A Fundaçom Artábria quer manifestar a sua postura sobre a polémica gerada polo mundo do Partido Popular arredor da actuaçom no quadro das festas de Ferrol do grupo italiano Banda Bassotti:

1.- Cremos que tanto a defesa da liberdade de opiniom como a reconhecida trajectória de um grupo de contrastada qualidade e reconhecida valia a nível internacional, descartam as pretensons de quem pretendem erigir-se nuns novos tribunais inquisitoriais de infausta lembrança.

2.- Ainda que nom pensemos que esse seja o fundo da questom, lembramos que a tam mencionada peça musical, fala de factos durante o franquismo (o atentado contra Carrero Blanco) polos quais mesmo os seus presumíveis autores estám hoje amnistiados.

3.- Pensamos que esta polémica nom está criada pola dor das vítimas, senom pola estratégia de tensom e de ataque ao progressismo desenhada polo mundo do PP. Nom há mais que ver factos e actuaçons recentes no julgamento polo 11-M, em que a actuaçom da associaçom de vítimas próxima do PP qualifica-se por si mesma, ficando claro que nom todas as vítimas gozam da sua solidariedade e apoio.

Também nom parecem assépticas as críticas de associaçons de funcionários públicos, nomeadamente a "Unión Federal de Guardias Civiles", que critica este acto cultural quando um dia antes se gabava da sua negativa a cumprir leis que garantem o uso do nosso idioma, e que como sempre, ficam na total impunidade.

4.- Alertamos, nós, que temos sido vítimas de reiteradas agressons fascistas com feridos incluídos, de que grupos presumivelmente incontrolados, que já se estám a fazer notar espanholizando sinais de tránsito pola comarca e fazendo pintadas fascistas, podam exercer actos de violência, passando das ameaças virtuais às reais.

Fazemos um chamado ao goze das festas polo conjunto da cidadania, a cada quem segundo os seus gostos e apetências, e a fugir de provocaçons e de falsas polémicas.

Asinado pola Fundaçom:
Joám Francisco López Pérez