Cueva nasceu em Madrid em 1937. Vive em Navarra desde 1980, aderindo já naquela altura à esquerda abertzale basca. Autor de numerosos estudos sociológicos e políticos, enre os que podem ser destacados:

- Metamorfose nazi fascista del Estado español (1981)
- La crisis de CINDU-EUSKADI (com Margarita Ayestarán,1982)
- Tortura y sociedad (com VVAA, 1982)
- La escisión del PNV. EA, HB, ETA y la deslegitimación del Estado español en Euskadi Sur (1988)
- Negación vasca radical del capitalismo mundial (1994)
- Esos asesinos que impunemente matan cada día a miles de personas: los automóviles (1996)

Além do mais, foi no seu dia promotor do site da Rede Basca Vermelha, que informava na net sobre a situaçom social e política no País Basco, até ser fechado pola Justiça espanhola, sendo pioneiro e especialista em temas relacionados com a contrainformaçom através da Internet.

Em relaçom à Galiza, e junto a Margarita Ayestarán, foi autor, em 1974, de um dos primeiros estudos de campo sobre usos sociais do nosso idioma: Las familias de la provincia de Pontevedra en 1974. Galleguidad y conflicto lingüístico gallego.