Tal como anunciamos em dias passados, o Ateneu Ferrolán acolheu um acto co-organizado pola Fundaçom Artábria e a Associaçom Galega da Língua (AGAL) para divulgar a figura de Ricardo Carvalho Calero, fundamental no século XX galego.

Maurício Castro, José-Martinho Monteiro Santalha e Alexandre Banhos expugérom alguns traços da vida e a obra do que foi primeiro Catedrático de Língua e Literatura Galegas, filólogo, estudioso da literatura galega, criador literário e sociolingüista.

A nossa entidade aproveitou o evento para fazer pública a campanha de reivindicaçom do Dia das Letras de 2009 para Carvalho Calero, quando se cumprirám 18 anos do seu falecimento, em 1990. Representantes de entidades ferrolanas como o Ateneu Ferrolán ou o Coro Toxos e Froles mostrárom já o seu interesse em apoiar a campanha, tal como a vereadora da Cultura da Cámara Municipal de Ferrol, presente no acto público de ontem.