« Concerto de Kaos Urbano na Fundaçom Artábria | A Fundaçom Artábria ante a polémica criada polo Partido Popular ante concerto do grupo Banda Bassotti em Ferrol » |
A Fundaçom Artábria quer fazer chegar aos companheiros e companheiras da Revira umha saudaçom solidária após o ataque de que o seu Centro Social foi alvo na passada sexta-feira dia 10 de Agosto, quando a porta de entrada do local foi incendiada, obrigando à intervençom dos bombeiros.
Tendo sido objectivo de agressons fascistas em repetidas ocasions, a nossa entidade sabe que os grupos fascistas continuam a agir à vontade em diferentes pontos do nosso país, sem que sejam tomadas medidas para as evitar por parte das instituiçons responsáveis.
O caso de Ponte Vedra é só mais um capítulo de umha velha história de agressons fascistas aos mais diversos movimentos sociais de carácter progressista, sendo as entidades comprometidas com os direitos nacionais da Galiza objectivo preferente para esses grupos supostamente “incontrolados”.
Tal e como os companheiros e companheiras da Revira tenhem indicado, nom é tam difícil saber quem fôrom os autores materiais da agressom, já que o reduzido grupo de ultras violentos som conhecidos nas cidades galegas em que actuam. Porém, as suas actuaçons costumam ficar na mais pura impunidade.
É necessário que as instituiçons públicas se comprometam para evitar que as acçons fascistas continuem, ou assumam que a sua passividade os converte em cúmplices.
Seja como for, enviamos todo o nosso apoio ao Centro Social A Revira, animando as companheiras e companheiros que o dinamizam a continuarem com um labor imprescindível para a defesa dos nossos direitos lingüísticos e nacionais, objectivos que, junto a um profundo antifascismo, unem de maneira estreita A Revira e a Fundaçom Artábria.
Fundaçom Artábria
Terra de Trasancos, 12 de Agosto de 2007