« Disponíveis no Local Social os bilhetes para o Línguas VivasComemoramos a chegada do Verao »

Galiza-URSS e outras novidades no nosso centro social

29-06-2007

  19:54:59, por artabria   , 415 palavras  
Categorias: Local Social

Galiza-URSS e outras novidades no nosso centro social

Queres ver as novidades resultantes das reformas e melhoramentos do Centro Social da Fundaçom Artábria nos últimos meses? clica em "Continua".

Nos últimos meses, graças como sempre ao trabalho voluntário dos sócios e as sócias da Artábria, o centro social está a melhorar o visual e os serviços que oferece ao pessoal que nos visita e ao que trabalha, se reúne ou se diverte nele. Só umha cousa nom mudou, nem mudará: continuamos a ser um espaço de socializaçom do galego como língua ambiental em todos os ámbitos.

Matraquilhos: Galiza-URSS

Dous companheiros vestírom as equipas dos matraquilhos com os uniformes da Galiza e a Uniom Soviética. Provavelmente, o da Artábria seja o único lugar em que é possível ver jogar as selecçons de futebol galega e soviética.

Cafetaria renovada

A mudança mais vísivel para a cafetaria é a mao de pintura que lhe demos. A intençom foi torná-la um lugar mais agradável para conversar e beber um copo ou um café. Vós é que diredes se o conseguimos...

Já temos wi fi de graça em todo o local

E entre os novos serviços, destacamos o acesso grátis à Internet de alta velocidade sem fios. Já tínhamos cíber gratuito, mas agora alargamos a oferta de novas tecnologias e animamos as pessoas a trazerem o computador portátil e navegarem enquanto escuitam boa música e bebem um copo.

Mudanças na biblioteca-filmoteca

Mudamos a biblioteca e filmoteca de lugar, tentando dar-lhe maior protagonismo, para o qual estamos a reordenar o material com a ideia de incentivar o seu uso junto da massa social da Fundaçom.

Também arrumamos o material à venda

Mostramos-vos também o quarto em que guardamos o material à venda com que financiamos o projecto: Livros, roupa, discos e outros produtos. Se vinherdes visitar-nos, podedes também tocá-lo, experimentá-lo... e comprá-lo.

O gabinete administrativo

Por último, o Centro Social tem um espaço dedicado à gestom administrativa interna da nossa entidade:

Bem, pois isto é, basicamente, o que há. Agora é a tua vez para opinares, criticares e fazeres sugestons. Caso nom nos conheças, que esperas para vir tomar-lhe umha? E, se já souberes de nós, deves também saber que a Artábria está aberta à integraçom de mais pessoas dispostas a trabalhar pola nossa língua e polos direitos que nos assistem como povo.

2 comentários

Comentário de: Aitana [Visitante]  
Aitana

Ei!! Que bonito ficou o bar!! E que
limpo e ordenado. Haverá que ir-lhe
logo tomar algo, que já estou na Galiza. Beijocas.

03-07-2007 @ 15:40
Comentário de: Xurxo [Visitante]  
Xurxo

Que enveja!! mui bonito, muito!
nós em breve alugaremos o nosso local!
crezemos os dedos!!
saudaçons desde a barbança!!
xurxo

12-07-2007 @ 16:40
Horário de Abertura
- Segundas a sextas 10.00h-13.30h // 17.30h-feche
- Sextas e Sábados 18.00h-feche

A Associaçom Reintegracionista Artábria, nascida em 1992 em Narom, transformou-se em abril de 1998 em Fundaçom, inaugurando em setembro desse mesmo ano o seu Centro Social.

A Fundaçom Artábria está declarada de Interesse Galego e classificada de interesse cultural, com o número de inscriçom 54 e CIF:G15645518.


Para saberes mais, lê a definiçom da Artábria na wikipédia + info

Busca

Ferramentas de administraçom

  Feeds XML

b2