Após a Assembleia Geral decorrida no passado domingo dia 23 de Setembro de 2007, no local da Fundaçom Artábria, decidiu-se abrir um processo eleitoral que conclui com a eleiçom de umha directiva. Conscientes tod@s de que é a fórmula necessária para melhorar na gestom da Fundaçom, assim como na organizaçom de actividades e na tomada de decisons entre assembleias.

Por isso, decidiu-se convocar umha assembleia para o vindouro dia 4 de NOVEMBRO de 2007, às 19:00hs no local da Fundaçom Artábria (Travessa de Batalhons nº 7 rés-do-chao Esteiro-Ferrol, Galiza). Para participar na assembleia, é obrigatório ter as quotas em dia é umha antigüidade mínima de três meses até o dia da mesma. No caso de nom ter em dia as quotas, poderás participar na mesma, mas só com voz e sem voto.

A ordem do dia terá um único ponto:

ELEIÇOM DA NOVA DIRECTIVA DA FUNDAÇOM ARTÁBRIA

Quanto à apresentaçom de candidaturas, lembramos que:

- As candidaturas deverám apresentar-se antes das 00:00hs do dia 3 de Novembro de 2007, sendo portanto o prazo limite até as doze da noite do dia 2 de Novembro de 2007(Sexta-Feira).

- O número de membros da candidatura será como mínimo de 7 pessoas, podem-se incluir até três suplentes.

- As candidaturas terám que manter umha proporcionalidade de género do 60%-40%. [4-3]

- As pessoas da candidatura terám que ter as quotas em dia no dia de apresentaçom das mesmas.

- Em caso de existir mais de umha candidatura, o reparto de membros da directiva realizará-se em proporçom ao número de votos válidos de cada candidatura, excluindo neste caso os votos em branco. Se só houver umha candidatura, será eleita sempre que conte com a maioria de votos favoráveis da assembleia.