O nosso centro social tivo a sorte de contar com a presença do escritor Séchu Sende, que apresentou assim em Ferrol, na passada sexta-feira, a sua mais recente obra: o livro de relatos Made in Galiza, editado por Xerais. Apesar de começar às 22 horas da sexta-feira, o acto, apresentado polo nosso companheiro Maurício Castro, tivo umha boa resposta de público, que ficou satisfeito pola formativa alocuçom do jovem escritor.

Continua:

Séchu Sende, dedicado profissionalmente à actividade docente, começou manifestando a sua simpatia polo movimento de centros sociais que na Galiza fam da defesa dos direitos lingüísticos um sinal de identidade. A seguir, combinou a reflexom sobre a difícil situaçom do nosso idioma com a sua própria trajectória pessoal, que o levou a assumir a prática galegófona e o reintegracionismo.

A leitura de algumhas das narraçons curtas incluídas no volume e a contínua interacçom com o público dérom dinamismo ao acto e motivárom um debate sobre a necessidade de que a juventude galega assuma um papel histórico na viragem das tendências sociolingüísticas indicadas polos estudos de campo, nomeadamente nas áreas urbanas da Galiza.

No fim do debate, numerosas pessoas comprárom exemplares da obra de Séchu Sende, apreveitando a presença do autor para conseguir umha dedicatória e parabenizá-lo polo seu labor em defesa do nosso idioma.