
Por fim está na rua umha nova obra editorial importante para todos e todas as que escrevemos conforme as normas do galego histórico ou reintegracionista: o Manual Galego de Língua e Estilo, da autoria de Maurício Castro, Beatriz Peres e Eduardo Maragoto. Um volume de 495 páginas acompanhado de um CD com o processador de texto Open Office e o verificador ortográfico para galego-português.

Como cada ano, o nosso Centro Social no bairro de Esteiro juntou um bom número de amigos e amigas da Artábria, para conjuntamente comemorarmos o Magosto. Castanhas, liscos de toucinho, chouriços assados e vinho, além da música e a conversa voltárom a aquecer a noite de Novembro nesta sexta-feira, como limiar de um novo fim de semana. Clica abaixo para veres mais imagens do Magosto.

O escritor corunhês José Alberte Corral Iglésias acompanhou-nos ontem no Centro Social num acto literário de apresentaçom da sua mais recente obra: Buracos no espelho, editado pola AGAL. O livro está já à venda no nosso Centro Social a um preço de 9 euros.

Tal como anunciamos em dias passados, o Ateneu Ferrolán acolheu um acto co-organizado pola Fundaçom Artábria e a Associaçom Galega da Língua (AGAL) para divulgar a figura de Ricardo Carvalho Calero, fundamental no século XX galego.

A música do ferrolano Fer Patinho e a ferrolana Cris Marinho, os Falsos Baianos, conquistou o público que véu ontem ao centro social da Artábria, para escuitar música brasileira de grande qualidade e beleza, que como tal foi apreciada.

O reconhecido teórico marxista e militante independentista basco Iñaki Gil de San Vicente estivo na Fundaçom Artábria o passado 14 de Novembro, convidado por Primeira Linha. A palestra organizada polo partido comunista centrou-se em explicar-nos com a sua análise a a experiência revolucionária inciada em 1917 na Rússia, com motivo do nonagésimo aniversário da mesma.

Na próxima quinta-feira, dia 22 de Novembro, a nossa entidade, em parceria com a Associaçom Galega da Língua (AGAL), e contando com a colaboraçom do Ateneu Ferrolano, organiza umha palestra dedicada à figura de um ferrolano e galego ilustre: Ricardo Carvalho Calero.

Na sexta-feira 16 de Novembro, actuarám na Fundaçom Artábria o duo Falsos Baianos, composto pol@s artistas ferrolan@s Fer Patinho e Cris Marinho, que interpretarám temas de Péricles Cavalcanti e Tom Zê.
O concerto começará às 22h e a entrada é de graça.

Na próxima sexta-feira 23 de Novembro, José Alberte Corral Iglesias apresentará no nosso Contro Social o seu último trabalho, "Buracos no espelho". A apresentaçom do livro editado pola AGAL começará às 20h.

A Fundaçom Artábria organiza para o próximo sábado, 23 de Novembro, um Magusto popular em que haverá liscos e castanhas de graça.
Mas a degustaçom gastronómica nom acaba aí, já que organizamos o I Concurso de Petiscos de Produtos de Outono. Portanto, anima-te e traz à Artábria as tuas "delicatessem" de castanhas, cabaça ou outro produto de época.
A festa continuará com umha tradicional repichoca ártabra. Já podes reservar a data, porque contamos contigo para esse dia a partir das 21h.

| Seg | Ter | Qua | Qui | Sex | Sab | Dom |
|---|---|---|---|---|---|---|
| << < | Atual | > >> | ||||
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||