A música do ferrolano Fer Patinho e a ferrolana Cris Marinho, os Falsos Baianos, conquistou o público que véu ontem ao centro social da Artábria, para escuitar música brasileira de grande qualidade e beleza, que como tal foi apreciada.

Durante mais de umha hora, o duo ferrolano interpretou temas baianos e, em geral, pertencentes aos grandes géneros da música popular brasileira, com base na viola do Fer e a cálida voz da Cris. Algumhas das composiçons mais originais e ousadas de grandes autores como Péricles Cavalcanti ou Tom Zê soárom no centro social ártabro, trazendo-nos mais umha vez a sonoridade musical do galego cantado com sotaque brasileiro.

Aqui vos deixamos mais umhas imagens da velada brasileira desta sexta-feira de Novembro.