« Som do Galpom na Fundaçom Artábria | Sucesso da Jornada Internacionalista organizada polo Grupo de Base de BRIGA na Fundaçom Artábria » |
A passada sexta-feira, 7 de Dezembro, Nao apresentava em Ferrol o seu primeiro trabalho "As palavras espidas". Publicamos a crónica do concerto redigida polo companheiro Xende mais umha galeria gráfica do concerto. Mais umha vez agradecemos à Núri e a Kamikaze Produçons a sua colaboraçom com o nosso projecto.
Mais info: www.myspace.com/somosnao
Crónica por Xende Lopes Teixeiro
Na passada sexta-feira, o local da Artábria viveu mais umha noite de música galega. Nesta ocasiom, fôrom os NAO, que vinhérom apresentar o seu primeiro trabalho 'As palabras espidas'.
Apesar de que a concorrência de público no foi a aguardada, os NAO nom decepcionárom e descarregárom toda essa força que os caracteriza ao vivo. Perto de duas horas de concerto em que os da Estrada tivérom tempo de apresentar os temas deste primeiro trabalho mas também de repassar muitos dos temas dessa primeira demo que os fijo situar-se entre as bandas de referência da cena musical galega actual.
Pessoalmente, aguardo que este trabalho seja o primeiro passo de umha longa e exitosa carreira para umha banda que a partir da base do rock, e influenciada por outros ritmos como o metal, o hardcore ou o rap, nos achega umha lírica carregada de experiências vitais, de sentimentos e de luita com a que conseguem que sintamos como próprias cada umha das suas palavras espidas.
"As palavras espidas" já à venda na Fundaçom Artábria"
..10 euros ..