Umha delegaçom da Fundaçom Artábria participou ontem, junto a um bom número de entidades culturais ferrolanas, numha nova reuniom convocada pola vereadora da Cultura de Ferrol. Na mesma, os nossos companheiros apresentárom algumhas propostas concretas para a presente legislatura em matéria de cultura e língua.

A nossa entidade apresentou ainda, a pedido da Cámara Municipal, o programa de actividades previstas para os próximos meses, com o objectivo de aceder às ajudas públicas convocadas pola instituiçom municipal. Há que lembrar que, durante as últimas legislaturas, a Fundaçom Artábria nom recebeu nengum subsídio público da Cámara Municipal de Ferrol.

As propostas concretas postas sobre a mesa polos representantes da Fundaçom Artábria fôrom apresentadas em ocasions anteriores aos governos precedentes. Sintetizamo-las a seguir:

1. Aplicaçom do Plano de Normalizaçom Lingüística aprovado unanimemente e publicado em 2003 e desde aquela nunca levado à prática polos sucessivos governos.

2. Assunçom e defesa polo Pleno municipal da proposta de que o Dia das Letras de 2009 seja dedicado a Ricardo Carvalho Calero, filho ilustre de Ferrol.

3. Aquisiçom e restauraçom da casa natal de Ricardo Carvalho Calero, em estado ruinoso e ameaçada de desabamento iminente.

4. Potencializaçom do Prémio de Investigaçom Lingüística e Literária Ricardo Carvalho Calero, em progressiva decadência devida ao abandono dos últimos governos municipais.

5. Criaçom de umha secçom do livro lusófono na Biblioteca Municipal de Ferrol.

Além das propostas anteriores, e em relaçom às ajudas públicas dedicadas a entidades culturais, a nossa entidade transmitiu na referida reuniom de entidades culturais com a vereadora da Cultura a necessidade de que a arbitrariedade e a desproporçom habituais cedam passagem a critérios objectivos e equitativos no reparto de subsídios municipais às entidades culturais ferrolanas.

A vereadora da Cultura, Yolanda Diaz, comprometeu-se a defender na Comissom de Governo as propostas relacionadas com o reconhecimento institucional da figura de Ricardo Carvalho Calero, ficando as restantes propostas pendentes da constituiçom de organismos específicos como o Conselho Municipal de Língua, que desenhará a actuaçom municipal nessa área.

Quanto à Artábria, continuará a fazer as propostas e críticas pertinentes ao novo governo municipal, como tem feito sempre durante os últimos quinze anos aos sucessivos executivos municipais ferrolanos.