Na manhá de hoje, as e os habitantes da nossa comarca tínhamos umha convocatória ineludível, para rejeitarmos a imposiçom de umha indústria contrária ao verdadeiro desenvolvimento sustentável de Trasancos e da Galiza. Milhares de pessoas participárom na manifestaçom convocada polo Comité de Emergência da Ria, entre elas, as que formamos a Fundaçom Artábria. Clica abaixo para veres algumhas imagens.

Leia mais »

O próximo sábado, dia 29, contaremos na Fundaçom Artábria com a actuaçom da Banda Pontenkim, serà às 22.30 e o preço do bilhete será de 4 euros para público em geral e 3 euros para @s noss@s sóci@s. Nom o perdas!

Mais info em: komunikando.net

A Fundaçom Artábria chama a participar na mobilizaçom convocada polo Comité Cidadao de Emergência para o próximo domingo, 30 de Setembro, e que sairá às 12h do Peirao de Corujeiras. Especialmente fazemos um apelo a todo o tecido associativo que trabalha nos diferentes Centros Sociais da Galiza.
Após a mobilizaçom haverá petiscos de graça no nosso Local Social.

Mais info: comitecidadan.org

O próximo sábado a Fundaçom Artábria cede as suas instalaçons à Associaçom Fervesteiro para a interpretaçom, dentro das actividades do festival, da obra teatral "Desconcertos con tropezons e auroras". Interpretado por Olaia Pazos. Será às 21h e a entrada de graça.

Mais informaçom do festival no web do colectivo: www.fervesteiro.org

A Comissom Coordenadora convoca a Assembleia Geral Ordinária da Fundaçom Artábria para domingo, dia 23 de Setembro, às 19h, no nosso local (Travessa de Batalhons nº 7 Ferrol) com a seguinte ordem do dia:

1.- LEITURA E APROVAÇOM ACTA(S) ANTERIOR(ES)
2.- SITUAÇOM ECONÓMICA E ORGANIZATIVA
- Valorizaçom da situaçom Actual
- Valorizaçom do Festival da Terra e da Língua
- Café-Bar
3.- ELEIÇOM DIRECTIVA E PROCESSO ELEITORAL
4.- VÁRIOS

A Fundaçom Artábria colabora junto a AAVV Fontelonga, CNT, Fervesteiro e NÓS-Unidade Popular na projecçom do documentário "O Salário do silêncio" organizada polo Comité Cidadao de Emergência. Será na próxima sexta-feira, 21 de Setembro, às 21h na Praça do Hino Galego (bairro de Esteiro, Ferrol). Caso chova, a projecçom transladará-se à carpa do festival organizado polo Fervesteiro em Batalhons.

Ferrol era a única das oito principais cidades galegas que ainda nom tinha o português entre os idiomas de aprendizagem na sua Escola Oficial de Idiomas. Felizmente, neste ano começam as aulas, o que vai permitir-nos obter umha formaçom e umha habilitaçom oficial.

Leia mais »

Neste fim de semana, o centro social da Artábria acolheu actividades, todas gratuitas, diversas e de grande interesse, que conseguírom manter umha boa média de participaçom e avançárom o que será um Outono de muito movimento. Se nom tiveste ocasiom de vir, resumimos-chas e convidamos-te a participar nas próximas...

Leia mais »

A companhia de Pasaia (Euskal Herria) Interruptus visitam neste sábado 15 de Setembro a Fundaçom Artábria com o seu The interrup-tour.

A obra, qualificada como Concerto-Teatro polos seus autores, narra a vida de um cantor através da música e o teatro. Na obra, poderemos escuitar desde temas de Mikel Laboa até de míticos grupos como Kortatu ou La Polla.

A obra começará às 22.30 horas e a entrada é de graça.

No próximo sábado, dia 15 de Setembro, contaremos com a presença de Ramom Muntxaraz, Maria Ameneiro e Antom Moreda, que apresentarám em Ferrol a revista 'Gaiola Aberta', realizada por um grupo de trabalhadores, trabalhadoras e pessoas internas em centros de saúde mental da Galiza. Apresentamos-vos a seguir um texto sobre os 15 anos de história do colectivo, ao tempo que vos convidamos a participar no acto de apresentaçom, que começará às sete e meia da tarde.

Leia mais »