A variada agenda de concertos que durante o ano 2007 organizou a Fundaçon Artábria nom podia ter um feche melhor.

Lembrando o bom sabor de boca deixado no seu passo polo nosso local no passado mês de Fevereiro, o sábado 29 de Dezembro regressava ao nosso local a música metaleira dos Machina; banda formada por quatro jovens naturais da prolífera (musicalmente) vila de Cerzeda.

Mais umha vez, temos de lamentar que a concorrência de público nom figesse justiça à descarga de boa música dos cerzedenses, que demonstrárom porque som umha das melhores bandas do metal galego.

Machina aproveitou a oportunidade para anunciar que durante este mês de Janeiro, verá a luz o seu primeiro trabalho; um EP que recolherá cinco temas e um video-clipe, e do qual já podedes escuitar um adianto no seu myspace.

Da Fundaçom Artábria desejamos a estes 4 rapazes, que já fam parte da listagem de inúmeros amigos do nosso projecto, toda a sorte do mundo no seu caminho polo difícil mundo da música.