O escritor corunhês José Alberte Corral Iglésias acompanhou-nos ontem no Centro Social num acto literário de apresentaçom da sua mais recente obra: Buracos no espelho, editado pola AGAL. O livro está já à venda no nosso Centro Social a um preço de 9 euros.

Continua:

Corral Iglésias, velho reintegracionista já desde a sua juventude, exilado à América por motivos políticos durante a última fase do franquismo, e retornado finalmente à sua Corunha natal, expujo a sua visom do facto literário e a relaçom que para ele mantém com a sua experiência vital concreta, recriando-a.

Nom podemos deixar de agradecer ao autor de Buracos no espelho a doaçom de exemplares das suas quatro obras anteriores como fundo para a biblioteca da Fundaçom Artábria, com dedicatórias incluídas. Finalizado o acto, Corral assinou vários exemplares da sua obra às pessoas que a adquirírom, sendo parabenizado pola sua amena apresentaçom.

Sabemos que nom é fácil atrair amplos públicos para obras literárias que nom contam com grandes promoçons publicitárias, mas nom por isso vamos deixar de promover a criaçom dos nossos autores e autoras. Daí a importáncia de actos como o protagonizado hoje polo amigo José Alberte, que além de escritor em galego-português é dinamizador da vida cultural corunhesa através do seu cargo directivo na Associaçom Cultural O Facho.