A Assembleia Geral de associados e associadas da Fundaçom Artábria reuniu-se ontem, dia 4 de Novembro, de maneira ordinária com um único ponto na ordem do dia: a eleiçom de umha nova directiva para os próximos dous anos.

Continua:

A votaçom serviu para proclamar unanimemente um organismo de direcçom que combina a continuidade de alguns companheiros e companheiras com a renovaçom, incorporando outras que pola primeira vez assumem cargos de responsabilidade.

Em cumprimento das normas estabelecidas na nossa entidade, a lista apresentada nom podia ter um desequilíbrio de género, na sua composiçom, superior a 60% / 40%. Assim foi, e finalmente temos já nova directiva, que verá renovada metade dos seus membros daqui a um ano, para garantir a necessária rotatividade nos cargos, enquanto a permanência da outra metade por mais um ano possibilita que as alternáncias se fam de maneira ordenada.

Eis a lista de companheiras e companheiros que componhem o novo organismo de direcçom da Fundaçom Artábria:

Sílvia Casal Sabim, Mª Isabel Salnês Bacelo, Óscar Peres Vidal, Ernesto Lopes Dias, Bruno Lopes Teixeiro, Íria Rodrigues Seixo e Gonçalo Grandal Crespo.

A existência estável do organismo de direcçom nom evitará que a Assembleia Geral, máximo organismo da nossa entidade, continue a reunir-se bimestralmente, como véu fazendo até hoje.