Ferrol era a única das oito principais cidades galegas que ainda nom tinha o português entre os idiomas de aprendizagem na sua Escola Oficial de Idiomas. Felizmente, neste ano começam as aulas, o que vai permitir-nos obter umha formaçom e umha habilitaçom oficial.

Além do mais, através da aprendizagem do português fortalecemos os nossos conhecimentos de galego, sendo variantes de um mesmo sistema lingüístico em que a portuguesa funciona como o melhor antídoto para os espanholismos e as desnaturalizaçons que afectam à galega.

É por isso que da Artábria saudamos a chegada do Português ao ámbito académico da EOI de Ferrol e encorajamos-vos a vos inscreverdes. O prazo vai da segunda-feira 24 à sexta-feira 28 de Setembro. As aulas começarám no mês de Outubro e há três ofertas horárias diferentes (umha de manhá, de 9 a 10.30h, e duas de tarde, de 16 a 17.30h e de 19 a 20.30h).

A Escola Oficial de Idiomas de Ferrol acha-se na rua Real, número 29.
Telefone: 981 324 025
Página web: http://www.eoiferrol.org

Também podes visitar o blogue do companheiro Maurício Castro, que será o novo professor de Português da EOI de Ferrol, em:

http://portugues-ferrol.blogspot.com