Na manhá de hoje, as e os habitantes da nossa comarca tínhamos umha convocatória ineludível, para rejeitarmos a imposiçom de umha indústria contrária ao verdadeiro desenvolvimento sustentável de Trasancos e da Galiza. Milhares de pessoas participárom na manifestaçom convocada polo Comité de Emergência da Ria, entre elas, as que formamos a Fundaçom Artábria. Clica abaixo para veres algumhas imagens.

Continua:

Foi umha mobilizaçom grande e diversa, com entidades populares e pessoas aderindo ao chamado do Comité de Emergência. As ruas de Ferrol voltárom a ecoar ao grito de A Ria é nossa e nom de Reganosa!...

E quando a manifestaçom concluiu, o nosso centro social ofereceu, gratuitamente, uns petiscos especialmente pensados para as muitas pessoas que viajárom de outros pontos da Galiza para apoiarem solidariamente a nossa luita.

O jantar de irmandade anti-Reganosa pujo termo a umha nova jornada de luita que nos levará finalmente a derrotar um projecto gasista que, longe de trazer progresso para o nosso país, só trará destruiçom para o nosso meio natural e riscos para a populaçom que vive em torno da Ria.