Na passada sexta-feira, dia 28 de Setembro, o nosso centro social enfeitou-se com as melhores vestes para comemorarmos colectivamente os nove anos da Fundaçom Artábria. Umha ceia que juntou meio cento de pessoas associadas, colaboradoras e amigas da Artábria que nom só nos acompanhárom nesse dia, mas nos momentos difíceis, e também nos êxitos, durante a última década.

Para tam importante ocasiom, preparamos umha ceia no centro social, e festejamos que, contra vento e maré, estamos aqui, como em 1998, a defender os mesmos princípios e a demonstrar que é possível viver individual e colectivamente em galego, fazer cultura e relaçons sociais em galego. Reclamar os nossos direitos lingüísticos em galego, manter alto e claro o discurso e a prática reintegracionista e luitar, em definitivo, por umha Galiza em galego.

Do lado musical da nossa festa anual, participárom nesta ocasiom o amigo Manolo Bacalhau, que interpretou peças da musica popular galega e portuguesa, e Uxia Senlhe, acompanhada à viola polo músico brasileiro Sérgio Tannus, que cantárom várias peças brasileiras e galegas para as sessenta pessoas que chegárom a congregar-se depois de umha ceia abundante.

Mostramos-vos algumhas imagens do jantar-festa do nono aniversário da Fundaçom Artábria, à espera de conseguirmos, para o ano, repetir umha experiência que deixou um muito doce sabor de boca às muitas companheiras e companheiros que participárom.

Começamos com algumhas cenas das actuaçons musicais:

A animaçom nom decaiu durante as várias horas de ceia, música e conversa...

O companheiro Joám Lopes, que presidiu a Fundaçom Artábria no último ano, dirigiu umhas palavras de despedida do cargo às pessoas presentes.

O trabalho voluntário voltou a ser determinante para possibilitar a realizaçom da actividade lúdico-festiva.

Que como findou a noite de celebraçom? Cantando todas e todos juntos o Grândola, é claro!!